सर्वकप स्वच्छता मोहीम (डिप क्लिनिंग) कामांबाबत नागरिकांकडून प्रश्नचिन्ह !
घाटकोपर, (केतन भोज) : बृहन्मुंबई महानगरपालिकेच्या एन विभागातील विक्रोळी पार्कसाईट, रामनगर, राहूल नगर, डकलाईन, सेवा नगर, भीम नगर मध्ये सर्वकप स्वच्छता मोहीम (डिप क्लिनिंग) कामांसाठी ठेकेदार संस्थांची नियुक्ती करण्यात आली असल्याचे सांगितले जात असले, तरी प्रत्यक्षात अनेक ठिकाणी सर्वकप स्वच्छता मोहीम (डिप क्लिनिंग) ची कामे होताना दिसत नसल्याचा आरोप स्थानिक नागरिकांकडून केला जात आहे. स्थानिकांच्या म्हणण्यानुसार सर्वकप स्वच्छता मोहीम (डिप क्लिनिंग) च्या कामांसाठी ठेकेदार संस्था नेमली असूनही प्रत्यक्षात कामे होताना दिसत नाहीत. मग ही योजना नेमकी ठेकेदारांसाठी आहे की नागरिकांसाठी?” असा सवाल स्थानिक नागरिकांनी उपस्थित केला आहे. स्थानिक नागरिकांच्या म्हणण्यानुसार,अनेक भागांमध्ये नाले, गटारे सर्वकप स्वच्छता मोहीम (डिप क्लिनिंग) संबंधित कामे नियमित विभागात स्वच्छता होत नसल्याने पावसाळ्याच्या पार्श्वभूमीवर चिंता व्यक्त केली जात आहे.सर्वकप स्वच्छता मोहीम (डिप क्लिनिंग) योजनांवर महापालिकेकडून लाखो रुपये मोठ्या प्रमाणात खर्च होत असताना त्याचा प्रत्यक्ष फायदा नागरिकांना मिळत आहे का, याबाबतही प्रश्न उपस्थित होत आहेत.दरम्यान, या विषयावर मनपा एन विभागाच्या घन कचरा व्यवस्थापन विभागाने संबंधित कामांची माहिती,कामाचे वेळापत्रक तसेच ठेकेदार संस्थांना देण्यात आलेल्या जबाबदाऱ्यांची माहिती सार्वजनिक करावी,अशी मागणी स्थानिक नागरिकांकडून केली जात आहे.पावसाळा तोंडावर असताना सर्वकप स्वच्छता मोहीम (डिप क्लिनिंग) योजनेच्या संबंधित कामांची प्रभावी अंमलबजावणी होणे आवश्यक असल्याने, प्रशासनाने या तक्रारींची दखल घेऊन वस्तुस्थिती स्पष्ट करावी, अशी अपेक्षा व्यक्त केली जात आहे.
No comments:
Post a Comment