Saturday 30 April 2022

आरोग्यम् धनसंपदा फाउंडेशन माध्यमातून आर्मी सेवा निवृत्त महेश सावंत यांची मोफत शस्त्रक्रिया !!

आरोग्यम् धनसंपदा फाउंडेशन माध्यमातून आर्मी सेवा निवृत्त महेश सावंत यांची मोफत शस्त्रक्रिया  !!


ठाणे, बातमीदार : ठाणे येथील रहाणारे आर्मी सेवा निवृत्त महेश सावंत यांना पिशवी मध्ये गाठ झाली असता त्यांना तात्काळ उपचाराची गरज होती त्यांना आर्मी हॉस्पिटलमध्ये 3 महिने वेटिंग साठी ठेवले होते त्या वेळी त्यांनी आरोग्यम् धनसंपदा फौंडेशन चे अध्यक्ष जितेंद्र पाटील सरांना कॉल केला त्यांनी ताबडतोब त्यांना प्रायवेट हॉस्पिटल मध्ये ऍडमिट होण्यास सांगितले आणि या ऑपरेशन चा खर्च जवळ जवळ 1 लाख 40 हजार रुपये होता पण आरोग्यम् धनसंपदा फौंडेशन चे अध्यक्ष जितेंद्र पाटील सरांच्या मार्फत पूर्ण पणे मोफत करण्यात आले .. महेश सावंत आणि त्यांचा कुटुंबांनी जितेंद्र पाटील सर व आरोग्यम् धनसंपदा फौंडेशन चे आभार व्यक्त केले.

अध्यक्ष जितेंद्र पाटील : +91 99702 19877

आरक्षण काढण्याचा प्रयत्न करणाऱ्यांच्या विरोधात एक होऊन लढा !

आरक्षण काढण्याचा प्रयत्न करणाऱ्यांच्या विरोधात एक होऊन लढा !


मुंबई, गणेश नवगरे :- यशवंतराव चव्हाण सेंटर येथे देशातिल नाथपंथी गोसावी व डवरी गोसावी. विमुक्त जाती (VJ,NT) व भटक्या जमाती, ओबीसी (OBC) मधील उपेक्षित आणि वंचित जातीजमातींना मुख्य प्रवाहात आणण्याचे श्रेय शरद पवार यांनाच दिले जाते असे प्रतिपादन राज्याचे अन्न, नागरी पुरवठा मंत्री छगन भुजबळ यांनी केले. 

राष्ट्रवादी काँग्रेस पार्टी भटक्या जाती व विमुक्त जमाती सेलचा मेळावा ज्येष्ठ नेते शरद पवार यांच्या उपस्थितीत कृतज्ञता सोहळा आणि मार्गदर्शन शिबीरामध्ये ते बोलत होते. यावेळी राष्ट्रवादी काँग्रेस पार्टीचे राष्ट्रीय अध्यक्ष शरद पवार, प्रदेशाध्यक्ष तथा मंत्री जयंत पाटील, राष्ट्रवादी काँग्रेस पार्टीचे जेष्ठ नेते अरुणभाई गुजराथी, भटके विमुक्त आघाडीचे हिरालाल राठोड, शिवाजी ढेपले आदी उपस्थित होते. 

यावेळी ते म्हणाले की, वसंतराव नाईक मुख्यमंत्री असताना विमुक्त जाती- जमातींसाठी ४ टक्के आरक्षण दिले गेले. शरद पवार जेंव्हा मुख्यमंत्री झाले तेंव्हा मंडल आयोग लागू करुन या जाती-जमातींसाठी ११ टक्के आरक्षण लागू केले. एव्हढेच नाही तर महाराष्ट्रात मंडल आयोग हा शरद पवार यांनीच लागू केला. आम्ही जालन्याच्या समता परिषदेचे सभेत मागणी केली आणि काही महिन्यातच मंडल आयोगाच्या शिफारशी शरद पवार यांनी लागू केल्या. 

