भिवंडी लोकसभा मतदारसंघात आमचा विजय निश्चित - निलेश सांबरे
** भिवंडी लोकसभा मतदारसंघात आईवडीलांचा आशिर्वाद घेऊन निलेश सांबरे यांचा उमेदवारी अर्ज दाखल
भिवंडी, सचिन बुटाला : भिवंडी लाेकसभा मतदारसंघातून आज (मंगळवार) जिजाऊ सामाजिक व शैक्षणिक संस्थेचे संस्थापक अध्यक्ष व जिजाऊ विकास पार्टी तर्फे निलेश सांबरे यांनी त्यांचा उमेदवारी अर्ज दाखल केला.
त्यांनी उमेदवारी अर्ज भरायला जाण्याआधी आपल्या मूळ गावी झाडपोली येथे आई वडिलांचा आशिर्वाद घेतला. आज अर्ज भरायला जात असताना लाखोंचा जनसमुदाय सोबत होता. निलेश सांबरे यांच्या सामाजिक कार्याने प्रभावित होऊन आज संपूर्ण लोकसभा मतदारसंघांतील सर्व जाती धर्माची जनता उपस्थित होती. प्रत्येकाच्या मुखी एकच ""निलेश सांबरे साब आप आगे बढो हम तुम्हारे साथ" हैं.
यावेळी निलेश सांबरे यांनी माध्यमांशी बोलताना मी कॉंग्रेस कडे उमेदवारी मागितली होती व ती जवळजवळ अंतिम होती पण काय झाले हे माहीत नाही, ज्या पक्षाची या मतदारसंघात फारशी ताकद नसताना कोणीतरी सुपारी घेऊन त्या पक्षाला उमेदवारी दिली, पण ही देऊन त्या पक्षाचे उमेदवार सुरेश म्हात्रे (बाळ्या मामा) यांचा बळी देण्यात आला. आमच्या संस्थेचे संपूर्ण मतदारसंघातील सामाजिक कार्य त्यामुळे आमच्या वर असलेला विश्वास, आम्हाला न्याय देऊन या मतदारसंघाचा विकास फक्त सांबरे साहेबच करु शकतात हा भरवसा व जनतेचा असलेला पाठिंबा यामुळे आमचा विजय निश्चितच आहे तसेच अजूनही कॉंग्रेस पक्षाने एबी फॉर्म दिला तर आपण कॉंग्रेस पक्षाकडून उमेदवारी दाखल करणार असे सांगितले.
No comments:
Post a Comment