"मुंबई संघा"ने अंतिम फेरीत गोवा संघाचा पराभव करून पटकावले विजेतेपद...
मुंबई, (शांताराम गुडेकर) :
तामिळनाडू टेनिस बॉल क्रिकेट असोसिएशनने आयोजित केटी (उटी) येथे आयोजित अखिल भारतीय आंतर विभागीय टेनिस बॉल चॅम्पियनशिपमध्ये प्रशिक्षक चीना रावल यांच्या मार्गदर्शनाखाली मुंबई टेनिस बॉल क्रिकेट मुलींच्या संघाने चमक दाखवली. मुंबई संघाने अंतिम फेरीत गोवा संघाचा पराभव करून विजेतेपद पटकावले.
क्षितिजा सावंतने कर्णधार म्हणून उत्कृष्ट कामगिरी बजावली. क्षितिजा सावंतने जागृती वाघेलासह सर्व सामन्यांमध्ये विजय सोपा केला. रुही पांडेने प्राजक्ता गुरव सोबत गोलंदाजी विभागात आपले सर्वोत्तम प्रदर्शन केले आहे. सिद्धी मोरे यांचे यष्टीरक्षण उत्कृष्ट होते. मुंबईच्या मुलींच्या संघाने ही स्पर्धा जिंकल्यामुळे त्यांच्यासाठी ही मोठी कामगिरी आहे. हा या संघाचा दुसरा राष्ट्रीय विजय आहे आणि संघर्ष करत तो त्यांनी मिळवला आहे. यापुढेही खूप मोठ- मोठे विक्रम करत पुढे जायचे आहे असे मत प्रशिक्षक चीना रावल यांनी बोलताना व्यक्त केले.
मुंबई टेनिस बॉल क्रिकेट मुलींच्या संघाला यशस्वी वाटचालीसाठी अनेकांनी अभिनंदन करत शुभेच्छा दिल्या आहेत. दरम्यान मुलांनीही चांगली कामगिरी करत उपांत्यपूर्व फेरी गाठण्याचा प्रयत्न केला. मेहुल दाथियाने मुलांच्या संघात आघाडी घेतली आहे. देवेन सोलंकीने फंलदाजी आणि गोलंदाजी या दोन्ही बाबतीत उत्कृष्ट कामगिरी केली आहे. मुंबई मधील प्रसिद्ध स्पोर्ट्स ब्रँड श्री साई स्पोर्ट्सने सर्व खेळाडूंना पाठिंबा दिल्याबद्दल त्यांचे सुद्धा या निमित्ताने विशेष आभार व्यक्त करण्यात आले.
No comments:
Post a Comment