डॉ बाबासाहेब आंबेडकर यांची प्रतिमा प्रत्येक शासकीय निमशासकीय कार्यालयात लावण्याची व त्यांची जयंती साजरी करण्याची वंचित तर्फे मागणी !!
** पत्रव्यवहार करून प्रशासनाकडे केली मागणी.
उरण दि १२, (विठ्ठल ममताबादे) :
उरण तालुका मध्ये शासकीय निमशासकीय कार्यालये,उरण तालुका मधील ग्रामपंचायत मध्ये शाळा कॉलेज शासकीय आरोग्य रूग्णालयात भारतीय संविधान घटनेचे शिल्पकार महामानव डॉ बाबासाहेब आंबेडकर यांची प्रतिमा काही कार्यालयात लावलेली नसलेले निर्देशनास आल्याने उरण तालुक्यातील प्रत्येक शासकीय निमशासकीय कार्यालयात महामानव डॉ. बाबासाहेब आंबेडकर यांची प्रतिमा लावण्यात यावी या दृष्टी कोणातून वंचित बहुजन आघाडीचे उरण तालुका उपाध्यक्ष तुषार गायकवाड आणि उरण तालुका अध्यक्ष तुकाराम खंडागळे यांनी पुढाकार घेतला असून डॉ. बाबासाहेब आंबेडकर यांची प्रतिमा प्रत्येक शासकीय निमशासकीय कार्यलयात लागावी या अनुषंगाने त्यांनी शासकीय स्तरावर विविध कार्यालयात वरिष्ठ अधिकाऱ्यांशी प्रत्यक्ष भेटून, निवेदन, अर्ज देऊन प्रत्येक शासकीय निम शासकीय कार्यालयात डॉ. बाबासाहेब आंबेडकर यांची प्रतिमा लावण्याची मागणी केली आहे.
महाराष्ट्र शासनाच्या परिपत्रकनुसार उरण तहसीलदार कार्यालय, पंचायत समिती, गटविकास अधिकारी,उरण नगरपरिषद , उरण इंदिरा गांधी ग्रामीण रूग्णालय आदी ठिकाणी वंचित बहुजन आघाडी उरण तालुका तर्फे पत्रव्यवहार करून १४ एप्रिल रोजी महामानव डॉ बाबासाहेब आंबेडकर यांच्या जयंती आधी त्यांच्या प्रतिमा प्रत्येक शासकीय निम शासकीय कार्यलयात लावण्यात यावे.अशी मागणी करण्यात आली.तसेच जीवन चरित्र फलक व विश्वरत्न डॉ बाबासाहेब आंबेडकर यांची जयंती सर्व कार्यालयात साजरी करण्यात यावी यासाठी सुद्धा दि. १० मार्च २०२६ रोजी पत्रव्यवहार करण्यात आला. या प्रसंगी वंचित बहुजन आघाडी उरण तालुका पदाधिकारी तुकाराम खंडागळे तालुका अध्यक्ष,तुषार गायकवाड तालुका उपाध्यक्ष, ईश्वर शंकर ढोले सदस्य,अमोल इंगोले सदस्य, परशूराम शरण,लखण गायकवाड आदी पदाधिकारी कार्यकर्ते उपस्थित होते.या प्रसंगी उरण तहसीलदार डॉ उध्दव कदम यांना भारतरत्न डॉ बाबासाहेब आंबेडकर यांची प्रतिमा भेट देण्यात आली
No comments:
Post a Comment