'प्रदीप केशव गावंड' समाजहितासाठी झटणारा कार्यकर्ता ....
वाशी गाव येथील सुपूत्र चेंबूर वाशी गाव - मुंबई येथे वास्तव्यास असणारे आर.सी.एफ कर्मचारी, समाजसेवक प्रदीप केशव गावंड अतिशय दिलदार, निस्वार्थी,कष्टाळू, भितभाषी, मनमिळावू आहेत.समाजामध्ये ते लोकप्रिय आहेत. अशा सर्वगुणसंपन्न, प्रतिभाशाली तसेच गरजवंतांच्या हाकेला घरच्या माणसासारखा धावून जाणारा जनसेवक प्रदीप केशव गावंड म्हणजे एक आदर्शवत जीवन मानावे लागेल.अशा या प्रसिद्धी पासून दूर राहिलेल्या चैतन्यमय व्यक्तिमत्त्वाच्या कार्याचा संक्षिप्त आढावा घेण्याचा प्रमाणित प्रयत्न ....
प्रदीप केशव गावंड यांची ओळख खरं तर पंचरत्न मित्र मंडळ (रजि.) चेंबूर यांच्या होणाऱ्या अनेक कार्यक्रमांमुळे अशोक भोईर यांच्या माध्यमातून झाली. प्रदीप गावंड यांच्या सहवासाने आम्हाला खूप चांगल्या माणसांचा सहवास लाभला हे विसरुन चालणार नाही. गावंड यांचे कार्य सर्वसामान्यनांना न्याय/हक्क मिळाला म्हणून असुन हजारो नागरिक त्यांच्या सेवेचा लाभ घेत आहेत.
प्रदीप केशव गावंड यांचा जन्म येथे ३१/७/१९६३ रोजी झाला. ते लहान पणापासूनच शिक्षण, सामाजिक, सांस्कृतिक, क्रिडा या क्षेत्रात हुशार होते. खेळातून, अभ्यासातून तर शाळेत शिक्षक, विद्यार्थीवर्गाचे ते आवडते होते. आपण ज्या समाजात आपण जन्म घेतला त्या समाजाचे आपण काही तरी देणं लागतो याचे भान प्रदीप गावंड यांना आहे. त्यासाठी त्यांचे प्रयत्न सुरु आहेत.समाजाची सेवा करणे हे जणू काही आपले आद्य कर्तव्य ठरावे, समाजाची सेवा करण्याचे भाग्य प्रत्येकाच्या नशिबी असते असे नाही. पण प्रदीप केशव गावंड यांना आर. सी. एफ / पंचरत्न मित्र मंडळ (रजि.) च्या माध्यमातून लाभले. गेली ३९ वर्षे ते शैक्षणिक, कला, क्रिडा, सांस्कृतिक, पर्यावरण या क्षेत्रात कार्यरत आहेत. उपरोक्त संघटनांमध्ये त्यांनी कार्याध्यक्ष, सचिव अशी महत्त्वाची पदे भूषवली आहेत. कार्यक्रमाचे सु नियोजन करणे गावंड यांना खूप चांगले जमते. गावंड यांनी पंचरत्न मित्र मंडळ (रजि.) स्थापन झाल्यावर मुंबईसह कोकणात समाजसेवेला सुरुवात केली. ते वाशी गाव चेंबूर येथे वास्तव्यास असून विभागातील गरजूंच्या हाकेला घरच्यांसारखे धावत जाऊन होईल तितकी मदत करतात.
समाजसेवा हीच ईश्वर सेवा मानून गावंड जमेल तशी जनसेवा करत आहेत. गावांमध्ये विकासात्मक गोष्टींना चालना देणे, आजारी व्यक्तीला उपचारासाठी योग्य मार्ग दाखवणे, क्रिडा स्पर्धाचे आयोजन करुन स्वतः सहभागी होणे, आरोग्यविषयक शिबिराचे आयोजन इ. मध्ये प्रदीप गावंड कायम सहभाग घेऊन तो कार्यक्रम यशस्वी करतात. समाजकार्यात सहभागी होताना कुटुंबाकडे थोडे दुर्लक्ष होत असले तरी पत्नी, मुले व मित्रपरिवार त्यांना समजून घेत त्यांच्या या जनसेवेला हातभार लावतात. प्रदीप केशव गावंड पंचरत्न मित्र मंडळ (रजि.)चे सेक्रेटरी असून वाशी ग्रामसेवा मंडळ चे सह सचिव आहेत. मुंबई आगरी सहकारी पतपेढी चे ते संचालक म्हणून काम पाहतात. याशिवाय इंटक चे युनियन प्रतिनिधी (वर्कर्स कमिटी) म्हणून दोन टर्म काम पाहत आहेत. आदर्श मुंबई चे सदस्य पत्रकार असून मुंबई आद्य स्थानिक आगरी समाज संचालक आहेत. त्याचप्रमाणे आर.सी.एफ कर्मचारी सेना, युथ कौन्सिल चे ते सदस्य आहेत. आर.सी.एफ मध्ये ३९ वर्ष ६ महिने अविरत सेवा करून प्रदीप गावंड ३१ जुलै २०२३ रोजी आपला वाढदिवस साजरा करत त्याच दिवशी सेवानिवृत्त होत आहेत.
