श्री पाणबुडी देवी कलामंच तर्फे "श्री पाणबुडी चषक - २०२४" चे आयोजन ; प्रतीवर्षाची मानाची स्पर्धा !
मुंबई : ( दिपक कारकर )
मुंबई सारख्या शहरात कोकणची लोककला जाखडी नृत्य/नमन/नाटक तसेच सामाजिक, शैक्षणिक, सांस्कृतिक उपक्रम सातत्याने राबविण्यात अग्रेसर असणाऱ्या श्री पाणबुडी देवी कलामंच ( मुंबई ) तर्फे दोन दिवसीय भव्य-दिव्य ओव्हर आर्म क्रिकेट स्पर्धेचे आयोजन करण्यात आले आहे. शनिवार-रविवार २७/२८ एप्रिल २०२४ रोजी ही स्पर्धा शिरगाव मैदान, विरार ( पूर्व ) येथे होणार असून एकूण ३२ संघाचा या स्पर्धेत सहभाग असणार आहे.ही स्पर्धा खुला गट १६ संघ तर वाडी मर्यादित गट १६ संघ अशा स्वरूपाची असेल.
या स्पर्धेतील प्रथम विजेत्या संघास ₹ ५०,००० /- व आकर्षक चषक, द्वितीय क्रमांक ₹ २५,००० /- व आकर्षक चषक,तर तृतीय व चतुर्थ क्रमांक प्राप्त करणाऱ्या संघास प्रत्येकी ₹ ७०००/- व आकर्षक चषक देऊन गौरविण्यात येणार आहे.प्रत्येक सामन्यातील सामनावीर खेळाडू, उत्कृष्ट फलंदाज, उत्कृष्ट गोलंदाज, उत्कृष्ट क्षेत्ररक्षक, आदर्श संघ व उदोन्मुख खेळाडू अशी अनेक बक्षिसे समाविष्ट आहेत. स्पर्धेला विविध क्षेत्रातील मान्यवर व टेनिस क्रिकेट मधील अनेक नामांकित सितारे ह्या स्पर्धेतून खेळताना दिसतील. MCA पंच ह्या स्पर्धेचे खास वैशिष्ट्ये आहे. मंडळाचे अतिशय स्तुत्य व दर्जेदार आयोजन असून खेळाडू, प्रेक्षकांनी मोठ्या संख्येने उपस्थित राहून, प्रोत्साहित करावे असे प्रतिपादन मंचाचे संस्थापक/अध्यक्ष संतोष घाणेकर व संपूर्ण मंचाने केले आहे.
स्पर्धेत सहभाग नोंदविण्यासाठी व अधिक माहितीसाठी महेश वीर - ९६९९२१५०३५, प्रदिप कातकर - ८८५०४३४९८८, श्रीनाथ केंबळे - ८६५२६०२७७५, निलेश हुमणे - ९७७३६७३०२१ यांच्याशी संपर्क साधावा असे आवाहन श्री पाणबुडी देवी कलामंचतर्फे करण्यात आले आहे.
No comments:
Post a Comment