दै.जीवनदीप वार्ता राज्यस्तरीय शिक्षक जिवनरत्न पुरस्कार सोहळा संपन्न..! 'अनेक शिक्षकंना करण्यात आले सन्मानित'..

दै.जीवनदीप वार्ता राज्यस्तरीय शिक्षक जिवनरत्न पुरस्कार सोहळा संपन्न..!

'अनेक शिक्षकंना करण्यात आले सन्मानित'..

टिटवाळा, उमेश जाधव -: दै. जीवनदीप वार्ता च्या वतीने राज्यस्तरीय जिवनरत्न पुरस्कार सोहळा २००१ नुकताच शनिवारी मोठ्या उत्साहात संपन्न झाला. औचित्य होते ते जीवनदीप वार्ताचे संपादक रवींद्र घोडविंदे यांचा वाढदिवस. या निमित्ताने गोवेली विद्यालयात हा सोहळा अनेक मान्यवरांच्या उपस्थितीत पार पडला. 

शिक्षणाचे धडे देत.. देत.. शासकिय अनेक योजनांत व कामांत सतत अग्रेसर व तत्पर असणारा एक घटक म्हणजे शिक्षक होय. त्यांच्या शैक्षणिक कारकीर्दी बरोबरोर इतरही गुणांचा सन्मान व्हा हा उद्देश डोळ्यासमोर ठेवत जीवनदीप वार्ताचे संपादक रवींद्र घोडविंदे यांनी हा सन्मान सोहळा आयोजित केला होता. 

या वेळी राज्यातील ३६ शिक्षकांना प्रमाण पत्र, सन्मान चिन्ह, शाळा व तुळसीचे रोप देऊन राज्यस्तरीय जिवनरत्न पुरस्काराने गौरविण्यात आले. सदरचे पुरस्कार मंचावर उपस्थित मुरबाड मतदार संघाचे आमदार किसन कथोरे, कोकण पदवीधर मतदार संघाचे आमदार निरंजन डावखरे, शिवसेना कल्याण जिल्हाप्रमुख गोपल लांडगे, शहापूर चे आमदार दौलत दरोडासह अनेक मान्यवर उपस्थित होते. यावेळी घोडविंदे सरांचा वाढदिवस ही साजरा करण्यात आला. यावेळी पुरस्कार मिळालेल्या शिक्षकांच्या चेहऱ्यावर आनंद पहाण्या जोगा होता.