श्री काडसिद्धेश्वर अध्यात्मिक केंद्र कोचरी बेंद्रेवाडी यांच्या पन्नासव्या सुवर्ण महोत्सवी उत्सवा निमित्त विविध कार्यक्रमांचे आयोजन !!
लांजा (केतन भोज) : आत्मबुद्धी निश्चयाची | तेचि दशा मोक्षश्रीची || मी आत्मा आहे हे कधीच विसरू नये हे ब्रीद वाक्य घेऊन आध्यात्मिक क्षेत्रात कार्यरत असणाऱ्या श्री काडसिद्धेश्वर अध्यात्मिक केंद्र कोचरी बेंद्रेवाडी यांचा यंदा पन्नासवा सुवर्ण महोत्सवी उत्सव साजरा होत आहे. त्या निमित्त दि.०७ मे ते १० मे २०२४ या कालावधीत विविध कार्यक्रमांचे आयोजन करण्यात आले असून, सकाळी ६.०० वाजता काकड आरती त्यानंतर ९.०० वाजता सकाळचे भजन सायंकाळी ४.०० वाजता सांप्रदायिक भजन असा दिनक्रम असून मंगळवार दि.०७ मे रोजी सकाळी १०.०० वाजता क्रिकेट स्पर्धा ( वाडी मर्यादित) सायं-६.०० वा.हरिजागर आणि किर्तन (किर्तनकार श्री.चंद्रकांत पवार महाराज), लांजा यांचे किर्तन, रात्रौ-९.०० वाजता आरती व शेजारती त्यानंतर ९.३० वा. महाप्रसाद व तद्नंतर १०. वाजता बैठी भजन- श्री काडसिद्धेश्वर सांप्रदाय भजन मंडळ,देवरुख तसेच बुधवार दि.०८ मे रोजी सकाळी १२.०० ते.२.०० या कालावधीत हळदीकुंकू (गावपातळीवर) सायं-५.०० वाजता गुणगौरव व सत्कार समारंभ (गुणगौरव गावपातळीवर हायस्कूल व मराठी शाळेतील मुलांचा सत्कार) (सत्कार समारंभ वाडीतील ६० वर्षावरील ज्येष्ठ नागरिकांचा सत्कार) रात्रौ ८.३० वाजता आरती व शेजारती रात्रौ.९.०० वाजता महाप्रसाद व तद्नंतर रात्रौ १०.०० वाजता सांस्कृतिक कार्यक्रम, गुरुवार दि.०९ मे रोजी सायं-४.०० वाजता पालखी मिरवणूक, रात्रौ-६.३० वाजता किर्तन (किर्तनकार श्री.नामे बुवा), रात्रौ-९.०० वाजता महाप्रसाद व तद्नंतर रात्रौ १०.०० वाजता बैठी भजन (तिवरे मेढे भजन मंडळ व शेवटी शुक्रवार दि.१० मे रोजी सकाळी १०.०० ते दुपारी ३.०० वाजेपर्यंत श्री काडसिद्धेश्वर आध्यत्मिक केंद्र, कोचरी, बेंद्रेवाडी संलग्न सिद्धगिरी हॉस्पिटल अँड रिचर्स सेंटर कणेरी मठ, कोल्हापूर आयोजित मोफत आरोग्य शिबीर असून यामध्ये रक्तदान, हाडांचे आजार तपासणी, डोळे तपासणी, ईसीजी, शुगर तपासणी वैद्यकीय सल्ला यांचा समावेश आहे, सायं-५.०० वाजता पालखी रिंगण भजन, सायं-६.३० वाजता दिप प्रज्वलन व सायंकाळी ७.०० वाजता प.पूज्य श्री समर्थ सद्गुरु अदृश्य काडसिद्धेश्वर महाराज यांचा प्रवचन सोहळा आयोजित केला आहे तद्नंतर रात्रौ १०.०० वाजता महाप्रसाद अशा प्रकारे विविध कार्यक्रम आयोजित केले असून, सर्व भक्तांनी उपस्थित राहून आनंद द्विगुणित करावा, असे आवाहन श्री काडसिद्धेश्वर आध्यात्मिक केंद्र, कोचरी बेंद्रेवाडी, लांजा यांच्या तर्फे करण्यात आले आहे.
No comments:
Post a Comment