सौ.पूर्वा लवू धावडे पुण्यश्लोक अहिल्यादेवी होळकर पुरस्काराने सन्मानित !!
लांजा, (केतन भोज) ; पुण्यश्लोक अहिल्यादेवी होळकर यांच्या आज जयंती निमित्त कोचरी येथील सौ. पूर्वा लवू धावडे यांनी सामाजिक क्षेत्रात केलेल्या योगदानाबद्दल महिला व बाल विकास विभाग महाराष्ट्र शासन यांच्या वतीने ग्रामपंचायत स्तरीय पुण्यश्लोक अहिल्यादेवी होळकर पुरस्कार सन २०२३-२०२४ या सन्मानाने त्यांना गौरविण्यात आले. हा पुरस्कार गौरव सोहळा ग्रुप ग्रामपंचायत कार्यालय कोचरी या ठिकाणी मान्यवरांच्या उपस्थितीत उत्साहात पार पडला.
यावेळी या कार्यक्रमाला कोचरी गावचे माजी सरपंच तथा समाजसेवक वसंत बेंद्रे तसेच लवू धावडे व ग्रामसेवक उपस्थित होते. सौ.पूर्वा लवू धावडे यांनी कोरोना काळात देखील आशा सेविका म्हणून चांगले अभिमानास्पद कार्य केले आहे. पूर्वा लवू धावडे यांना पुरस्कार मिळाल्यानंतर त्यांच्यावर सर्वच स्तरातून अभिनंदनाचा वर्षाव होत आहे.
No comments:
Post a Comment