उद्या निकाल, तिन्ही उमेदवारांची धाकधूक वाढली, घाटकोपर पश्चिमचा गड कोण करणार सर ?

उद्या निकाल,तिन्ही उमेदवारांची धाकधूक वाढली, घाटकोपर पश्चिमचा गड कोण करणार सर ?

घाटकोपर, (केतन भोज) : राज्यात विधानसभा निवडणुकीसाठी २० नोव्हेंबर रोजी मतदान प्रक्रिया पार पडली आहे. घाटकोपर पश्चिम विधानसभा मतदासंघात ५९.६५% इतके मतदान झाले आहे. उद्या २३ नोव्हेंबरला मतमोजणी आहे, ९० फिट रोड कैलाश कॉम्प्लेक्स विक्रोळी पश्चिम येथील मतमोजणी केंद्रावर सकाळी ८ वाजल्यापासून मतमोजणीला सुरुवात होणार आहे. घाटकोपर पश्चिम मतदारसंघामध्ये महाविकास आघाडीचे संजय भालेराव, मनसेचे गणेश चुक्कल आणि महायुतीचे राम कदम हे तिन्ही उमेदवार निवडणुकीच्या रिंगणात आहेत. उद्या मतमोजणी  असल्यामुळे या तिन्ही उमेदवारांची धाकधूक आता वाढली आहे. त्यामुळे घाटकोपर पश्चिम मधील मतदारांनी कोणाला कौल दिला आहे हे उद्या स्पष्ट होणार असून हा बालेकिल्ला कोण सर करणार हे उद्या स्पष्ट होणार आहे आणि याठिकाणी कोणाचा झेंडा फडकणार हे उद्याच निकालातून समोर येणार आहे.