उरणमध्ये बेकायदेशीर डेब्रिज टाकणाऱ्या ७ डंपरवर कारवाई !
** सिडको परीक्षेत्रात अनधिकृत डेब्रिज टाकत असल्यास प्रशासनाला कळविण्याचे सिडको प्रशासनातर्फे नागरिकांना आवाहन.
उरण दि २५, (विठ्ठल ममताबादे) : प्रदूषणाला कारणीभूत ठरणाऱ्या बेकायदेशीर डेब्रिज मूळे उरण मध्ये मोठया प्रमाणात प्रदूषण होत आहे. नवी मुंबई, मुंबई मधील डेब्रिज, घाण, कचरा उरण मध्ये टाकण्यात येत असल्यामुळे उरणच्या नागरिकांचा प्रश्न ऐरणी वर आला आहे.या पूर्वी मुंबई, नवी मुंबई मधील बेकायदेशीर डेब्रिज, घाण, कचरा उरण मध्ये टाकण्यात आले होते. तेंव्हा अनेक डम्पर चालकावर कारवाई करण्यात आली होती.परत उरण मध्ये अशीच घटना पुन्हा घडून आली आहे.
उरणमधील चिर्ले भागातील सिडकोच्या मोकळ्या जागेवर बेकायदेशीररीत्या डेब्रिज टाकण्यासाठी आलेले ७ डंपर पकडण्याची कारवाई सिडकोच्या पथकाने बुधवारी सायंकाळी केली. या कारवाईत जप्त करण्यात आलेल्या डंपर चालकांवर उरण पोलीस ठाण्यात गुन्हे दाखल झाले आहेत.
२३ जानेवारी रोजी सायंकाळी ५ वाजण्याच्या सुमारास चिर्ले भागातील हॉटेल गंगा रसोई या हॉटेलसमोरील रोडच्या कडेला माती आणि रॅबिट असलेले डेब्रिज टाकण्यासाठी काही डंपर आले होते. याबाबतची माहिती सिडकोच्या पथकाला मिळाल्यानंतर त्यांनी घटनास्थळी धाव घेतली असता, तेथे हे डंपरचालक डंपरमधील डेब्रिज टाकण्यासाठी आल्याचे निदर्शनास आले.त्यानंतर सिडकोच्या पथकाने उरण पोलिसांच्या मदतीने सर्व डंपर जप्त करून धीरज सरोज, विमलेशकुमार मदन, राजदेव लोधीया, जगदीश त्रिपाठी, मोहम्मद अकील हुसेन सय्यद, जियारहमान हाझीम अन्सारी आणि मोहम्मद यासीन नबी रहेम खान या डंपरचालकांविरोधात उरण पोलीस ठाण्यात गुन्हा दाखल केला आहे. सिडको परिक्षेत्रात अनधिकृत डेब्रिज. टाकत असताना नागरिकांना कोणी आढळल्यास त्यांनी त्वरित सिडकोच्या www.cidco. maharashrta.gov.in या वेबसाईटवर किंवा संबंधित पोलीस ठाण्यात कळवावे, असे आवाहन सिडकोने केले आहे
No comments:
Post a Comment