वाजेकर महाविद्यालयास "उत्कृष्ट महाविद्यालय" पुरस्कार !

वीर वाजेकर महाविद्यालयास "उत्कृष्ट महाविद्यालय" पुरस्कार !

उरण दि २५, (विठ्ठल ममताबादे) ::२५ जानेवारी २०२६ रोजी मतदार जागृती दिनाच्या दिवशी रयत शिक्षण संस्थेचे, वीर वाजेकर कला, विज्ञान व वाणिज्य महाविद्यालय,    महालण विभाग, फुंडे ला वर्ष २०२५-२६ मध्ये महाविद्यालयाच्या वतीने मतदान नोंदणी केल्याबद्दल रायगड जिल्हाधिकारी  किशन जावळे यांच्याकडून "उत्कृष्ट महाविद्यालय" पुरस्काराने सन्मानित करण्यात आले. ह्या प्रसंगी महाविद्यालयातील राष्ट्रीय सेवा योजना, राष्ट्रीय छात्र सेना, डी.एल.एल.ई. निवडणूक साक्षरता मंडळ,राज्यशास्त्र विभाग सर्व विद्यार्थी व सेवक यांच्या माध्यमातून वर्षभर महाविद्यालयात मतदान साक्षरता, मतदान जागृती, विद्यार्थी व  परिसरातील नागरिक नवमतदार नोंदणी ऑनलाईन तसेच ऑफलाईन पध्दतीने मोठ्या प्रमाणात करून घेतली. मतदार जागृतीसाठी निबंध लेखन, वक्तृत्व स्पर्धा, पोस्टर प्रेझेंटेशन, मतदान जागृती रॅली परिसरातील नवघर, भेंडखळ, जसखार, करळ, सोनारी, सिडको कॉलनी इत्यादी ठिकाणी काढण्यात आली. तसेच सेल्फी पॉइंटच्या माध्यमातून परिसरातील लोकांमध्ये जाऊन जागृती करण्यात आली. लोकांमध्ये मतदान करण्यास,मतदार नोंदणी करण्यास प्रोत्साहित करण्यासाठी सर्व विभागाने मेहनत घेतली. इ व्ही एम मशीन ची प्रात्यक्षिके ठीक ठिकाणी आयोजित करण्यात आली होती. 

या यशाबद्दल रयत शिक्षण संस्थेचे मॅनेजिंग कौन्सिल सदस्य तथा माजी खासदार लोकनेते रामशेठ ठाकूर, रयत शिक्षण संस्थेचे उपाध्यक्ष पी.जे.पाटील, कॉलेज विकास समितीचे अध्यक्ष  बाळाराम पाटील, सुधीर घरत, उरणच्या नगराध्यक्षा भावना घाणेकर यांनी महाविद्यालयाचे अभिनंदन केले. पुरस्कार प्रदान करताना जिल्हा निवडणूक अधिकारी वाघमारे, अश्विनी पाटील  व अनेक मान्यवर उपस्थित होते. महाविद्यालयाचे प्रभारी प्राचार्य, डॉ.आमोद ठक्कर, उपप्राचार्य,डॉ. अनिल पालवे, डॉ.संदीप घोडके, चेअरमन निवडणूक साक्षरता मंडळ, प्रा.राम गोसावी,राष्ट्रीय सेवा योजना चेअरमन, डॉ.राजकुमार कांबळे एनसीसी चेअरमन, प्रा.श्रीकांत गोतपागर, प्रा.गजानन चव्हाण उपप्राचार्य तसेच महाविद्यालयाच्या सर्व सेवकांचे यावेळी शुभेच्छा देऊन अभिनंदन करण्यात आले.