ठाणे, बातमीदार : राष्ट्रवादीचे दिग्गज नेते आणि विरोधी पक्षनेते अजित पवार यांचे अत्यंत विश्वासू समजले जाणारे राष्ट्रवादीचे प्रदेश उपाध्यक्ष प्रमोद हिंदू राव यांनी मुख्यमंत्री एकनाथ शिंदे यांची भेट घेतली. राज्यात नुकत्याच घडलेल्या राजकीय घडामोडी च्या पार्श्वभूमीवर या भेटीला महत्त्व प्राप्त झाले असले तरी या भेटीत राजकीय नव्हे तर ठाणे जिल्ह्यातील प्रलंबित विकास कामांच्या प्रश्नाबाबत चर्चा करण्यात आली.
ठाणे जिल्ह्याला प्रथमच मुख्यमंत्रीपदाचा बहुमान प्राप्त झाला आहे या पार्श्वभूमीवर आपण मुख्यमंत्री एकनाथ शिंदे यांना भेटून ठाणे जिल्ह्याच्या विकासाला हातभार लावणाऱ्या आणि इथल्या ग्रामीण भागाला मुख्य प्रवाहांशी जोडणाऱ्या योजनांना गती देण्याची आग्रही मागणी केल्याचे प्रमोद हिंदुराव यांनी सांगितले.
राष्ट्रवादी काँग्रेसचे उपाध्यक्ष प्रमोद हिंदूराव यांनी पत्रकार परिषद घेऊन मुख्यमंत्री एकनाथ शिंदे यांच्या भेटीत झालेल्या विषयांची सविस्तर माहिती दिली.
यामध्ये प्रामुख्याने एमएमआरडीएच्या धर्तीवर ठाणे जिल्ह्यासाठी स्वतंत्र प्राधिकरण स्थापन करावे जेणेकरून पायाभूत सुविधा, रस्ते, ड्रेनेज, दळणवळण, पाणीपुरवठा आदी महत्त्वाच्या बाबींचा जलद विकास करणे सोपे जाईल तसेच कल्याण मुरबाड रेल्वे प्रकल्पासाठी माजी अर्थमंत्री अजित पवार यांनी प्रस्तावित केलेला 400 कोटींचा निधी तात्काळ उपलब्ध करून द्यावा कल्याण आणि मुरबाड तालुक्यात महिलांसाठी इंडस्ट्रियल इस्टेट सुरू करावी. कल्याण डोंबिवली महापालिका क्षेत्र आरक्षित जागेवर प्रस्तावित शासकीय रुग्णालयाला मान्यता द्यावी, बेस्टच्या धरतीवर ठाणे जिल्ह्यासाठी एकच वाहतूक प्राधिकरण स्थापन करावे, मेट्रो रेल्वेच्या कल्याण पुढील उल्हासनगर, अंबरनाथ, टिटवाळा, बदलापूर आणि मुरबाड पर्यंत विस्तार करावा अषी मागणी आपण यावेळी केल्याचे प्रमुख हिंदुराव यांनी पत्रकार परिषदेत सांगितले. मुख्यमंत्री एकनाथ शिंदे यांना ठाणे जिल्हा आणि ठाणे जिल्ह्याच्या सर्व प्रश्नांची जाण आहे त्यामुळे त्या काळात त्यांच्याकडून या गोष्टीला प्राधान्य देऊन त्या दृष्टीने अंमलबजावणी सुरू होईल असा विश्वासही हिंदुराव यांनी व्यक्त केला.
यावेळी झालेल्या पत्रकार परिषदेला प्रदेश उपाध्यक्ष प्रमोद हिंदुराव यांच्यासह प्रदेश सचिव प्रसाद महाजन, प्रदेष सरचिटणीस रमेश हनुमंते, ठाणे जिल्हा उपाध्यक्ष भरत गोंधळी, प्रदेश चिटणीस प्रवीण खरात, व्यापारी सेल शहर सचिव दिनेश पाटील, जिल्हा उपाध्यक्ष प्रसाद सदलगे, जिल्हा उपाध्यक्ष रेखा सोनवणे, जिल्हा उपाध्यक्ष सुरैया पटेल, माजी नगरसेवक आयाज मौलवी आदी मान्यवर उपस्थित होते.
सौजन्य ; इंडिया टी. व्ही. न्युज नेटवर्क, कल्याण
No comments:
Post a Comment