जागतिक रंगभूमीदिनी कल्याणात बालनाट्य महोत्सव !!

जागतिक रंगभूमीदिनी कल्याणात बालनाट्य महोत्सव !!

कल्याण,बातमीदार :- दि. २७ मार्च हा जागतिक रंगभूमी दिन म्हणून संपूर्ण जगात साजरा केला जातो. विविध शहरात विविध प्रकारे साजरा केला जातो. या वर्षी सांस्कृतिक शहर म्हणून ओळखल्या जाणाऱ्या कल्याण शहरात बाल रंगभूमी परिषदेने आ. प्र. के. अत्रे रंगमंदिरात जागतिक रंगभूमी दिन बालनाट्य महोत्सव आयोजित करून साजरा केला. 

कल्याण शहरात नव्याने स्थापना झालेल्या बालरंगभूमी परिषदेने जागतिक रंगभूमी दिनाचे अवचित्य साधून दि. २७ मार्च रोजी आ. अत्रे रंगमंदिरात बालनाट्य महोत्सवाचे आयोजन केले होते. महोत्सवाच्या उदघाटन प्रसंगी नाट्य परिषद कल्याण शाखेचे अध्यक्ष व बालरंगभूमी परिषदेचे कार्याधक्ष्य श्री. शिवाजी शिंदे, प्रमुख कार्यवाहक श्री. रवींद्र सावंत, कला साहित्य संस्कृतीचे जिल्हाध्यक्ष श्री. हेमंत यादगिरे, नाट्य परिषद कल्याण शाखा व बालरंगभूमी परिषद कल्याणच्या उपाध्यक्षा श्रीमती प्रिती बोरकर, बालरंगभूमी परिषद कल्याणचे अध्यक्ष श्री सतिश देसाई, प्र. कार्यवाह श्रीमती सुजाता कांबळे डांगे, कोषाध्यक्ष श्री. दीपक चिपळूणकर, जेष्ठ रंगकर्मी मेधन गुप्ते, सिटी न्युजच्या संपादिका पत्रकार श्रीमती चारुशीला पाटील, *स्फुर्ती फाउंडेशनच्या विश्वस्त सौ शिल्पा बजरंग तांगडकर, * या मान्यवरांच्या हस्ते नटराज पूजन व दीपप्रज्वलन झाले.

बालनाट्य महोत्सवाची सुरुवात अनुराग कल्याण संस्थेच्या 'इस्कॉट' या बालनाट्याने झाली. याचे लेखक अमोल जाधव तर दिग्दर्शक दीपक चिपळूणकर यांनी केले होते. त्यानंतर नुतन ज्ञानमंदिर कल्याण (पूर्व) या शाळेच्या लेखिका व दिग्दर्शिका विजयालक्ष्मी प्रशांत सणस यांचे 'वन ब्रेक' हे बालनाट्य सादर झाले. शेवटी सुरेश शेलार लिखित व सुशिल शिरोडकर दिग्दर्शित 'रेस टू' हे बालनाट्य सादर करण्यात आले. बालनाट्य महोत्सवातील या तीनही बालनाट्यांना रसिक प्रेक्षकांचा उदंड प्रतिसाद मिळाला. तीनही बालनाट्य प्रेक्षकांनी टाळ्यांच्या गजरात उस्फुर्त प्रतिसाद दिला. आमच्या शाळेला प्रथमच अत्रे नाट्यगृहात बालनाट्य सादर करण्याची संधी दिल्याबद्दल सणस म्याड्म यांनी श्री शिवाजी शिंदे व टीमचे आभार मानले. अनेक नवीन उपक्रम राबविणार असून, 17 एप्रिल ते 24 एप्रिल बालनाट्य शिबीर घेणार असल्याचे श्री शिवाजी शिंदे यांनी सांगितले. प्रेक्षकांमध्ये कल्याणकर रंगकर्मी सोबत सुनंदा जाधव, कवयित्री गावंडे, महिला सामाजिक कार्यकर्त्या रसिका गायकवाड, मीनाक्षी आहेर, करुणा कावखडे, नूतन ज्ञानमंदिराच्या मुख्याध्यापिका व शिक्षक वर्ग तसेच कल्याण पुर्व व पश्चिमेचे जेष्ठ नागरिक महिला रंजना माने, कल्पना महाले, सुंदराबाई बाई शिरसाट, अनिता उकंडे, आशा रहाणे, सोनु सावंत, पार्वती सोनवणे, रेखा जोखदंड, प्रतिभा कणसे, लहान मुलांमध्ये संस्कृती, स्फूर्ती, साक्षी वर्षा, वेदा, गुड्डी, उपस्थित होते, 

कार्यक्रमाच्या यशस्वीतेसाठी विशाल पितळे, मेघा शृंगारपुरे, ऐश्वर्या भारगुडे, सिद्धेश यादगिरे, सुरेश शिर्के, दीपक नाईक, सीताराम शिंदे, प्रशांत जावडेकर यांनी परिश्रम घेतले.