मुंबईतील सामाजिक संस्थांचे मणिपूर मध्ये कर्करोग जागरूकता शिबिर !!

मुंबईतील सामाजिक संस्थांचे मणिपूर मध्ये कर्करोग जागरूकता शिबिर !!

मुंबई, (केतन भोज) : छबी सहयोग फाऊंडेशन (मणिपूर प्रांत ) यांच्या तर्फे मुंबईतील देव देश प्रतिष्ठान आणि साईधाम कॅन्सर हॉस्पिटल शिर्डी यांच्या सहकार्याने मणिपूर येथील अँड्रो गाव असलेल्या इंफाळ पूर्व येथे कर्करोग जागरूकता शिबिराचे आयोजन केले. मणिपूर मधील लोकांची आरोग्यसेवा सुधारावी तसेच त्यावर तातडीने उपचार व्हावे या उद्देशाने या तिन्ही सामाजिक संस्था कर्करोग संबंधी कार्य करत आहेत. अँड्रो गावी घेण्यात आलेल्या या शिबिरात महिला आणि वृद्धांची तपासणी करण्यात आली. या शिबिरात 50 पेक्षा जास्त महिला आणि 25 पुरुषांचा सहभाग दिसून आला. कर्करोगाची माहिती आणि त्याच्यावर तातडीने निदान करण्यासाठी छबी सहयोग फाऊंडेशन, देव देश प्रतिष्ठान यांचे देशभर कार्य सुरू आहे. महाराष्ट्र चे माजी राज्यपाल कोष्यारी आणि मुख्यमंत्री देवेंद्र फडणवीस यांनी देखील संस्थेचे कौतुक केले आहे. मणिपूर येथे पार पडलेल्या कर्करोग शिबिराला आशा वर्करच्या एस संतीदेवी, कार्यक्रमाचे अध्यक्ष छ कुंडमले, छ तोंबी उपस्थित होते. या शिबिराच्या यशस्वीतेसाठी पार्थो रॉय यांनी विशेष प्रयत्न केले.