प्रभाग क्रमांक १२३ चे भाजप महायुतीचे अधिकृत उमेदवार अनिल निर्मळे यांनी भव्य शक्ती प्रदर्शन करत भरला उमेदवारी अर्ज !
घाटकोपर, (केतन भोज) : घाटकोपर पश्चिम विधानसभा क्षेत्रातील मुंबई महानगरपालिका निवडणुकीसाठी प्रभाग क्रमांक १२३ मध्ये ज्या जागेवर शिंदेंची शिवसेना आणि भाजप यांच्या मध्ये तिकीट वाटपावरून मोठा पेच निर्माण झाला होता. त्या जागेसाठी अखेर सोमवारी रात्री (ता.२९) रोजी उशिरा भाजपचे इच्छुक उमेदवार अनिल निर्मळे यांना उमेदवारी जाहीर झाल्यावर वर याठिकाणी सर्वत्र तरुणांनी, भाजप कार्यकर्त्यांनी फटाके फोडत उत्साह साजरा केला. अनिल निर्मळे यांचे प्रभाग क्रमांक १२३ मधील मागील बऱ्याच वर्षाचे सामाजिक काम बघता आणि त्यांची स्थानिक तरुणांमध्ये असलेली छाप पहाता त्यांना उमेदवारी मिळणे याठिकाणी निश्चितच होते असे स्थानिक तरुणांनी सांगितले. प्रभाग क्रमांक १२३ मधून भाजप-शिवसेना -आर.पी.आय. (ए) महायुतीचे अधिकृत उमेदवार अनिल निर्मळे यांनी मंगळवार (ता.३०) रोजी उमेदवारी भरण्याच्या शेवटच्या दिवशी भव्य शक्ती प्रदर्शन करत प्रचार रॅली काढली.
या प्रचार रॅलीची सुरुवात घाटकोपर पश्चिम विधानसभा क्षेत्राचे विद्यमान भाजपचे आमदार राम कदम तसेच भाजप ईशान्य मुंबई जिल्हा महामंत्री चंद्रकांत मालकर यांच्या प्रमुख उपस्थितीत करण्यात आली. ही भव्य प्रचार रॅली निळकंठेश्वर -डॉ.बाबासाहेब आंबेडकर स्मारक वर्षानगर - शंकर मंदिर, पार्कसाईट- आनंदगड- सुजाता हॉटेल -रामनगर मार्गे छत्रपती शिवाजी महाराज चौक, अमृत नगर याठिकाणी आल्यावर छत्रपती शिवाजी महाराजांच्या अश्वरूढ पुतळ्यास अनिल निर्मळे यांच्याकडून पुष्पहार अर्पण करून अभिवादन करण्यात आले. ही प्रचार रॅली निवडणूक कार्यालय, पंतनगर इथपर्यंत काढण्यात आली. त्यानंतर अनिल निर्मळे यांनी मुंबई महानगरपालिका निवडणुकीसाठी आपला उमेदवारी अर्ज पंतनगर याठिकाणी असलेल्या निवडणूक कार्यालयात निवडणूक अधिकाऱ्यांकडे दाखल केला. तसेच यावेळी काढण्यात आलेल्या या प्रचार रॅलीत नागरिकांचा उत्स्फूर्त प्रतिसाद, महिलांचा सक्रीय सहभाग आणि तरुणांची ऊर्जा पाहायला मिळाली असून हे पाहता आता हा विजय अटळ असल्याचा विश्वास अधिक दृढ झाला असून,प्रभाग क्रमांक १२३ मधून जनतेचा स्पष्ट पाठिंबा मिळताना दिसत आहे.आपली साथ हीच आमची ताकद बनत विजयाच्या दिशेने वाटचाल सुरू असल्याचे यावेळी भाजप महायुतीचे उमेदवार अनिल निर्मळे यांनी सांगितले.
No comments:
Post a Comment