ठाणे जिल्हा परिषदेच्या बालविकास विभागात भ्रष्टाचाराचा'विस्फोट'कर्मचा-यांने फोडले बिंग ?
कल्याण, (संजय कांबळे) : राज्यात कोरोनाने भंयकर स्फोटक परिस्थिती निर्माण केली असताना ठाणे जिल्हा परिषदेच्या बालविकास विभागात किती मोठ्या प्रमाणात भ्रष्टाचार सुरु आहे हे पुराव्यासह, विस्फोटक, लेटरबाँम्ब जिल्हा कार्यक्रम अधिकारी महिला व बालविकास विभाग ठाणे यांना पाठवले असून हे सगळे काम याच विभागात कामकरित असलेल्या एका विस्तार अधिका-याने चालत असलेल्या 'पाकिट' संस्कृती उघड केली आहे, त्यामुळे अंबरनाथ तालुक्यातील या भ्रष्ट बालविकास अधिकारी व त्यांचा सहका-यावर जिल्हा परिषदेचे मुख्यकार्यकारी अधिकारी काय कारवाई करतात याकडे संपूर्ण जिल्हाचे लक्ष लागले आहे.
ठाणे जिल्हा परिषदेच्या महिला व बालकल्याण विभागाच्या अंबरनाथ पंचायत समितीच्या बालविकास कार्यालयातील हा भ्रष्टाचार असून याच विभाग काम करणारे एक विस्तार अधिकारी यांना जिल्हा परिषदेचे मुख्यकार्यकारी अधिकारी भाऊसाहेब दांडगे यांनी सेवेतून निंलबन केल्या नंतर हा भ्रष्टाचार उघड झाला आहे,
जिल्हा कार्यक्रम अधिकारी बालविकास विभाग ठाणे यांना पाठवलेल्या २४जानेवारी२०२१ च्या पत्रात या कर्मचा-यांनी म्हटले आहे की मी १ फेब्रुवारी २०१३ पासून येथे कार्यरत असून आँगस्ट २०२० मध्ये बालविकास प्रकल्प अधिकारी यानी अँडिट च्या नावाखाली प्रमिला खंडागळे, श्रीमती भांगरे, कल्पना पाटील, उषा देवरे व मला विनातक्रार काही रक्कम जमा करण्यास सांगितले. या व्यतिरिक्त बदलापूर बिटामधील मालती बडगुजर, वांगणी बिटातील अलका जाधव यांना फोन करुन प्रत्येक सेविकाकडून पैसे जमा करण्याची जबाबदारी देण्यात आली शिवाय डीबीटी योजनेतील सर्व लाभार्थ्याना कार्यालयात लेखा परिक्षणासाठी पैसे जमा करण्याचा निरोप द्या असे सांगितले, हे तर काहीच नाही मांगरुळ बीटातील कुशीवली अंगणवाडी केंद्रातील लसीकरण सत्रास भेट दिली असता येथील सेविकांनी 'पाकिट' दिले तर वांगणी गटातील २२ सेविकांनी प्रभारी बालविकास अधिकारी निता खोटरे या पैसे मागत असल्याच्या तक्रारी केल्या आहेत. हा सर्व प्रकार जिल्हाचे या विभागाचे प्रमुख भोसले यांना सांगितल्याचे प्रत्रात म्हटले आहे.
सन २०१९/२० या वर्षात जि.प सेस फंडामधून वैयक्तिक लाभाच्या ९६ लाभाथ्यांना ५हजार५०० प्रमाणे,५ लाख २८ हजार, घरघंटी ८ लाभार्थ्याना १ लाख ४२ हजार ७६२, शिवणयंत्र १७ हजार ७३४ रुपयाच्या वस्तू प्रत्यक्ष खरेदी केल्या किंवा नाही याची खातरजमा न करता दबाव टाकून लाभार्थ्याच्या खात्यावर जमा करण्यात आले, प्रत्यकक्षात एकाही लाभार्थ्याने साहित्य खरेदी केले नाही, तर एका स्थानिक ठेकेदाराकडून खरेदीची बिले सादर करुन एकूण ६ लाख ८८ हजार ४९६ ऐवढ्या रकमेतून काही हिस्सा स्वत कडे घेऊन शासनाची फसवणूक केल्यांचा गंभीर आरोप या कर्मचा-याने केला आहे,
याशिवाय चहाची व सँनिटायझरची खोटी बिले, खाजगी जागेत भरणा-या अंगणवाडी केंद्राचे भाडे २ लाख ७० हजार दिले नाही. फरकाची रक्कम ६०/७० हजार काढण्यासाठी १० हजार द्या, असे कनिष्ठ सहाय्यकाने मागितले ,प्रवासभत्यातील १७०० रुपये, ज्यडो कराटे प्रक्षिशणाचे १००० रुपये ही या बालविकास अधिका-याने घेतल्याचे तक्रारीत म्हटले आहे, पादरीपाडा येथील मदतनीस श्रीमती घोंडविंदे यांची सेविका म्हणून थेट नियुक्तीस या कर्मचा-याने विरोध केल्याने याला डोळ्यात बघत नाही असे सांगून याशिवाय मला अडचणीत आणन्यासाठी आस्थापणाची कामे, नोटीसा काढणे,ज्ञरिक्त पदांची माहिती, भरती प्रक्रिया, फिरती कार्यक्रम, दैनदिनी ,रजेचे अर्ज, लेटर ड्राफ्ट,ज्ञबीले टाकणे, झेराँक्स काढून आणने, उपकोषागार कार्यालयात बीले सादर करणे अशी कामे दिली जातात, जेणेकरुन माझ्याकडून चुकी व्हावी यातून माझी बदली व्हावी व यांना कार्यालयातील आर्थिक व्यवहार सुलभ करता यावे याकरिता माझ्यावर दबाव टाकला जातोय .यातून भविष्यात माझ्या जिवाचे काही बरेवाईट झाल्यास बालविकास प्रकल्प अधिकारी निता खोटरे व कनिष्ठ सहाय्यक दिलीप म्हसकरे हे जबाबदार धरणेत यावेत असे पत्रात शेवटी म्हटले आहे,
हा सर्व भ्रष्टाचार या कर्मचा-यावर निंलबनाची कार्यवाही केल्यामुळे समोर आला व तो अंबरनाथ तालुक्यातील आहे इतर कल्याण, मुरबाड, भिंवडी व शहापुर तालुक्यातील बालविकास विभागाचे काय?
याचा कोण विचार करणार तसेच काही महिन्यापूर्वी कल्याण विभागातील मुख्यसेविकाचा 'धान्यघोटाळा' पकडून तिच्या विरोधात मानपाडा पोलिस ठाण्यात गुन्हा दाखल केला होता, आता यांचे काय करायचे?लोकप्रतिनीधी पदाधिकारी वरिष्ठ अधिकारी काय करतात हे पाहणे औचिक्याचे ठरणार आहे.
