भारतीय जनता पक्षाच्या पहिल्या यादीत कल्याण पूर्व मतदारसंघात सुलभा गायकवाड यांना उमेदवारी !!
कल्याण, सचिन बुटाला, दि. २१ ऑक्टोबर -
विधानसभा निवडणुकीसाठी भाजपने पहिल्या यादीत कल्याण पूर्व विधानसभा मतदार संघातून भाजपचे आमदार गणपत गायकवाड यांच्या पत्नी सुलभा गायकवाड यांना उमेदवारी दिली आहे.
दरम्यान, आमदार गणपत गायकवाड तुरूंगात असल्याने त्यांच्या अनुपस्थितीत सुलभा गायकवाड यांनी विकासकामांची भूमिपूजने केली. शिवाय पक्षाच्या बैठका, मेळाव्यांसह विविध कार्यक्रमांमध्ये सहभाग घेतला. जनतेसोबत असलेला जनसंपर्क कायम ठेवला तेव्हापासूनच भाजपाकडून सुलभा गायकवाड यांना उमेदवारी दिली जाण्याची शक्यता वर्तविण्यात येत होती. अखेर रविवारी सुलभा यांच्या उमेदवारीवर शिक्कामोर्तब झाले.
सुलभा गायकवाड यांचा प्रचार सुरू झाल्याने कल्याण पूर्वेत निवडणुकीची चर्चा आणखी चांगलीच रंगली आहे. त्यांच्या प्रचारात विविध सामाजिक गटांच्या सहभागामुळे मतदारसंघात उत्साहाचे वातावरण आहे. त्यांनी आपल्या प्रचारात स्थानिक प्रश्नांवर लक्ष केंद्रित केले असून, मतदारांना त्यांच्या कार्याबद्दल माहिती देण्यासाठी विविध माध्यमांचा वापर केला आहे.
No comments:
Post a Comment