नागरिकांच्या सेवेसाठी "डॉक्टर आपल्या दारी" उपक्रम सुरु
क्रेडाई एम.सी.एच.आय व भारतीय जैन संघटनेचा पुढाकार
कल्याण (संजय कांबळे) कोरोना व्हायरसचा प्रार्दुभाव
टाळण्यासाठी लाँकडाँऊन सुरु असुन नागरिकांच्या आरोग्याच्या दुष्टीकोनातुन क्रेडाई एम.सी.एच.आय कल्याण-डोंबिवली युनिट यांनी कल्याण डोंबिवली येथील नागरिकांच्या सेवेसाठी "डॉक्टर आपल्या दारी " या नाविन्यपूर्ण उपक्रमाअंतर्गत मोबाईल डिस्पेन्सरी सेवा सुरू केली आहे.
नागरी आरोग्याच्या प्रश्नाबाबत क्रेडाई एम् . सी. एच्. आय्. कल्याण डोंबिवली युनिट, भारतीय जैन संघटना नागरिकांच्या मदतीला धावली असुन हा उपक्रम महिनाभर चालू असणार आहे. महापौर विनिता राणे व जेष्ठ नगरसेवक विश्वनाथ राणे यांच्या हस्ते डोंबिवली येथील शास्त्री नगर रुग्णालयातून या सेवेचा शुभारंभ करण्यात आला . यासाठी क.डों.म.पा.आयुक्त विजय सुर्यवंशी आणि समस्त डॉक्टर,नर्स व स्वयंसेवक यांचे मौलाचे सहकार्य लाभले. तसेच हा उपक्रम यशस्वीरीत्या राबविण्यात युनिचे अध्यक्ष दिपक मेहता, सचिव मिलिंद चव्हाण, माजी अध्यक्ष प्रफुल्ल शाह, माजी नगरसेवक रवि पाटील, राजन बाळसराफ व सर्व युनिटचे पदाधिकारी, सदस्य आदींचे सहकार्य लाभले.
No comments:
Post a Comment