ते पुढे म्हणाले की, स्वातंत्र्योत्तर काळात दलित जातींना आणि आदिवासी जमातींना शैक्षणिक, राजकीय आणि शासकीय नोकऱ्यांमध्ये राखीव जागा देऊन समाजाच्या मुख्य प्रवाहात आणण्याचा प्रयत्न झाला. आणि तो केला शाहु महाराजांनी. या भारतात शाहु महाराजांनी पहिल्यांदा आरक्षण दिले. आता मात्र आरक्षणाचा प्रश्न गंभीर बनत चालला आहे. आपल्याला संविधानाने दिलेले आरक्षण काढण्याच्या विचारात काही मंडळी आहेत. आरक्षण काढण्याच्या विचारात असलेल्यांच्या विरोधात एक होऊन लढावे लागेल. 

महाविकास आघाडीचे सरकार हे तुमचे प्रश्न सोडवण्यासाठी कटिबद्ध आहे. हे सरकार फुले-शाहू- आंबेडकर विचारांचे आहे. भटक्या- विमुक्त जमाती, मागासवर्गीय यांचे प्रश्न सोडवण्यासाठी राज्य सरकारने एक समिती नेमली होती तीने अनेक शिफारशी मंत्रिमंडळाला केल्या आहेत.आणि या शिफारशी मंत्रिमंडळाने स्वीकारल्या असून लवकरच विषयनिहाय प्रस्ताव मंत्रिमंडळाच्या मान्यतेसाठी येणार आहे. राज्य शासनाचे वसंतराव नाईक विमुक्त जाती व भटक्या जमाती विकास महामंडळ कार्यरत आहे, असे त्यांनी सांगितले. 

श्री. भुजबळ म्हणाले, काही दिवसांपूर्वीच राज्य सरकारने या महामंडळाच्या माध्यमातून २५ हजार कर्ज मंजूर केले जात होते. आता ते वाढवून १ लाख रुपये करण्यात आले आहे. वसंतराव नाईक महामंडळाला देखील आता २०० कोटी उनिधी पलब्ध करून देण्यात येणार आहे. भटक्या जाती - विमुक्त जमातींसाठी राज्य सरकारने नविन ६४ व्यावसायिक, कृषी अभ्यासक्रमाच्या शिष्यवृत्तीना मान्यता दिली आहे. त्यामुळे विद्यार्थ्यांना आणखी ६४ व्यावसायिक अभ्यासक्रमाना शिष्यवृत्ती मिळणार आहे. इंग्रजी माध्यमांच्या शाळांमध्ये राखीव जागा ठेवून त्यात प्राधान्य भटक्या- विमुक्तांना दिले जाणार आहे. विजा अ आणि भज ब या मागास प्रवर्गासाठी क्रिमिलेयर ची अट रद्द करण्याबाबत सुद्धा लवकरच निर्णय घेतला जाईल अश्या अनेक योजनांच्या माध्यमातून आपले प्रश्न सोडविले जातील असे आश्वासनच मंत्री छगन भुजबळ यांनी उपस्थितांना दिले.

विकसनशील तंत्रज्ञान विकासकांच्या उत्पादनाची अधिक विक्री करण्याच्या क्षमतेमध्ये योगदान !!

विकसनशील तंत्रज्ञान विकासकांच्या उत्पादनाची अधिक विक्री करण्याच्या क्षमतेमध्ये योगदान !!


