मिशन बॉस मानवाधिकार युवा फाउंडेशनचे संस्थापक राष्ट्रीय अध्यक्ष मोहसिन भाई शेख यांनी सर्वपक्षीय नेत्यांची घेतली भेट. !!
उरण दि २५, (विठ्ठल ममताबादे) : कोणत्याही व्यक्तीवर अन्याय होऊ नये व अन्याय झाल्यास त्या अन्यायाच्या विरोधात आवाज उठविण्यासाठी व न्याय मिळवून देण्यासाठी सामाजिक कार्यकर्ते मोहसिन भाई शेख यांनी मिशन बॉस मानवाधिकार युवा फाउंडेशनची स्थापना केली. या संघटनेच्या माध्यमातून त्यांनी अनेक समस्यावर आवाज उठवून गोर गरिबांना न्याय मिळवून दिला आहे. अन्याया विरोधात आवाज उठविण्यासाठी सर्वांना एकत्र करण्याचा त्यांचा संकल्प आहे. त्यांचे नेहमी विविध सामाजिक कार्यही सुरु असते. त्या अनुषंगाने तसेच दिवाळी सणाचे औचित्य साधून मिशन बॉस मानवाधिकार युवा फाउंडेशनचे संस्थापक राष्ट्रीय अध्यक्ष मोहसिन भाई शेख यांनी सर्वपक्षीय नेत्यांची भेट घेतली आहे.
उरणचे आमदार तथा भाजपा नेते महेश शेठ बालदी ,कॅबिनेट मिनिस्टर तथा शिवसेनेचे शिंदे गटाचे नेते भरतशेठ गोगावले ,मावळ लोकसभा मतदार संघांचे खासदार श्रीरंग आप्पासाहेब बारणे, शिवसेना जिल्हाध्यक्ष अतुलशेठ भगत, राष्ट्रवादी काँग्रेस पार्टी (शरदचंद्र पवार पक्ष)च्या महाराष्ट्र राज्य उपाध्यक्ष भावनाताई घाणेकर, शिवसेना (श्री उद्धव बाळासाहेब ठाकरे गट)चे रायगड जिल्हाध्यक्ष तथा माजी आमदार मनोहर शेठ भोईर यांच्यासह सर्वच पक्षातील विविध नेत्यांची, पदाधिकाऱ्यांची भेट घेऊन मिशन बॉस मानवाधिकार युवा फाउंडेशनचे संस्थापक राष्ट्रीय अध्यक्ष मोहसिन भाई शेख यांनी सर्वांना दिवाळीनिमित्त शुभेच्छा दिल्या. तसेच विविध समस्या सोडविण्या संदर्भात चर्चा सुद्धा केली. मोहसीन शेख यांचे जनसंपर्क दांडगा असून त्यांच्या कार्याचे कौतुक सर्वच राजकीय पक्षाच्या नेत्यांनी व पदाधिकाऱ्यांनी केले आहे.
No comments:
Post a Comment