वाहतूक पोलिसांशी वाद घातल्यास होऊ शकतो दोन हजरांचा दंड !!
भिवंडी, १९, अरुण पाटील (कोपर) :
तुमच्याकडे सर्व कागदपत्रे व नियमाचे काटेकोर पालन केले असले तरी जर तुम्ही पोलिसांशी वाद घातल्यास किंवा गैरवर्तन केल्यास तुम्हांला मोटर व्हेईकल ॲक्ट नुसार २००० रुपयांचा दंड होऊ शकतो.
तुमच्याकडे पीयुसी, आरसी बुक, लायसन, हेल्मेट एवढेच नाही तर तुम्ही स्लिपर ऐवजी सँडल किंवा बुटजरी घातलेला असेल तरी देखील वाहतूक पोलीस तुम्हाला २००० रुपयांचा दंड बजावू शकतात. मोटर व्हेईकल ॲक्टनुसार जर तुम्ही कागदपत्रे दाखवत असताना वाहतूक पोलिसांसोबत हुज्जत घातली, अरेरावी केली किंवा गैरवर्तन केल्यास वाहतूक नियम १७९ नुसार तुम्हाला २००० रुपयांचा दंड होऊ शकतो.
पोलीस कर्मचाऱ्याशी आपण एखाद्या गोष्टीवरून वाद घालतो आणि तो वाद इतका वाढतो की त्याचे रुपांतर गैरवर्तनात होते, असे अनेकदा दिसून आले आहे. जर पोलिसाने तुमच्याशी गैरवर्तन केले तर तुमच्याकडे त्याच्या वरिष्ठांकडे तक्रार करण्याचा आणि प्रकरण न्यायालयात नेण्याचा पर्याय आहे. यामुळे वाहन चालकाने वाहतूक पोलीसांशी वाद घालने हे २००० रू. दंडास पात्र होऊ शकता.
नवीन वाहतूक नियमांनुसार तुम्ही खराब हेल्मेट घातल्यासही २००० रुपयांचे चलन कापले जाऊ शकते. मोटार वाहन कायद्यानुसार, जर तुम्ही मोटारसायकल, स्कूटर चालवताना हेल्मेट घातले नसेल, तर नियम 194D MVA नुसार तुमचे १००० रु.चे चलन कापले जाते. मात्र, तुम्ही हेल्मेट घातलेले असेल आणि ते बीआयएस किवा आयएसआय हॉलमार्कचे नसेल तर विनाहेल्मेट समजून एकूण २००० रुपयांची पावती फाडली जाऊ शकते.
तुम्ही कोणता वाहतुकीचा नियम मोडलाय का, हे तपासण्यासाठी jont या वेबसाइटवर जा. चेक चलन स्थितीचा पर्याय निवडा. तुम्हाला पावती क्रमांक, वाहन क्रमांक आणि ड्रायव्हिंग लायसन्स क्रमांक (DL) चा पर्याय मिळेल. वाहन क्रमांकाचा पर्याय निवडा. विचारलेली आवश्यक माहिती भरा आणि 'Get Details' वर क्लिक करा. आता तुम्हाला तुम्ही नियम मोडला असेल तर त्याची पावती दिसेल. https://echallan.parivahan.gov.in/ वर जा. चलनाशी संबंधित आवश्यक तपशील आणि दिलेला कोड भरा आणि तपशील मिळवा वर क्लिक करा. एक नवीन पेज उघडेल ज्यावर पावतीचे तपशील दिले जातील. चलनासोबतच ऑनलाइन पेमेंटचा पर्याय दिसेल, त्यावर क्लिक करा व पैसे भरा.
No comments:
Post a Comment