मुंबई, संदीप शेंडगे : गेल्या दोन वर्षात रिअल इस्टेट उद्योगाच्या कार्यपद्धतीत बदल झाला आहे, असा दावा करणे हे एक अधोरेखित वाक्य आहे. जग कोरोना महामारीच्या आजाराने ग्रासले असताना, रिअल इस्टेट क्षेत्रात नवीन तंत्रज्ञान आत्मसात करण्याची गरज महत्त्वपूर्ण वाटली.अलीकडील एका अहवालात ठळकपणे दिसून आले आहे की, रिअल इस्टेट क्षेत्रातील जवळजवळ ५६% व्यावसायिकांनी असे म्हटले आहे की कोरोना महामारीमुळे त्यांच्या तांत्रिक आणि डिजिटल क्षमतांमध्ये अस्तित्वात असलेल्या भेद्यता आणि कमतरता प्रकट केल्या आहेत. रिअल इस्टेट सारख्या उद्योगासाठी जो परंपरागतपणे तंत्रज्ञानाशी जुळवून घेण्यास कमी आहे, हा बदल कोरोना रोगाने प्रायोगिक केला आणि दोन्ही नवीन आणि प्रस्थापित रिअल इस्टेट विकासक गेम चेंजर्स म्हणून उदयास आले. कोरोना महामारीच्या अगोदर विक्री आणि व्यवसायाच्या सर्व पैलूंमध्ये नवीन तंत्रज्ञानाची अंमलबजावणी करण्याची इच्छा अधिक आहे. 

केवळ विकासकच नाही तर कंपन्यांनाही आता स्पर्धात्मक धार मिळवण्यासाठी आणि संबंधित राहण्यासाठी तंत्रज्ञान-सक्षम रिअल इस्टेट प्लॅटफॉर्मवर स्विच करण्याचे महत्त्व लक्षात येत आहे. खरं तर, अलीकडच्या काळात, प्रो-टेक पूर्वीपेक्षा जास्त मागणी आणि वाढ पाहत आहे. आर्टिफिशियल इंटेलिजन्स (AI), मशीन लर्निंग (ML), आणि रोबोटिक प्रोसेस ऑटोमेशन (RPA) चा वापर यांसारख्या नवीन-युगातील ट्रेंडमध्ये वाढ झाली आहे आणि त्यांनी लक्षणीय गती मिळाली आहे. परंतु केवळ निवडक प्रकल्पांवर. थ्री-डी मॅपिंग, व्हर्च्युअल वॉकथ्रू आणि ड्रोन सर्वेक्षण यासारखी तांत्रिक साधने काही वर्षांपासून वापरात आहेत, आता, ही विशेष साधने मानक पद्धती बनली आहेत.

शिवाय, रिअल इस्टेट व्यवहारांची वाढती संख्या प्रथमच घर खरेदी करणारे हजारो वर्षांचे आभार मानतात. तंत्रज्ञानामध्ये आणि आजूबाजूला वाढलेली पिढी म्हणून, सध्याचे ग्राहक वैयक्तिक भेटींच्या तुलनेत दूरस्थ आणि डिजिटल व्यस्ततेला प्राधान्य देतात. हा दृष्टिकोन लॉकडाउननंतर आणखी तीव्र झाला आहे. पण चांगली बातमी असून घर खरेदीदारांची ही सर्वात नवीन गृहनिर्माण पद्धती सादर होत आहे, ज्याचा परिणाम विकसकांच्या विक्री आणि विपणन क्षमतेवर होत आहे. कारण ते ग्राहकांना आकर्षित करण्यासाठी, विपणन खर्च नियंत्रित करण्यासाठी आणि चांगली स्पर्धा करण्यासाठी प्रयत्नशील आहेत. 

कार्यरूपी परिणामकारकता वाढवण्यासाठी आणि उत्कृष्ट ग्राहक सेवा सुनिश्चित करण्यासाठी विकासक ज्या तंत्रज्ञानावर अधिकाधिक अवलंबून आहेत, अशा काही तंत्रज्ञानावर एक नजर टाकूया :

