अत्याचार ग्रस्त मुलीला शिवसेना (उबठा) महिला संघटक नंदा नारायण शेलार यांच्याकडून न्यायासाठी प्रयत्न !!

अत्याचार ग्रस्त मुलीला शिवसेना (उबठा) महिला संघटक नंदा नारायण शेलार यांच्याकडून न्यायासाठी प्रयत्न !!

कल्याण, जगदीश खंडाळे : मोहना आंबिवली येथील रहिवासी मुलगी हीचे किराणा दुकान असून सामाजिक जाणीव ठेवत तीने त्या ठिकाणी रहात असलेल्या कासिम इराणी व त्याच्या साथीदारांनी पुणे, नागपूर येथे केलेल्या चोरीबद्दल खडकपाडा पोलिस स्टेशनला माहिती दिली याचा राग मनात धरून त्यांनी तिचे अश्लील व्हिडिओ व फोटो व्हायरल करत तिला धमकावले. त्यामुळे तिला भीती वाटून तीने रितसर तक्रार दिली नाही. तरी पण यांचा त्रास व धमकी सुरुच असल्याने तीने घरी विचारविनिमय करत तीने तेथील शिवसेना (उबठा) च्या विभागप्रमुख व पोलिसमित्र असलेल्या महिला नंदा नारायण शेलार यांच्या कडे मदत मागितली असता त्यांनी व त्यांच्या सहकाऱ्यांनी खडकपाडा पोलिस स्टेशन, कल्याण येथे तक्रार देण्यास सांगितले पण संबंधित खडकपाडा पोलिस स्टेशन ला जाऊन त्या मुलीने तिच्या वर होत असलेल्या / झालेल्या अत्याचार, त्रास, धमकी या संदर्भात तक्रार घेताना त्यांनी टाळाटाळ केली. 

यावेळी तीने परत शिवसेना उबठाच्या संघटक नंदा नारायण शेलार यांना पोलीस लक्ष देत नाहीत असे सांगितले त्यामुळे स्वतः नंदा नारायण शेलार व सहकारी यांनी त्या पिडित मुलीसोबत जाऊन कल्याण परिमंडळ ३ चे उपायुक्त यांची भेट घेत त्यांना सर्व कल्पना दिली असता त्यांच्या हस्तक्षेपामुळे खडकपाडा पोलिस स्टेशन यांनी जवाब घेत भारतीय न्याय संहिता (बी. एन. एस.) २०२३ - 75, 77, 352, 351(2), 356(2), 3(5) नुसार तक्रार दाखल केली.

तक्रारदार मुलीने या आतापर्यंतच्या कारवाईवर समाधानी नाही असे सांगितले तर शिवसेना उबठा संघटक नंदा नारायण शेलार यांनी पोलिसांनी योग्य ती कारवाई लगेच करावी व आरोपींना अटक करून पिडीत मुलीला न्याय द्यावा अन्यथा आंदोलनाचा इशारा दिला आहे.