दारू महागणार ! अर्थव्यवस्था सावरण्याच्या उपाययोजनांमध्ये तरतूद !

दारू महागणार ! अर्थव्यवस्था सावरण्याच्या उपाययोजनांमध्ये तरतूद !

 

मुंबई : करोना काळात राज्याच्या अर्थव्यवस्थेला मोठ्या प्रमाणावर फटका बसला आहे. या काळामध्ये राज्याचा महसूल देखील मोठ्या प्रमाणावर घटला आहे. 

या पार्श्वभूमीवर अपेक्षेप्रमाणे अर्थसंकल्प १० हजार २२६ कोटी तुटीचा सादर करण्यात आला आहे. मात्र, अर्थव्यवस्थेचं झालेलं नुकसान आणि २०२१-२२ या आर्थिक वर्षासाठी ठरवण्यात आलेलं आर्थिक उद्दिष्ट साध्य करण्यासाठी राज्य सरकारने मद्यावरचा कर वाढवण्याचं अर्थसंकल्पात प्रस्तावित केलं आहे. 

त्यामुळे दारू अजून महागणार असल्याचं स्पष्ट झालं आहे. 

२ लाख १८ हजार २६३ कोटी करसंकलनाचे उद्दिष्ट २०२१-२२ या आर्थिक वर्षासाठीचे करसंकलनाचे उद्दिष्ट यावेळी अजित पवारांनी जाही केले. “२०२०-२१ च्या आर्थिक वर्षासाठी कर संकलनाचे सुधारित उद्दिष्ट २ लाख १८ हजार २६३ कोटी इतके ठेवण्यात आले आहे. 

त्यापैकी जी.एस.टी., व्हॅट, सी.एस.टी, व्यवसाय कर इत्यादी मुख्य करांसाठी सुधारित उद्दिष्ट १ लाख ८४ हजार ५१९ कोटी रुपये आहे”, असं अजित पवार म्हणाले. 

दारूवर कशी असेल करवाढ ? 

दरम्यान, राज्याचं करसंकलनाचं उद्दिष्ट आणि आर्थिक गणित बसवण्यासाठी अर्थमंत्री अजित पवार यांनी यावेळी मद्यावर करवाढ प्रस्तावित केली आहे. 

“देशी मद्याचे ब्रँडेड आणि नॉन ब्रँडेड असे दोन प्रकार निश्चित करण्यात आले आहेत. त्यानुसार, देशी ब्रँडेड उत्पादन शुल्काचा दर निर्मिती मूल्याच्या २२० टक्के किंवा १८७ रुपये प्रति प्रूफ लिटर यापैकी जे अधिक असेल तो लागू करण्यात येईल.