व्हर्च्युअल वॉकथ्रू : एखाद्या मालमत्तेची झलक फक्त बोटाच्या स्पर्शानेच सहज उपलब्ध झाली आहे. आभासी वास्तव (VR) आणि ३D मॉडेलिंगमुळे ग्राहक आणि संभाव्य गुंतवणूकदार मालमत्तांना ऑनलाइन भेट देऊ शकतात. विकासक आणि मालमत्ता व्यवस्थापकांसाठी, हा तंत्रज्ञानाचा कल एक आशीर्वाद आहे, कारण ते खरेदीदारांना रिकाम्या जागा दाखवू शकतात ज्यांना जागा पूर्ण होण्यापूर्वी ती कशी दिसेल याची जाणीव करून देऊ शकतात. खरेतर, नॅशनल असोसिएशन ऑफ रियल्टर्सच्या मते, सुमारे ८७ टक्के लोकांना मालमत्तेचे फोटो संदर्भ अतिशय उपयुक्त वाटले, तर ४६ टक्के लोकांना व्हर्च्युअल टूर फायदेशीर वाटले. व्हर्च्युअल वॉकथ्रूद्वारे, विकासक बांधकामाधीन प्रकल्पांची विक्री क्षमता वाढवू शकतात आणि बांधकाम पूर्ण होण्यापूर्वीच सुरक्षित बुकिंग करू शकतात.

आर्टिफिशियल इंटेलिजन्स (AI): आर्टिफिशियल इंटेलिजन्स (AI), विकासक, तसेच मालमत्ता खरेदीदार दोघांसाठी फायदेशीर ठरले आहे. घर खरेदी करू इच्छिणाऱ्यांना, काढलेल्या डेटाच्या मदतीने, घरामागून घराची शिकार करण्याऐवजी तुम्ही जे शोधत आहात ते शोधू शकतात. आर्टिफिशियल इंटेलिजन्स (AI), वापरून, घर खरेदीदार बाजारातील इतरांच्या तुलनेत विशिष्ट मालमत्तेच्या दराचे विश्लेषण करू शकतात, लक्ष्यित ठिकाणी विशिष्ट प्रकारची घरे शोधू शकतात, इच्छित जागेच्या आकारात बसवू करू शकतात आणि नंतर बाजारात उपलब्ध आणि आगामी मालमत्तेबद्दल त्वरित सूचना मिळवू शकतात. मूलत: आर्टिफिशियल इंटेलिजन्स (AI), असे काही करत नाही,जे पारंपारिक संशोधन साध्य करू शकले नाही, परंतु ते तीव्रतेने प्रक्रियेचा वेगवान मागोवा घेते, जी अत्यंत स्पर्धात्मक बाजारपेठेत, रिअल इस्टेट व्यवसायासाठी आवश्यक आहे.

डिजिटल कम्युनिकेशन : प्रो -टेकने खरेदीदार आणि विक्रेते दोघांनाही माहिती मिळवण्यास आणि ऑनलाइन सल्लामसलत करण्यास सक्षम केले आहे. व्हर्च्युअल टूरपासून ते ऑनलाइन कॅटलॉग आणि ऑनलाइन व्यवहारांपर्यंत, अशा अनेक प्रगती आहेत ज्या रिअल इस्टेट क्षेत्राने प्रक्रिया सुलभ, वापरकर्ता-अनुकूल आणि कार्यक्षम बनवण्यासाठी स्वीकारण्यास सुरुवात केली आहे. उद्योगाने नाविन्यपूर्ण प्रक्रिया देखील स्वीकारल्या आहेत ज्या पारंपारिक प्रक्रियांचे डिजिटायझेशन करतात, ज्यामुळे विकसकांना अधिक डेटाचे मूल्यमापन करणे आणि अक्षरशः रीअल-टाइममध्ये प्रवेश करणे सुलभ होते. सर्वात महत्त्वाचे म्हणजे, काही टेक-सक्षम प्लॅटफॉर्मने घर खरेदीदारांना त्यांच्या घराच्या आरामात अनेक गुणधर्मांची तपासणी करण्यास मदत केली आहे.

