*" व्यंगचित्र एक दुर्मीळ मात्र उत्तम कला - प्रशांत कुलकर्णी, जेष्ठ व्यंगचित्रकार, दै. लोकसत्ता "*
शोभा हेल्थ एड इंडीया व अभय शिक्षण केंद्र विक्रोळी यांच्या संयुक्त विद्यमाने *जेष्ठ समाजसेविका दिवंगत शोभा खानविलकर यांच्या १७व्या स्मृतिदिनानिमित्त* सालाबादाप्रमाणे दि. २८ डिसेंबर रोजी व सुपर स्पेशालिटी भव्य वैद्यकिय शिबीर व दि. २९ डिसेंबर, २०२४ रोजी संध्याकाळी लोकसत्ताचे जेष्ठ व्यंगचित्रकार, श्री प्रशांत कुलकर्णी यांची जाहीर मुलाकात व त्यांच्या सत्काराचा कार्यक्रम आयोजित केला होता. विक्रोळी कन्नमवार नगर येथिल स्थानिक नागरिकांचा याला उत्तम प्रतिसाद लाभला. कार्यक्रमाच्या सुरवातीला संस्थेचे सचिव डॉ. अलंकार खानविलकर व स्थानिक शिवसेना महिला शाखाप्रमुख श्रीमती रश्मीताई पहूडकर यांच्या हस्ते श्री. प्रशांत कुलकर्णी यांचा सपत्निक सत्कार सन्मानचिन्ह, शाल-श्रिफळ व पुष्पगुच्छ देऊन करण्यात आला. त्यांची जाहीर मुलाकात डॉ. विष्णू भंडारे यांनी घेतली, यामध्ये त्यांच्या व्यंगचित्रकारिता या दुर्मीळ कलेच्या आजपर्यंतच्या प्रवासाबाबत त्यांना विविध प्रश्नांद्वारे बोलते केले, त्यांनी अत्यंत दिलखूलासपणे सर्व प्रश्नांना जाहीरपणे उत्तरे दिली.
व्यंगचित्रकार कोणीही होऊ शकतो पण त्यासाठी इच्छा व मेहनत करण्याची तयारी असासला पाहिजे. इतरांपेक्षा वेगळे असणे याला नाविन्य म्हणतात. व्यंगचित्र व्यापक आहे यामध्ये पॉकेट कार्टून, विनोदी कार्टून, राजकीय व्यंगचित्र, ऍनिमेशन इत्यादी प्रकार आहेत. एक ॲनिमेशन कार्टून काढण्यासाठी २२ चित्रे काढावी लागतात. मुंबईत जवळजवळ ४० ते ५० ॲनिमेशन स्टुडिओ आहेत. मी आजपर्यंत २५ हजार पेक्षा जास्त व्यंगचित्रे काढून प्रसिद्ध केली, अशा अनेक गोष्टी त्यांनी मुलाखातीद्वारे सांगितल्या.
एखादे वादग्रस्त राजकीय व्यंगचित्र काढताना तुम्हाला भीती वाटते का?, या प्रश्नाला उत्तर देताना त्यांनी सांगितले की जर भीती वाटत असेल तर त्यांनी व्यंगचित्र काढू नये. व्यंगचित्र काढण्यासाठी विनोद बुद्धी असावी लागते असेही त्यांनी एका प्रश्नाला उत्तर देताना सांगितले.
कोणतेही व्यावसायिक प्रशिक्षण नसताना व्यंगचित्र ही कला मी इतरांकडे बघूनच शिकलो, असेही त्यांनी सांगितले. स्वर्गीय बाळासाहेब ठाकरे व राज ठाकरे यांनीदेखील माझ्या राजकीय व्यंगचित्रांना चांगला अभिप्राय दिला. त्यांनी त्यांची काही निवडक व्यंगचित्रे स्क्रिन द्वारे उपस्थित श्रोत्यांना दाखवली. यामध्ये डुकरांना देखील घाण वाटेल अशा निवडणूक प्रचाराचे व्यंगचित्र, कॉम्प्युटर पेक्षा मैदानी खेळ खेळावेत, पंधरा वर्षानंतर हस्ताक्षर म्हणजे काय हे मुलांना विचारावे लागेल अशा आशयाची त्यांची व्यंगचित्रे देखील त्यांनी दाखवली. तसेच काही व्यंगचित्रे प्रत्यक्षात काढूनही त्यांनी दाखवली.
कार्यक्रमाचा समारोप सर्वांचे आभार मानून सामुहीक राष्टगिताने करण्यात आला. त्यानंतर देखिल काही उपस्थित श्रोत्यांनी कुलकर्णी सरांसोबत अनौपचारिक संवाद साधला व चांगला अभिप्राय दिला.
*डॉ. अलंकार खानविलकर* *(विश्वस्त-सचिव, शोभा हेल्थ एड इंडीया, मुंबई )*
सौजन्य - अश्विनी निवाते
