भुषण अनंता जाधव यांची फळेगांव सेवा सोसायटीच्या चेअरमन पदी बिनविरोध निवड !

भुषण अनंता जाधव यांची फळेगांव सेवा सोसायटीच्या चेअरमन पदी बिनविरोध निवड !

टिटवाळा, उमेश जाधव -: फळेगांव सेवा सोसायटीच्या चेअरमन पदी भुषण अनंता जाधव यांची शुक्रवारी बिनविरोध निवड करण्यात आली. यावेळी आजी- माजी चेअरमन, उपचेअरमन, सदस्य व शेतकरी वर्ग मोठ्या प्रमाणात उपस्थित होता. 

कोरोना काळात  सेवा सोसायटीच्या निवडणूक लांबणीवर गेल्या होत्या. याच पार्श्वभूमीवर कल्याण तालुक्यातील फळेगांव सेवा सोसायटीच्या चेअरमन व उप चेअरमन पदाची निवडणुक देखील लांबणीवर गेली होती.‌ शुक्रवारी माजी चेअरमन राजाराम चौधरी व उपचेअरमन आनंता जाधव यांनी आपल्या पदाचा राजीनामा दिला. यावेळी भुषण जाधव यांची चेअरमन व आत्माराम तारमळे यांची उप चेअरमन बिनविरोध निवड करण्यात आली. 

या निवडीचे काम निवडणूक अधिकारी म्हणून सस्मिशी भांगे यांनी पाहिले. ११ गाव मिळून ही सेवा सोसायटी बनविण्यात आली आहे. या ३ महीला व १० पुरूष असे मिळून १३ सदस्य मिळून या सोसायटीचा कारभार सांभाळलत आहेत. सध्या ४ पदे रिक्त असून ९ सदस्यांच्या खांद्यावर या सोसायटीचा भार आहे.. या सेवा सोसायटीत ७७१  शेतकरी सभासद असून पैकी ३५७ शेतकरी सभासदांनी यंदाच्या हंगामा करीता कर्जाचा लाभ घेतला आहे. या निवडणुकीच्या वेळी माजी चेअरमन राजाराम चौधरी, सदस्य सुदाम धर्मा पाटील,  दिनेश जाधव, दर्शना जाधव, सुनंदा देशेकर, सुनील जाधव, आत्माराम तारमळे, गोपाळ जाधव, सरपंच शारदा भास्कर जाधव, सेक्रेटरी भानुदास कोंडे व शेतकरी मोठ्या संख्येने उपस्थित होते. 

सेवा सोसायटीच्या सदस्य व शेतकरी सभासदांनी माझ्यावर जो विश्वास ठेवून माझ्यावर सोसायटीच्या चेअरमन पदाची धुरा सोपवली आहे. ती पूर्णपणे पार पाडण्यासाठी शेतकऱ्यांच्या हितासाठी काम करण्याचा प्रामाणिक प्रयत्न करेल : "भुषण जाधव, नवनिर्वाचित चेअरमन".