कल्याण ग्रामीण भागात विजेचा लपंडाव सुरूच.. विधुत कार्यालयावर धडकले विध्यार्थी व नवतरुण.. वीज पुरवठा सुरळीत व्हावा म्हणून ऊर्जा मंत्र्यांना साकडे...

कल्याण ग्रामीण भागात विजेचा लपंडाव सुरूच..

विधुत कार्यालयावर धडकले विध्यार्थी व नवतरुण..

वीज पुरवठा सुरळीत व्हावा म्हणून ऊर्जा मंत्र्यांना साकडे...                      

टिटवाळा, उमेश जाधव -: कल्याण तालुक्याच्या ग्रामीण भागात सध्या वारंवार विधुत पुरवठा खंडित होत असुन, ग्रामीण भागातील जनता कमालीची त्रस्त झाली आहे. या कोरोना महामारीमुळे सर्व नागरिक घरीच असून वर्क फ्रॉर्म होम,(घरूनच काम करतात) तसेच शालेय विध्यार्थी व तरुण वर्ग, शिक्षक, नागरिक ऑफिसचे कामे ऑनलाईन पद्धतीने करतांनाचे चित्र सर्वत्र दिसत आहे. 

असे असतानाही तालुक्याच्या काही भातात दोन ते तीन दिवस वीज गायब असते तर, काही ठिकाणी वारंवार वीज पुरवठा खंडित होत असतो. त्यामुळे आमचे खुप नुकसान होत आहे. ग्रामीण भागात नेहमीच विद्युत पुरवठा मोठ्या प्रमाणात खंडित होतो. या कारणास्तव अत्यावश्यक सेवेतीळ दुकानें, हॉस्पिटल, पाणी पुरवठा योजना यांवर या मोठा परिणाम होत आहे. पावसाळ्यात घरासभोताली साप, विंचू व इतर विषारी प्राणी निघत असून, जीव मुठीत धरून नागरिकांना जिवन जगावे लागते.

लहान मुळे, वृद्ध आजारी माणसे ही लाईट नसल्याने रात्र भर झोपत नसून त्यांच्या आरोग्यवर देखील याचा परिणाम होत आहे. या सर्व मागण्यासाठी ऊर्जा मंत्री, महाराष्ट्र राज्य व मुख्य कार्यकारी अभियंता कल्याण, विद्युत कार्यालाय मांडा टिटवाळा, कल्याण ग्रामीणचे उप कार्यकारी अभियंता धिरजकुमार धुवे यांना लेखी निवेदन देण्यात आले आहे. यावेळी कल्याण ग्रामीणचे राष्ट्रवादी काँगेस पार्टीचे सरचिटणीस राम सुरोशी, उपध्यक्ष विलासजी सोनावले, रायते ग्रामपंचायत उपसरपंच हरेश पवार, ग्रामपंचायत सदस्या वैशाली पवार, ओबीसी सेलचे पदाधिकारी भगवान पवार, मनोज कोर, शरद पवार, श्रीकांत तारमळे, अनिकेत सोनावले, प्रयाग सोनावले, करण सोनावले, प्रणय सोनावले,भांवेश सोनावले, शालेय विध्यार्थी पार्थ सुरोशी व नागरीक मोठया संख्येने उपस्थित होते.