उद्या दामोदर नाट्यगृहात साजरा होणार "कलगी-तुरा समाज उन्नती मंडळाचा "हिरक महोत्सव" सोहळा !

उद्या दामोदर नाट्यगृहात  साजरा होणार "कलगी-तुरा समाज उन्नती मंडळाचा "हिरक महोत्सव" सोहळा !

ठाणे, उदय दणदणे -

गेली सहा दशक कोकणातील कलगी-तुरा (शक्ती-तुरा) लोककलेचं जतन संवर्धन करण्याबरोबरच शाहिरी कलाकारांच्या उन्नतिसाठी सदैव कार्यरत असणारी "कलगी-तुरा" समाज उन्नती मंडळ (मुबंई) संस्थेला, ६० वर्ष पूर्ण होत असून संस्था ६१ व्या वर्षात अभिमानास्पद पदार्पण करत आहे.गौरवशाली परंपरा असणाऱ्या कलगी-तुरा समाज उन्नती मंडळ - मुबंई, (महाराष्ट्र) या संस्थेचा "हिरक महोत्सवी वर्ष" रविवार, दिनांक -२९ जानेवारी- २०२३ रोजी, रात्रौ -८ वा. दामोदर नाट्यगृह परेल (मुंबई) येथे सन्मा.आमदार- भरतशेठ गोगावले, यांच्या प्रमुख उपस्थितीत तसेच सन्मा.आमदार उदय सामंत (रायगड- रत्नागिरी जिल्हा पालकमंत्री, उद्योग मंत्री महाराष्ट्र राज्य), शालेय शिक्षण मंत्री सन्मा.दिपक केसरकर  मा. प्रमोद गांधी- ( उद्योजक /समाजसेवक ), मा.विठ्ठल चिविलकर- (चेअरमन- कुणबी बँक), मा.भूषण बरे (कुणबी समाजोउन्नती संघ), मा.जितेंद्र सावंत- (सदस्य- रा. जि. प.) मा.सुशांत जाबरे- (उद्योजक), मा.इकबाल चांदले- (महाड तालुका संपर्क प्रमुख), मा. एकनाथ सुकुम- ( महाड तालुका- सहसंपर्क प्रमुख- शिवसेना-शिंदे गट,) अशा प्रमुख मान्यवरांच्या उपस्थितीत संपन्न होणार आहे. 

सदर "हिरक महोत्सवाचे औचित्य साधून संस्थेला आणि विशेषतः कलगी-तुरा लोककलेला योगदान देणाऱ्या महान आणि जेष्ठ शाहिरांना "कलगी-तुरा कलारत्न पुरस्कार देऊन गौरविण्यात येणार आहे. सदर सोहळ्यानिमित्त उपस्थितांच्या मनोरंजनार्थ "भेदीक शाहिरी" सादरकर्ते -शाहीर तुषार पंदेरे तसेच "तमाशा"-सादरकर्ते शाहीर अनंत माळी याचे शिष्य-  सुनील, महेंद्र सह प्रकाश ,रामचंद्र आणि मंडळी "कलगी-तुरा" ( जाखडी नृत्य) सादरकर्ते-शाहीर मधुकर यादव व शाहीर प्रकाश पांजणे अशा त्रिवेणी लोककलांचे सादरीकरण होणार असून मातृसंस्थेच्या "हिरक महोत्सव" सोहळ्यास बहुसंख्येने उपस्थित राहून ह्या आनंदी सोहळ्याचे आपण साक्षीदार व्हावे असे आवाहन उपरोक्त संस्थेचे सरचिटणीस- संतोष धारशे यांनी केले आहे.