पंचरत्न मित्र मंडळ (रजि.)चेंबूर तर्फे वार्षिक दिनदर्शिका -२०२५ चे प्रकाशन !

पंचरत्न मित्र मंडळ (रजि.)चेंबूर तर्फे वार्षिक दिनदर्शिका -२०२५ चे प्रकाशन !

मुंबई उपनगर (शांताराम गुडेकर) :

                    समाजात विविध क्षेत्रांत लोक कल्याणार्थ कार्यरत असलेल्या सेवाभावी संस्था आहेत. या संघटना एका विशिष्ट हेतूने काम करते यातील स्वयंसेवक स्वेच्छेने व निःस्वार्थीपणे कोणतेही काम व मदत करण्यास तत्पर असतात. या संघटना प्रामुख्याने नैसर्गिक आपत्तींत सापडलेल्यांना अनेक प्रकारे साहाय्य करतात.अन्नधान्य, कपडे, गृहोपयोगी वस्तू, औषधे, वह्या पुस्तके अशा विविध अंगांनी मदतही देतात. यांशिवाय लोकांना मूलभूत हक्कांची जाणीव करून देणे, नागरी सुविधांबद्दल जागरूक करणे, बेरोजगारांना रोजगार मिळवून देण्यास साहाय्य करणेतसेच अन्य अनेक समस्यांची सोडवणूक करण्यासाठी सहकार्य करण्याचे काम पंचरत्न मित्र मंडळ  गेली अनेक वर्षे निस्वार्थी पणे करीत आहे. समाजाचे ऋण फेडण्यासाठी सतत अनेक वर्ष कार्यरत असलेल्या आर.सी.एफ कर्मचारी वर्गाच्या पंचरत्न मित्र मंडळ (रजि.) चेंबुरतर्फे अध्यक्ष अशोक भोईर, सचिव प्रदीप गावंड खजिनदार सचिन साळूंखे, उपाध्यक्ष रमेश पाटील, सहसचिव वैभव घरत, सल्लागार हनुमंता चव्हाण, सर्व महिला -पुरुष कार्यकर्ते यांच्या प्रयत्नाने अनेक समाजोपयोगी उपक्रम राबविण्यात येतात.

           पंचरत्न मित्र मंडळ (रजि.) चेंबूर तर्फ मंडळाच्या वार्षिक दिनदर्शिकेचे प्रकाशन आरसीएफचे अध्यक्ष व व्यवस्थापकीय संचालक सन्मा. श्री.श्रीनिवास मुडगेरीकरसाहेब यांच्या हस्ते करण्यात आले. याप्रसंगी आरसीएफच्या वित्त संचालक श्रीमती. नजहत शेख मॅडम तसेच संचालक टेक्निकल सौ. रितू गोस्वामी मॅडम उपस्थित होत्या. या कार्यक्रमासाठी पंचरत्न मित्र मंडळाचे अध्यक्ष श्री. अशोक भोईर, सचिव श्री.प्रदिप गावंड तसेच मंडळाचे बहुसंख्य पदाधिकारी उपस्थित होते. सी.एम.डी साहेबांनी मंडळाच्या कार्याचे कौतुक करून पुढील कार्यास शुभेच्छा दिल्या. सचिन साळुखे, रमेश वामन पाटील, डॉ.रजनीशकुमार, वैभव घरत, प्रकाश शेजवळ, संतोष नाईक, मंदार भोपी, सुशील मिस्त्री, रूपाली नांदिवडेकर, राजश्री कदम सचिन राखाडे यांनी या कार्यक्रमासाठी विशेष परिश्रम घेतले.