समाजात भेडसावत असल्या अनेक समस्या सोडवणे, आपली युवा पिढी चांगले उच्चशिक्षण घेऊन मोठं मोठे हुद्यावर असणे. मोठया कंपनी मध्ये उच्च पदावर कार्यरत राहून स्वतःला आर्थिक दृष्ट्या सक्षम करणे. अनेक होतकरू विद्यार्थ्यांना मार्गदर्शन करणे, दरवर्षी विद्यार्थ्यांना खाऊ वाटप करणे, दरवर्षी गावी वृक्षारोपण करणे, स्वच्छता अभियान राबविणे असे अनेक उपक्रम राबवत समाजाला नवप्रेरणा देण्याचे काम मा.अशोक दामू भोईर साहेब सातत्याने करत आहेत.
कमी शिक्षण असल्याने किंवा शिक्षण न घेतल्याने नोकरी मिळणासाठी होणारा त्रास तसेच अशिक्षित असल्यामुळे होणारी फसवणूक थांबवण्यासाठी स्वःताच्या पगारातून काही पैसे बाजूला करुन हे प्रदीप गावंड आणि त्यांचे पंचरत्न मित्र मंडळ शिकवण्यासाठी गरिब, होतकरु युवकांच्या मदतीला धावत आहे. मंडळाचे कार्य होतकरु व गरजू विद्यार्थीवर्ग व त्यांच्या पालकवर्गासाठी असून आदिवासी भागातील रहिवाशांसाठी, अपंग, अंधांसाठी आहे. श्री प्रदीप गावंड, श्री.अशोक भोईर आणि मंडळतर्फे दरवर्षी होत असलेल्या मदतीमुळे आदिवासी भागातील युवक-युवती शिक्षणासाठी बाहेर पडत आहेत. महिला-पुरुष वर्गाला रोजगार उपलब्ध होत आहे. पदरमोड करुन दुसऱ्याला आनंदीत बघण्यासाठी मंडळतर्फे प्रदीप गावंड कायम झटत असतात.
कधीही न थकता हसत मुखाने काम करणे हे प्रदीप गावंड यांचे वैशिष्ट्य आहे.हसरा व प्रसन्न चेहरा, निःस्वार्थी, निगर्वी आणि सदैव मदतीला तयारअसणारे गावंड सर्वांनाच आवडतात. कारण नागरी समस्या सोडवणे व लोकोपयोगी उपक्रम राबविणे यासाठी ते विभागात जास्त परिचित आहेत. प्रसंगी सनदशीर/संसदीय मार्गाने लढे देऊन कारवायांना यशस्वीरित्या तोंड देत लोकांच्या अडीअडचणींवर उपाय शोधत ती समस्या मार्गी लावतात. आजच्या वेळेला एक व्यक्ती आपल्या बरोबरच्या व्यक्तीचे गुण गाताना फारसे दिसत नाहीत. पण प्रदीप केशव गावंड याला अपवाद आहेत. ते सहकारीवर्गाला नेहमी सांगतात की ध्येय, तत्त्व, नियोजन, चिकाटी, सहनशीलता, स्वाभिमान याच्याबरोबर कोणतेही काम करण्याची तयारी ठेवल्यास आत्मविश्वास आपोआप येतो. जे-जे लोक निःस्वार्थी भावनेने काम करतात तसेच काम मलाही करायचे असल्याचे गावंड कायम सांगतात. त्यांच्या कार्याची दखल घेत अनेक संस्थांनी त्यांना पुरस्कार /सन्मानचिन्ह/सन्मानपत्र देऊन गौरव केलेला आहे. गुणवंत कामगार पुरस्कार -२००८ तसेच महाराष्ट्र शासन कडून गावंड यांना विशेष कार्यकारी अधिकारी पद देऊन सन्मान केलेला आहे.
प्रत्येक क्षेत्र असे असते तेथे निःस्वार्थी सेवा करणारी माणसे लागतात.जी आजच्याघडीला दुर्मिळ झालेली आहेत. आणि मग प्रदीप केशव गावंड यांच्यासारखी माणसे लाभली की त्यांच्या वेळेचा उपयोग सामाजिक संघटनेसाठी करुन घ्यावा व आपली संघटना सर्वांच्या सहकार्याने मजबूत उभी रहावी असे वाटते. अनेक मार्गदर्शन करणारी माणसं, माझे नातेवाईकांकडून मिळालेल्या भरभरुन प्रेम व मार्गदर्शन यामुळेच ही जनसेवा करण्याचा मार्ग सापडला असे गावंड आपल्या मित्रपरिवार यांना सांगतात.आम्ही सामाजिक भान असलेल्या या प्रदीप केशव गावंड यांचे कार्य पाहून इतकेच म्हणू इच्छितो की___
सूर्याचे तेज येऊ द्या, तुमच्या कर्तृत्वात
चंद्राची शितलता, बहरावी स्वभावात
कस्तुरीचा सुगंध, दरवळावा सहवासात
मकरंदाचे माधुर्य, असावे मुखात.
प्रदीप केशव गावंड या समाजकार्यकर्त्यास वाढदिवसाच्या आणि सेवानिवृतीसह पुढील वाटचालीत हार्दिक शुभेच्छा...!
शांताराम गुडेकर,
पार्क साईट, विक्रोळी (प.)
भ्रमणध्वनी-९८२०७९३७५९
