मुरबाड मध्ये मुख्यमंत्री उद्धव ठाकरे यांच्या वाढदिवसानिमित्त आरोग्य तपासणी शिबीर संपन्न !!
मुरबाड, (मंगल डोंगरे) : महाराष्ट्राचे मुख्यमंत्री तथा शिवसेना पक्षप्रमुख उद्धव ठाकरे यांच्या वाढदिवसानिमित्त आज मुरबाड येथील वैश्यसमाज हाँलमध्ये भव्य रक्तदान व आरोग्य तपासणी शिबिराचे आयोजन करण्यात आले होते.
या शिबीरात तज्ञ फिजिशियन, सर्जन, स्रीरोग तज्ञ, बालरोगतज्ज्ञ, व अस्थिरोग तज्ञ, डॉक्टयांच्या उपस्थितीत उच्च रक्तदाब, मधुमेह, स्तनाचा कँन्सर, योनीमार्गाचा कँसर, हिमोग्लोबिन, मासिक पाळी, बालकांचे कुपोषण, सारख्या आजारांवर तपासणी करण्यात आली. यामध्ये जवळपास 350 नागरिकांच्या तपासण्या करण्यात आल्या. तर रक्तदान हे श्रेष्ठ दान,नव्हे तर जीवनदान हे खरे करण्यासाठी कुठल्याही प्रसंगी समाजातील कुठल्याही घटकाला रक्ताची गरज भासते. प्रसंगी आपला जिवही गमवावा लागतो. असा प्रसंग कोणावरही ओढावु नये.म्हणून तालुक्यातील 151 तमाम नवतरुण शिवसैनिकांनी रक्ताची गरज लक्षात घेऊन रक्तदान करून आपली सामाजिक जबाबदारी जोपासली. आजचा हा कार्यक्रम शिवसेना मुरबाड शहर शाखेतर्फे आयोजित करण्यात आला होता. या कार्यक्रमासाठी प्रमुख पाहुणे म्हणून प्रति पंढरपूर धानिवलीचे कमलनाथ नवनाथ महाराज, शिवसेना ठाणे जिल्हा ग्रामीणचे जिल्हा प्रमुख प्रकाश पाटील, शिवसेना नेते सुरेश उर्फ बाळ्या मामा म्हात्रे, अल्पेश भोईर, जि.प.सदस्या रेखाताई कंटे, मुरबाड तालुका प्रमुख कांतीलाल कंटे, विधानसभा क्षेत्र संघटक आप्पा घुडे, जि.प उपाध्यक्ष सुभाष पवार, मुरबाड शहर प्रमुख रामभाऊ दुधाळे, युवासेना ता.प्रमुख प्रशांत मोरे, मुरबाड शहर युवा सेना प्रमुख पंकज दलाल, माजी नगरसेवक नितीन तेलवणे, तालुका महिला आघाडी प्रमुख उर्मिला लाटे, शहर प्रमुख जयश्री संमेळ, विशाल बिडवी, मयूर रोठे, उमेश हुमणे, यांसह मोठ्या संख्येने शिवसैनिक, युवा सेना, व महिला आघाडीचे कार्यकर्ते उपस्थित होते.
No comments:
Post a Comment