गणेश चुक्कल यांच्या प्रचारार्थ भव्य परिवर्तन प्रचार रॅलीचे आयोजन !!
घाटकोपर, (केतन भोज) : घाटकोपर पश्चिम विधानसभेचे महाराष्ट्र नवनिर्माण सेनेचे अधिकृत उमेदवार गणेश चुक्कल यांच्या प्रचारार्थ सोमवार दि.१८ नोव्हेंबर रोजी सकाळी १० ते सायंकाळी ५ पर्यंत भव्य प्रचार रॅलीचे आयोजन करण्यात आले आहे.डॉ.बाबासाहेब आंबेडकर पुतळा वर्षा नगर पासून ही रॅली चालू होऊन छत्रपती शिवाजी महाराज चौक अमृत नगर सर्कल पर्यंत या रॅलीचा मार्ग असणार आहे आणि याठिकाणी या प्रचार रॅलीची सांगता करण्यात येणार आहे.समाजातील प्रत्येक घटकाला समान न्याय-हक्क,आणि अधिकार मिळवून देण्यासाठी परिवर्तनाची ही रॅली आयोजित करण्यात आली असून या परिवर्तन रॅलीत सर्व महाराष्ट्र सैनिकांनी व घाटकोपर पश्चिम वासियांनी हजारो लोकांची एकजूट यांचा संगम अनुभवण्यासाठी अवश्य मोठ्या संख्येने सहभागी व्हावे,असे आवाहन मनसे उमेदवार गणेश चुक्कल यांच्या वतीने करण्यात आले आहे.सोमवारी सायंकाळी ५ वाजेर्यंत प्रचाराचा शेवटचा दिवस असून यादिवशी प्रचाराचा धुरळा उडताना दिसणार आहे.
No comments:
Post a Comment