नागरी संरक्षण प्राथमिक प्रशिक्षण वर्ग यशस्वीरीत्या संपन्न !!
कल्याण, दि. २३ (प्रतिनिधी):
नागरी संरक्षण, नवी मुंबई समूह, ठाणे कार्यालय अंतर्गत मा. उपनियंत्रक श्री. विजय जाधव यांच्या मान्यता व मार्गदर्शनाखाली नागरी संरक्षण प्राथमिक प्रशिक्षण वर्ग क्र. ०४/२०२६ चे आयोजन दिनांक १९ ते २३ जानेवारी २०२६ या कालावधीत ना.स. कल्याण कार्यालयातील प्रशिक्षण हॉल येथे करण्यात आले होते.
या प्रशिक्षण वर्गाची लेखी व प्रात्यक्षिक परीक्षा दिनांक २३ जानेवारी २०२६ रोजी घेण्यात आली. सदर परीक्षा विभागीय क्षेत्ररक्षक व मानसेवी निदेशक श्रीम. शकुंतला राय, कल्याण (प.) यांच्या सहकार्याने सहाय्यक उपनियंत्रक श्रीम. दिपा घरत यांनी यशस्वीरीत्या पार पाडली. या प्रशिक्षण वर्गात एकूण ३२ प्रशिक्षणार्थींनी सहभाग नोंदविला.
प्रशिक्षणाच्या समारोपप्रसंगी मा. उपनियंत्रक नागरी संरक्षण श्री. विजय जाधव यांनी प्रशिक्षणार्थींना शपथ देऊन आपत्ती व्यवस्थापन, सामाजिक जबाबदारी व नागरी संरक्षणाचे महत्त्व याबाबत मौलिक, उद्बोधक व प्रेरणादायी मार्गदर्शन केले.
सौजन्य - विश्वनाथ राऊत सर
No comments:
Post a Comment