जंगलाला लागलेल्या आगित झोपडी खाक ! ! **वनकर्मचारी जखमी **

जंगलाला लागलेल्या आगित झोपडी खाक ! !     **वनकर्मचारी जखमी ** 

मुरबाड - (मंगल डोंगरे) :  मुरबाड तालुक्यातील आस्कोत गावच्या जंगलाला लागलेल्या आगित आदिवासीची झोपडी जळून खाक झाली आहे. तर एक मेंढी भस्म झाली असून 'आग विझवताना महिला वन कर्मचारी' भाजल्याने  त्या दवाखान्यात उपचार घेत आहेत.

 

             संगम आस्कोत गावच्या जंगलात आदिवासींच्या झोपड्या आहेत त्यातील शंकर सेवक मुकणे आपल्या झोपडीत राहत होता. अचानक जंगलाला लागलेल्या आगित त्याच्या झोपडीसह एक मेंढी जळून भस्म झाली असून, घरातील पाच माणसे सुरक्षित आहेत. वनवा इतरञ पसरू नये म्हणून महिला वनकर्मचारी "अल्पना घोलप" या आग विझवताना भाजल्या असल्याने त्यांना दवाखान्यात उपचारासाठी नेण्यात आल्याची माहिती मिळते.

             मुरबाड तालुक्यात दरवर्षी मोठ्याप्रमाणात वनवे लागून प्राणी, वनसंपदा व छोटी रोपटी नष्ट होत असते. शासन वृक्ष लागवडीसाठी व सर्वंधानासाठी लाखो रुपये खर्च करत आहे. मग हे वनवे मानव निर्मित आहेत का ? कि अजून कशाने याचा शोध वनविभागाने घेऊन त्यांचा बंदोबस्त करणे गरजेचे आहे. अशी मागणी नागरिक करत आहेत .