चॅटबॉट्स -
अनेक भारतीय रिॲल्टी कंपन्यांनी त्यांच्या ब्रँड वेबसाइटवर चॅटबॉट्स एकत्रित करण्यास सुरुवात केली आहे. चॅटबॉट्सचे फायदे रिअल इस्टेटसह सर्व उद्योगांमध्ये समजले आहेत. चॅटबॉट्स रिअल इस्टेट कंपन्यांना ग्राहक सेवांशी संबंधित खर्चात बचत करू देतात आणि संभाव्य ग्राहकाच्या प्रश्नाला प्रतिसाद देण्यासाठी घालवलेला वेळ कमी करतात. हे संगणकाद्वारे व्युत्पन्न केलेल्या सहाय्यकाद्वारे केले जाते जे सामान्य प्रश्नांना संबोधित करते,ज्यांना जास्त बदलांची आवश्यकता नसते. 

परंपरेने, भारतीय रिअल इस्टेट विभाग नेहमीच असंघटित होता. तथापि, या जागेतील नवीन तांत्रिक विकासामुळे उद्योगाचा चेहरामोहरा बदलला आहे; गुंतवणूकदारांसाठी अधिक मैत्रीपूर्ण, पारदर्शक आणि विश्वासार्ह बनवणे. हे नवकल्पना उदयोन्मुख विकासकांना या स्पर्धात्मक क्षेत्रात टिकून राहण्यास आणि यशस्वी होण्यास आणि बाजारपेठेत मजबूत पाऊल ठेवण्यास मदत करतील हे निश्चित आहे.

लेखकाबद्दल :
हरीश शर्मा, संस्थापक आणि मुख्य कार्यकारी अधिकारी, प्लिंथस्टोन रेमा, एक मल्टी-स्पेशालिटी रिअल इस्टेट सल्लागार फर्म : हरीश हे रिअल इस्टेट एडव्हायझरीमध्ये जबरदस्त अनुभव असलेले एक कुशल व्यवसाय परिवर्तन तज्ञ आहेत. यांसारख्या क्षेत्रातसुद्धा त्यांना उत्तम अनुभव आहे. स्टॉक ब्रोकिंग आणि संपत्ती व्यवस्थापन, संस्थात्मक इक्विटी, ज्यामध्ये स्टार्ट-अप आणि वाढ दोन्ही संस्थांचा समावेश आहे. हरीशचा २० वर्षांहून अधिक कालावधीचा यशस्वी करियर आहे, ज्यामध्ये नवीन बाजारपेठांच्या ओळखीसह विविध विभागांमध्ये फायदेशीर व्यवसाय उभारले आहेत. ते संपूर्ण व्यवसाय चक्रात स्थिरता आणि टिकाव प्रदान करण्यासाठी ओळखले जातात. हरीशने गेल्या काही वर्षांत उच्च-कार्यक्षमता संघ, जोखीम व्यवस्थापन आणि ग्राहक केंद्रित प्रक्रियांच्या स्थापनेसाठी संतुलित दृष्टिकोन दाखवला आहे. 

मोठ्या प्रमाणात उद्योगधंदे आणि अत्यंत परिपूर्णतेने आणि मोठ्या प्रमाणावर संस्थांचे संगोपन करण्याच्या कलेसह, हरीशने २०२१ मध्ये प्लिंथस्टोन रेमा ची स्थापना केली. यात लहान आणि मध्यम रिअल इस्टेट डेव्हलपर्सला सक्षम करणे आणि प्रकल्पांना अपेक्षित यश मिळविण्यात मदत करण्यासाठी एकात्मिक विपणन उपाय प्रदान करणे यासारखे अनेक प्रयॊग यशस्वी केले आहेत.

ग्लोबल खान्देश महोत्सवास नागरीकांचा उत्स्फुर्त प्रतिसाद...! *शाहिर शिवाजीराव पाटील यांना मानाचा खान्देश भूषण पुरस्कार प्रदान*

ग्लोबल खान्देश महोत्सवास नागरीकांचा उत्स्फुर्त प्रतिसाद...!

