साहित्य संघात "मुक्काम पोस्ट शाळा" नाट्यप्रयोगाचे आयोजन !!
** अनाथ - गरजू विदयार्थ्यांच्या शैक्षणिक मदतीसाठी निधीसंकलनाचा उपक्रम
मुंबई - ( दिपक कारकर )
कोकणातील एका नवोदित नाट्यलेखकाने अतिशय उत्कटपणे लिखाण करत एक नवा विषय रसिक प्रेक्षकांच्या समोर आणला आहे. शाळेतील प्रेम खरंच असतं कां? हे प्रेम शेवट पर्यंत टिकते कां? की प्रत्येकाच्या आयुष्यात मोठा धडा शिकवून जाते? अशा अनेक प्रश्नांचे उत्तर ह्या नाट्यकृतीतील पाहायला मिळणार आहे. शालेय जीवनावर आधारित विनोदी व समाजप्रबोधनपर दोन अंकी नाटक "मुक्काम पोस्ट शाळा" रविवार दि. १७ नोव्हेंबर २०२४ रोजी सायं. ०४. ०० वा. मुंबईतील साहित्य संघ रंगमंच, गिरगाव ( चर्नी रोड ) येथे सादर होणार आहे. कलासंगम व दिलीप डिंगणकर प्रस्तुत मंगेश गावणंग लिखित व गंगाराम गोताड दिग्दर्शीत सदर नाटकाचा ३ रा प्रयोग सादर होणार आहे. नाट्यप्रयोगातील सर्व सहाय्यक टीम व कलावंत यांची प्रचंड मेहनत यामागे आहे. सदर नाट्यप्रयोगातून मिळणारा निधी पंचक्रोशीतील सामाजिक/शैक्षणिक उपक्रमकरिता उद्देशीय आहे. सर्व नाट्यप्रेमी यांनी मोठया संख्येने उपस्थित राहण्याचे आवाहन संयोजकांतर्फे करण्यात आले आहे. अधिक माहितीसाठी - ९७६६४९२५५५ यांच्याशी संपर्क साधावा.
No comments:
Post a Comment