मुंबई, (शांताराम गुडेकर) :
कलेचे माहेरघर म्हणून संबोधल्या जाणाऱ्या "कोकणातील" प्रत्येक कोकणी माणसाला वेड लावणारी, कोकणी कलेचा नावीन्यपूर्ण साज आणि बदलत्या काळानुसार पुरुष पात्रमय नमन कलेत कालपरत्वे बदल होत,"व्यावसायिक "स्त्री-पुरुष" पात्रांनी" नटलेली वैशिष्ट्यपूर्ण लोककला "कोकणचे खेळे-अर्थात नमन" असा सदाबहार कार्यक्रम मुंबईस्थित कोकणी माणसाला शनिवार दि. ५ मार्च २०२२ रोजी मुंबईच्या परेल येथील दामोदर नाट्यगृहात रात्री ८ वाजता कुटुंबसमवेत पहायला मिळणार आहे. कोकण सुपूत्र, कलेच्या प्रवाहात आपली ओळख निर्माण करून, लोककला जतन-संवर्धन करणारे कलावंत शाहीर राजेंद्र कृष्णा टाकले निर्मित आणि गोसावी कृपा नमन कलामंच सोनगिरी प्रस्तुत यांचे "स्त्री-पात्रांनी" नटलेलं नमन ( कोकणचे खेळे ) अशी नाविन्यपूर्ण कलाकृती सादर होणार आहे. पारंपारिक खेळे, भक्तिमय गण, नटखट गवळण सोबत नव्या संल्पनेतून साकारलेली, सध्यस्थीत परिस्थितीवर आधारित सामाजिक संदेश देणारी नाट्य कलाकृती, ( वगनाट्य ) न"मान अंगावर आलाय" प्रेक्षकांची मन जिंकून जाणार आहे. सुंदर नृत्य कलाआविष्कार, उत्तम काव्य रचनेतून साकारलेली नव-नवीन कर्णमधुर आणि सुमधुर गोड आवाजाचे लोकप्रिय शाहीर रविंद्र भेरे सह शाहीर विनेश टाकले, पार्श्वगायिका शिवण्या मांडवकर यांच्या मधुर आवाजातून गायली जाणारी गाणी रसिक प्रेक्षकांना मंत्रमुग्ध करणारी आहेत. कार्यक्रमाचे लेखक/ गीतकार शाहीर राजेंद्र टाकळे, दिग्दर्शक शाहीर प्रविण कुळये, सूत्रधार -संजय मांडवकर, मृदूंग /ढोलकी - विशाल मांजरेकर, ऑर्गन-महेंद्र फटकरे, बेन्जो-सुरज वेले, ऑक्टोपॅड - स्वप्नील गुरव आणि नमन मंडळाचे "पुरुष-महिला" कलाकार यांच्या ताफ्यात हा सदाबहार कार्यक्रम मुंबई रंगभूमीवर मोठ्या जल्लोषात व श्री महालक्ष्मी प्रतिष्ठानतर्फे नेत्रदीपक नियोजनबद्ध आयोजनात कोव्हिड -१९ च्या नियमांनुसार संपन्न होणार आहे. कार्यक्रमच्या अधिक माहितीसाठी संजय मांडवकर-७२०८६०२१३०/ राजेंद्र टाकले -९५९४६८९५५४/ प्रविण कुळये -९०८२१५४५४१/ प्रदीप गुरव -७६६६६२६८०५/ महेंद्र फटकरे -९६१९६९४९७८/ सुजिंद्र घेवडे -९६५७०१२१७६/सुनील डावल- ७५०६७३४६६५/ सत्या जठयार -९८७०६७२७९० यांच्याशी संपर्क साधावा असे आवाहन आयोजकांतर्फे करण्यात आले आहे.
No comments:
Post a Comment