आगरी समाजभूषण पुरस्काराने सन्मानित महेंद्रशेठ घरत यांच्यावर अभिनंदनाचा वर्षाव !!
उरण दि २९, (विठ्ठल ममताबादे) : रायगड जिल्हा काँग्रेसचे अध्यक्ष तथा आंतरराष्ट्रीय कामगार नेते महेंद्रशेठ घरत यांना कर्जत तालुका आगरी समाज संघटनेच्या वतीने आगरी समाजभूषण पुरस्कार देऊन सन्मानित करण्यात आल्याबद्दल मुरबा गणपती मंदिर ट्रस्ट व नाव्हे गाव महिला काँग्रेस कमिटी यांच्या वतीने त्यांचा शाल, श्रीफळ व पुष्पगुच्छ देऊन अभिनंदन करण्यात आले. यावेळी उपस्थित पदाधिकारी व कार्यकर्त्यांनी महेंद्रशेठ घरत यांच्या सामाजिक, कामगारहिताच्या व जनसेवेतील कार्याचे कौतुक केले. पुरस्कार हा त्यांच्या दीर्घकालीन सामाजिक योगदानाची पोचपावती असल्याचे मत यावेळी व्यक्त करण्यात आले. या प्रसंगी मुरबा गणपती मंदिर ट्रस्ट व नाव्हे गाव महिला काँग्रेस कमिटीच्या वतीने महेंद्रशेठ घरत यांना पुढील सामाजिक व राजकीय वाटचालीस शुभेच्छा देण्यात आल्या. यावेळी मुरबा गणपती ट्रस्ट चे पदाधिकारी व न्हावे गावातील महिला उपस्थित होत्या.
No comments:
Post a Comment