जुनी पेन्शनच्या मागणीसाठी वसई तालुक्यातील कर्मचाऱ्यांचे काळ्या फिती लावून कामकाज !
वसई (पालघर) दि.०५ ऑक्टोबर : महाराष्ट्र राज्य नागरी सेवा अधिनियम १९८२ व १९८४ अंतर्गत जूनी पेन्शन (OPS) योजना लागू करावी यासाठी महाराष्ट्र राज्य जुनी पेन्शन संघटनेतर्फे गांधी जयंतीपासून वर्धा येथे आमरण उपोषण सुरू आहे. आमरण उपोषण करणाऱ्या करणाऱ्या पेंशन फायटर यांच्या समर्थनार्थ व जूनी पेन्शन योजना लागू न करणाऱ्या शासनाच्या निषेधार्थ वसई तालुक्यातील सर्व शाळांमध्ये आज दिवसभर काळ्या फिती लावून कामकाज करण्यात आले व शासनाचा जाहीर निषेध करण्यात आला.
महाराष्ट्र राज्य जुनी पेन्शन संघटनेच्या पालघर जिल्हा महिला आघाडी प्रमुख उत्तरा जाधव व खाजगी शाळा प्रमुख किरण गायकर यांच्या नेतृत्वाखाली हे आंदोलन करण्यात आले. जुनी पेन्शन लागू असलेल्या कर्मचाऱ्यांनीही यावेळी काळ्या फिती लावून कामकाज केले व आपल्या सहकाऱ्यांना आपला पाठिंबा दर्शवला.
No comments:
Post a Comment