कल्याण मधील धक्कादायक प्रकार खलबत्त्याने ठेचून पोलीस कॉन्स्टेबलची हत्या "पत्नी व मुलगी गजाआड" मुलगी सासरी नांदत नाही म्हणून होत होते वाद !!
कल्याण, ऋषिकेश चौधरी : कुर्ला पोलीस ठाण्यात कार्यरत पोलिस कॉन्स्टेबल प्रकाश बोरसे यांची कल्याण मधील राहत्या घरी हत्या झाली आहे. प्रकाश यांची हत्या पत्नी आणि मुलीने केल्याचे उघड झाले आहे .पत्नी ज्योती आणि मुलगी भाग्यश्री या दोघींना कोळशेवाडी पोलिसांनी ताब्यात घेतलं आहे. भाग्यश्री हिचे तीन वर्षांपूर्वी लग्न झाले होते मात्र भाग्यश्री सासरी नांदत नसल्याने बोरसे यांच्या घरात नेहमी वाद होत होते. याच वादातून काल पत्नी ज्योती व मुलगी भाग्यश्री यांनी त्यांची हत्या केली.
कल्याण पूर्वेतील नाना पावशे चौक हिरा पन्ना अपार्टमेंट येथे प्रकाश बोरसे हे आपली पत्नी ज्योती व मुलगी भाग्यश्री सोबत राहत होते. प्रकाश बोरसे हे मुंबई येथील कुर्ला पोलिस ठाण्यात कार्यरत होते. काल संध्याकाळी सात वाजण्याच्या सुमारास प्रकाश बोरसे घरी आले. त्यांचा पत्नी आणि मुली सोबत वाद झाला या वादातून दोघींनी खलबत्त्याने प्रकाश यांच्या डोक्यावर प्रहार करत त्यांना जखमी केलं.
या हल्ल्यात प्रकाश यांचा जागीच मृत्यू झाला. मृत्यूनंतर दोघी घराचा दरवाजा बंद करून एका बाजूला बसून होते जवळपास चार तास दोघी घरात बसून होत्या. याची माहिती कल्याण कोळसेवाडी पोलीस स्टेशनचे वरिष्ठ पोलीस निरीक्षक बशीर शेख यांना मिळाली, बशीर शेख यांनी पोलिसांचे एक पथक घटनास्थळी रवाना केलं, पोलिसांनी दरवाजा तोडून घरात शिरले. घरात प्रकाश यांचा मृतदेह आढळून आला.
मृतदेहाशेजारी या दोघी बसून होत्या पोलिसांनी या दोघींना देखील ताब्यात घेत पुढील तपास सुरू केला आहे. याबाबत पोलिस अधिकारी सुनील गवळी कोळसेवाडी पोलीस स्टेशन यांनी प्रकाश यांची मुलगी भाग्यश्री हिचे तीन वर्षांपूर्वी लग्न झालं होतं, ती सासरी नांदत नसल्याने त्यांच्या घरात कायम वाद होत होते काल प्रकाश बोरसे घरी आले असता त्यांचा याच विषयावरून पुन्हा वाद झाला व या वादातून पत्नी ज्योती व मुलगी भाग्यश्री यांनी खलबत्त्याने प्रकाश यांच्या डोक्यात प्रहार करून त्यांची हत्या केली. या प्रकरणी कोलशेवाडी पोलिस ठाण्यात हत्येचा गुन्हा दाखल करत त्या दोघींना देखील ताब्यात घेतल असल्याचं त्यांनी सांगितलं.
No comments:
Post a Comment