ग्रंथालीच्या अक्षररांगोळी स्पर्धेत कु.कृतिका तांडेल प्रथम !!
विरार प्रतिनिधी/ पंकज चव्हाण -
ग्रंथाली प्रकाशनाच्या सुवर्ण महोत्सवानिमित्त मुंबई ,ठाणे आणि पालघर जिल्ह्यातील महाविद्यालयीन विद्यार्थी आणि खुल्या गटासाठी अक्षररांगोळी स्पर्धा आयोजित करण्यात आलेली होती. अनेक नामांकित महाविद्यालयातील विद्यार्थ्यांनी या स्पर्धेत सहभाग घेतलेला होता. या स्पर्धेचे परीक्षक ख्यातनाम चित्रकार आणि लेखक विजयराज बोधनकर यांनी केले . या नावीन्यपूर्ण स्पर्धेत विरारच्या विष्णू वामन ठाकूर चॅरिटेबल ट्रस्टच्या उत्कर्ष कनिष्ठ महाविद्यालयातील कु. कृतिका तांडेल हिने प्रथम क्रमांक मिळविला. ह्या विद्यार्थिनीला प्रा. डॉ. महादेव दिनकर इरकर यांनी मार्गदर्शन केले होते.
या विद्यार्थिनीचे संस्थेच्या सचिव अपर्णा ठाकूर, सर्व पदाधिकारी, प्राचार्या मुग्धा लेले, उपप्राचार्या चित्रा ठाकूर, उपप्राचार्य प्रा. सुभाष शिंदे आणि उत्कर्ष कनिष्ठ महाविद्यालयातील शिक्षक व शिक्षकेतर कर्मचाऱ्यांनी तिच्या या अप्रतिम कलेचे आणि मिळालेल्या यशाचे कौतुक करून शुभेच्छा दिल्या.
No comments:
Post a Comment