सावित्री दिनी मुलीचं बनल्या शिक्षिका !

सावित्री दिनी मुलीचं बनल्या शिक्षिका !

घाटकोपर, (केतन भोज) : पहिल्या शिक्षिका क्रांतिज्योती सावित्रीबाई फुले यांच्या जयंती निमित्त आज साकीनाका येथील समता विद्या मंदिरात मुलींनी सावित्रीबाईचां वेष परिधान करत कपाळाला चिरी गोंधून शाळेत प्रवेश केला. आजचा संपूर्ण दिवसाचा वर्गातील विषयाचा तास मुलींनीच घेतला. शाळेचे सचिव राजेश सुभेदार आणि कार्याध्यक्ष ज्योती सुभेदार यांच्या माध्यमातून शाळेत विविध उपक्रम होत असतात आज सावित्रीबाई फुले जयंती निमित्त वर्गातील संपूर्ण विषयांचे तास मुलींना देण्यात आले. पन्नास हून अधिक विद्यार्थिनीनी सावित्रीचा वेष परिधान केला होता. शाळेच्या मुख्य प्रवेश द्वारा समोर पुणे येथील भिडेवाडा या ऐतिहासिक वास्तूंचे चित्र उभारण्यात आले होते. सकाळी मुलींनी सावित्रीबाई फुले यांच्या प्रतिमेचे पूजन करत त्यांना अभिवादन केले. क्रांतिज्योती सावित्रीबाई फुले यांच्यामुळे आज मुलींना सर्व क्षेत्रात प्राधान्य आहे. त्यांनी हाल सोसले , शेणाचे गोळे झेलले म्हणून आज आम्ही ताठ मानेने वावरत आहोत. अन्याय ठेचून काढायचं असेल शिक्षणा शिवाय पर्याय नाही हेच आम्हाला क्रांतिज्योती सावित्रीबाई फुले मुळे कळते असे पूजा जाधववर या विद्यार्थीनीने प्रतिक्रिया देताना सांगितले.