कोरोनाचा वाढता प्रादुर्भाव ; ओबीसी आरक्षणाचा तिढा ; राज्यातील निवडणूका लांबणीवर !!
मात्र राज्यात वाढत असलेला कोरोनाबाधितांचा आकडा पाहता राज्य सरकारने निवडणुका पुढे ढकलण्याची तयारी सुरु केली आहे.
दुसरीकडे ओबीसी आरक्षणाशिवाय निवडणुका नको अशी राज्य सरकारची भूमिका आहे. राज्य सरकारने तसा ठरावही विधिमंडळात केला आहे. एकीकडे निवडणुका पुढे ढकलण्यावरून राज्य निवडणूक आयोग आणि राज्य सरकारमध्ये संघर्ष सुरू असताना निवडणूक आयोगाने ओबीसी आरक्षणाशिवाय स्थानिक स्वराज्य संस्थांच्या निवडणुका घेण्याची तयारी सुरू केलेली आहे. राज्यातील स्थानिक स्वराज्य संस्थांच्या निवडणुकीसाठी राज्य निवडणूक आयोगान तयारी सुरु केली आहे. मात्र कोरोनाच्या तिसऱ्या लाटेमुळे निवडणुका पुढे जाण्याची शक्यता आहे. कोरोनाच्या पहिल्या लाटेत 2020 मध्ये कोरोनामुळे राज्य सरकारने नवी मुंबई, कोल्हापूर, औरंगाबाद, वसई-विरार, कल्याण-डोंबवली या महानगरपालिकांची निवडणूक पुढे ढकलली होती.
No comments:
Post a Comment