चिमुकल्यांच्या हसण्यात उमटली माणुसकी; आश्रम शाळेत मायेने खाऊ वाटप !!

चिमुकल्यांच्या हसण्यात उमटली माणुसकी; आश्रम शाळेत मायेने खाऊ वाटप !!

ठाणे | प्रतिनिधी —

७७ व्या प्रजासत्ताक दिनाच्या पवित्र सकाळी कै. निर्मलादेवी चिंतामण दिघे आश्रम शाळेत एक अतिशय भावूक दृश्य पाहायला मिळाले. हातात खाऊ मिळताच चिमुकल्या विद्यार्थ्यांच्या चेहऱ्यावर उमटलेले निरागस हसू आणि डोळ्यांत चमकलेला आनंद उपस्थित प्रत्येकाच्या मनाला स्पर्श करून गेला.

सकाळी ८.३० वाजता झालेल्या या उपक्रमात विद्यार्थ्यांना फ्रुटी, बेल बॉण्ड, ब्रिटानिया बिस्किटे व बालाजी वेफर्स यांचे प्रेमाने वाटप करण्यात आले. एखादा लहानसा खाऊ, पण त्यामागची माया, आपुलकी आणि माणुसकीचा भाव या उपक्रमाला खऱ्या अर्थाने मोठे करून गेला.

या कार्यक्रमाचे आयोजन दिनेश बुचडे, दीपक तेली, संजय गुप्ता, विनय प्रजापती व विशाल कुरकुटे यांच्या वतीने करण्यात आले. शाळेतील शिक्षक, कर्मचारी आणि उपस्थित मान्यवरांनी या सेवाभावी उपक्रमाचे मनापासून कौतुक केले.

“मुलांच्या हसण्यातच जीवनाचा खरा अर्थ सापडतो,” हे या दिवशी पुन्हा एकदा अनुभवायला मिळाले.