प्रभाग क्रमांक १२३ मध्ये भाजप शिवसेना रिपाई महायुतीचे उमेदवार अनिल भाई निर्मळे यांच्या जनसंपर्क कार्यालयाचे आमदार राम कदम यांच्या हस्ते उद्घाटन ; प्रचार फेरीत ही आमदार राम कदम यांची प्रमुख उपस्थिती !!

प्रभाग क्रमांक १२३ मध्ये भाजप शिवसेना रिपाई महायुतीचे उमेदवार अनिल भाई निर्मळे यांच्या जनसंपर्क कार्यालयाचे आमदार राम कदम यांच्या हस्ते उद्घाटन ; प्रचार फेरीत ही आमदार राम कदम यांची प्रमुख उपस्थिती !!

घाटकोपर, (केतन भोज) : प्रभाग क्रमांक १२३ चे भाजप शिवसेना रिपाई महायुतीचे अधिकृत उमेदवार अनिल भाई निर्मळे यांच्या जांभळी नाका, विक्रोळी पार्कसाईट येथील जनसंपर्क कार्यालयाचे उद्घाटन आमदार राम कदम यांच्या हस्ते रविवारी सायंकाळी पार पडले. त्यानंतर भाजप महायुतीचे उमेदवार अनिल भाई निर्मळे यांच्या प्रचारार्थ संपूर्ण प्रभागात आमदार राम कदम यांनी भाजप महायुतीच्या पदाधिकारी व कार्यकर्त्यांसोबत प्रचार फेरीत स्वतः सहभागी होऊन प्रभागातील नागरिकांशी घरोघरी जाऊन आमदार राम कदम यांनी संवाद साधला.यावेळी त्यांच्या सोबत या प्रचार फेरीत नितीन देशमुख, वीरेंद्र ठाकूर हे देखील सहभागी होते. यावेळी या प्रचार फेरीला प्रभागातील नागरिकांचा विशेषतः तरुणाईचा मोठ्या प्रमाणावर उत्स्फूर्त प्रतिसाद पाठिंबा पाहायला मिळाला. तसेच प्रभाग क्रमांक १२३ मध्ये अनिल भाई निर्मळे यांची प्रचार फेरीत आणि प्रचारात ही जोरदार आघाडी बघायला मिळत आहे. या प्रचार फेरी दरम्यान अनिल भाई निर्मळे तसेच आमदार राम कदम यांनी प्रभागातील नागरिक तसेच प्रभागातील व्यापारी वर्गाशी संवाद साधत प्रभागाच्या विकासाविषयी चर्चा केली. तसेच यावेळी प्रभागातील स्थानिक नागरिकांनी ही या प्रचार फेरीला उत्स्फूर्त प्रतिसाद देत उमेदवार अनिल भाई निर्मळे व आमदार राम कदम यांचे स्वागत केले.

      प्रभाग क्रमांक १२३ चे भाजप शिवसेना रिपाई महायुतीचे उमेदवार अनिल भाई निर्मळे यांनी देशाचे पंतप्रधान नरेंद्र मोदी व राज्याचे मुख्यमंत्री देवेंद्र फडणवीस यांच्या नेतृत्वाखाली प्रभाग क्रमांक १२३ मध्ये विकासाभिमुख, पारदर्शक आणि लोकाभिमुख प्रशासन देण्याचा निर्धार व्यक्त केला. प्रभाग क्रमांक १२३ चा सर्वांगीण विकास, नागरिकांच्या मूलभूत प्रश्नांचे वेळेत निराकरण आणि सुशासन हेच आपले प्रमुख उद्दिष्ट असल्याचे यावेळी अनिल भाई निर्मळे यांनी सांगितले.

     या प्रचार फेरीत भाजप महायुतीचे उमेदवार अनिल भाई निर्मळे यांच्या सोबत मंडळ अध्यक्ष - संतोष गांजले, शिवसेना समन्वयक - मंगेश मोहिते, भाजप १२३ चे वॉर्ड अध्यक्ष - महेश गुप्ता, प्रभाग क्रमांक १२३ चे शिवसेनेचे शाखाप्रमुख - सुनील सोडा, महिला शाखाप्रमुख - पूजा पवार, विधानसभा समन्वयक - सौ.जयश्री कांबळे हे देखील उपस्थित असताना दिसत आहेत.