जिजाऊ संस्थेच्या वतिने नालासोपारातील मोफत ब्युटी पार्लर प्रशिक्षण पुर्ण केलेल्या महिलांना प्रमाणपत्र वाटप...

जिजाऊ संस्थेच्या वतिने नालासोपारातील मोफत ब्युटी पार्लर प्रशिक्षण पुर्ण केलेल्या महिलांना प्रमाणपत्र वाटप... 

वसई , प्रतिनिधी : महिला फक्त चुल, मुल,घर या चौकटीत न राहता तीच्या  कलागुणांना वाव मिळावा या हेतूने जिजाऊ शैक्षणिक व सामाजिक संस्थेच्या वतिने नालासोपारातील महिलांसाठी मोफत ब्युटी पार्लर प्रशिक्षण वर्ग समेळपाडा येथे सुरू करण्यात आला होता. महिनाभर महिलांना मोफत ब्युटी पार्लर प्रशिक्षण देण्यात आले.

प्रशिक्षण पुर्ण केलेल्या महिलांना सॅनेटरी नॅपकीन मॅन्युफॅक्चरींग कंपनीचे मालक अफझल शेख व राष्ट्रपती च्या हस्ते पुरस्कार प्राप्त परिचारिका सुजाता तुस्कानो यांच्या हस्ते  प्रमाणपत्र वाटप करण्यात आले होते.

महिलांच्या कौटुंबिक आर्थिक सक्षमीकरणासाठी त्यांना रोजगार व स्वयंरोजगाराच्या विविध संधी यातुन शाश्वत उपजीविका निर्माण व्हावी यासाठी जिजाऊ संस्था नेहमी मदत करत असते.

आजकालच्या धावत्या युगामध्ये स्रिया प्रशिक्षणाच्या निमित्ताने एकत्र येतात आणि त्यांच्या मध्ये एकोपा वाढण्यात मदत होते.

सॅनेटरी नॅपकीन मॅन्युफॅक्चरींग कंपनीचे अफझल शेख यांनी महिलांना मोफत सॅनेटरी नॅपकीन उपलब्ध करून देण्याचे आश्वासन दिले तसेच राष्ट्रपती पुरस्कार प्राप्त सुजाता तुस्कानो यांनी सर्व महिलांना मार्गदर्शन केले. यावेळी मासीक पाळी बाबत माहीती ,त्यातील स्वच्छता व मासीक पाळीत वापरण्यात येणारी शोषके व तळागाळात राहाणाऱ्या महिला व किशोरींच्या प्रत्यक्ष समस्या व गरजा काय आहेत ह्याची प्रत्यक्ष अनुभव कथन केले .

महिलांना ब्युटी प्रशिक्षणाचे महत्व व एक स्वत: पायावर उभे राहून उद्योग करून स्रीला सबलीकरणाचे महत्व पटवून दिले.

मोठ्या संख्येने महिला उपस्थित होत्या. महिलांच्या चेहर्‍यावरील आनंद पाहुन मला हि मनस्वी आनंद झाला असे त्यांनी सांगितले.

यावेळी जिजाऊ तालुकाध्यक्ष हर्षालीताई खानविलकर शिवसेना महिला आघाडी शहर संघटक रूचिता नाईक शहर प्रमुख समीर गोलांबडे उपशहरप्रमुख महेश निकम, विभागप्रमुख दानिश करारी, महिला उपशहर प्रमुख आशा सातपुते उपस्थित होते.