कल्याण पूर्व येथील मॉडेल शाळेच्या मैदानात रविवारी महायुतीच्या पदाधिकारी आणि कार्यकर्त्यांचा संवाद मेळाव्यात बोलताना डॉ. श्रीकांत शिंदे यांनी मागील दहा वर्षात मुख्यमंत्री एकनाथ शिंदे, उपमुख्यमंत्री देवेंद्र फडणवीस व उपमुख्यमंत्री अजित पवार यांच्या नेतृत्वाखाली अनेक महत्त्वाची विकासकामे झाली असून त्यात प्रामुख्याने कल्याण पूर्वेत चक्की नाका-मलंगगड रोड, कल्याण शीळ रोड, पत्री पूल, अनेक ठिकाणी सिमेंट काँक्रिटचे रस्ते अशी अनेक कामे झाल्याचे खासदार डॉ. श्रीकांत शिंदे यांनी सांगितले. कल्याण रेल्वे यार्ड रिमॉडेलिंग हा 800 कोटींचा प्रकल्प, नवी मुंबई - कल्याण मेट्रो हे प्रकल्प सुरू आहेत.
तसेच कल्याण पूर्वेत भारतरत्न डॉ. बाबासाहेब आंबेडकर यांचा पुतळा उभारण्याची अनेक वर्षांपासूनची मागणी होती, पण आपण त्यापलीकडे जाऊन डॉ. बाबासाहेब आंबेडकरांचे एक भव्य स्मारक कल्याण पूर्वेत उभारले व गोरगरिबांसाठी पंतप्रधान आवास योजनेतून खोणी आणि शिरढोण येथे घरे बांधण्यात आली. माननीय नरेंद्र मोदी यांना पंतप्रधान बनविण्यासाठी व देशाला विकासाच्या मार्गावर राहण्यासाठी ही निवडणूक अत्यंत महत्त्वाची असून आपणास कल्याण लोकसभा मतदारसंघातून मोठ्या मताधिक्याने विजयी होण्याची जबाबदारी आपली आहे.
यावेळी सार्वजनिक बांधकाम मंत्री रवींद्र चव्हाण, राष्ट्रवादी काँग्रेसचे प्रदेश उपाध्यक्ष प्रमोद हिंदुराव, माजी आमदार जगन्नाथ शिंदे, शिवसेना जिल्हाप्रमुख गोपाळ लांडगे, महिला जिल्हा संघटक छाया वाघमारे, राष्ट्रवादी कॉंग्रेसचे ठाणे जिल्हाध्यक्ष आनंद परांजपे, कल्याण जिल्हाध्यक्ष भरत गोंधळे, रमेश हनुमंते, भाजपा जिल्हाध्यक्ष नाना सूर्यवंशी, शिवसेना उपजिल्हाप्रमुख रमाकांत देवळेकर, विधानसभा प्रमुख निलेश शिंदे, प्रशांत काळे यांच्यासह महायुतीच्या घटकपक्षांचे माजी नगरसेवक, पदाधिकारी आणि कार्यकर्ते मोठ्या संख्येने उपस्थित होते.
No comments:
Post a Comment