घाटकोपर पश्चिम विधानसभा क्षेत्रामध्ये रॅलीच्या माध्यमातून मतदारांच्या भेटी घेण्यावर उमेदवारांचा जोर !!
घाटकोपर, (केतन भोज) : घाटकोपर पश्चिम विधानसभा क्षेत्रामध्ये महाविकास आघाडी उद्धव बाळासाहेब ठाकरे गटाचे संजय भालेराव, मनसेचे गणेश चुक्कल तर भाजपचे राम कदम यांच्यात तिरंगी लढत होत आहे. या विधानसभा मतदारसंघामध्ये तिन्ही पक्षांच्या उमेदवारांच्या प्रचारांचा धुरळा उडाला आहे. मतदार संघातील भाजप व शिवसेना उद्धव बाळासाहेब ठाकरे गट या दोन्ही राजकीय पक्षांच्या उमेदवारांनी रविवारी रॅलीच्या माध्यमातून घाटकोपर पश्चिम मतदारसंघामध्ये मतदारांची भेट घेण्यावर जोर देत विधानसभा क्षेत्रामध्ये भव्य शक्तिप्रदर्शन केले. दोन्ही पक्षातील पदाधिकारी व कार्यकर्ते आणि नागरिकांचा यावेळी उत्स्फूर्त प्रतिसाद पाहायला मिळाला असून विविध चौकांमध्ये पक्षाच्या कार्यकर्त्यांच्या माध्यमातून उमेदवारांच्या रॅलीचे स्वागत करण्यात आले. तर मनसेचे गणेश चुक्कल यांची भव्य परिवर्तन प्रचार रॅली आज सोमवारी आयोजित करण्यात आली आहे.विधानसभा निवडणुकीच्या प्रचाराचा सोमवारी शेवटचा दिवस असून सायंकाळी ५ नंतर सर्व राजकीय पक्षांचा प्रचार बंद होणार आहे. ( छाया: केतन भोज)
No comments:
Post a Comment