*शाहिर शिवाजीराव पाटील यांना मानाचा खान्देश भूषण पुरस्कार प्रदान*


कल्याण, ( मनिलाल शिंपी ) : ग्लोबल खान्देश  महोत्सवास नागरिकांनी उत्स्फूर्त प्रतिसाद दिला आहे. मुंबई विद्यापीठ उपकेंद्र वसंत व्हॅली समोर खडक पाडा येथे ग्लोबल खानदेश महोत्सवाच्या दुसऱ्या दिवसाची सुरुवात सुमधुर सूरेल संगीत कार्यक्रमाने झाली. स्थानिक माजी आमदार नरेंद्र पवार यांच्या हस्ते छत्रपती महाराजांच्या प्रतिमांचे पूजन झाले. 


खान्देशी माणूस प्रचंड मेहनती आहे, जिद्दी आहे, महत्वाकांक्षी आहे. कल्याणच्या चौफेर आणि चतुरस्त्र विकासात खान्देशी माणसांचे मोठे योगदान आहे असे प्रतिपादन त्यांनी याप्रसंगी केले. खान्देश ग्लोबल महोत्सव हा माझ्यावर निस्वार्थ व निरपेक्ष पणे प्रेम करणा-या  खान्देशी परीवाराचा कार्यक्रम आहे. त्यामुळे मी शुभचिंतक म्हणून सर्वातोपरी सहकार्य करण्याचे, त्यांच्या पाठीमागे खंबीरपणे उभं राहीन असंमाजी आमदार  नरेंद्र पवार यांनी दिले. उत्तरोत्तर खान्देश महोत्सव उंचीची नवनवीन क्षितीजे गाठीत आहे. मनोरंजन असो की करमणूक, खरेदी असो की विक्री, खवैय्यांची गर्दी असो की दर्दी रसिक प्रेक्षकांची गर्दी असो. पण आनंद आणि उत्साहाचं एक केंद्र बनलं आहे. 


महोत्सवाचे स्वागताध्यक्ष सुनील भाऊ चौधरी, अशोक गुंजाळ (माजी नगरसेवक अंबरनाथ), कल्पना महिला बालकल्याण समिती अंबरनाथचे कल्पना गुंजाळ, रोहिदासजी पाटील, बापूसाहेब हटकर, एल आर पाटील, ए.जी.पाटील, प्रदिप अहिरे, नगरदेवळा येथील समाजभूषण शिवशाहीर शिवाजीराव पाटील यांना अत्यंत प्रतिष्ठेचे मानला जाणारा ‘खान्देश भूषण’  पुरस्काराने सन्मानित करण्यात आला त्यांनी त्यांच्या दमदार खणखणीत आवाजात सुंदर पोवाडे, दर्जेदार अहिराणी गीते सादर करुन रसिक प्रेक्षकांना मंत्रमुग्ध केलं आणि तालावर थिरकायलाही लावलं. बांधकाम व्यवसायिक उद्दोजक निखिल चौधरी, सिनेफिल्म सृष्टीतील कलाकार यांनाही सन्मानित करण्यात आले.


याप्रसंगी किशोर पाटील, तुरुकमाने, विश्वनाथ पाटील, यांचाही यथोचित सन्मान करण्यात आला.

कार्यक्रमाचं बहारदार सूत्रसंचालनाची जबाबदारी कु. वैदेही पाटील, वर्षा पाटील, विनोद शेलकर यानी समर्थपणे सांभाळली. उपस्थितांचे आभार दिपक पाटील यांनी मानले.

औरंगाबादमधील मनोज आव्हाडच्या मारेकऱ्यांना कठोर शिक्षा करा : सुरेशचंद्र राजहंस "राष्ट्रीय मातंग महासंघाच्या शिष्टमंडळाने सुरेशचंद्र राजहंस यांच्या नेतृत्वाखाली काँग्रेस प्रदेशाध्यक्ष नाना पटोले यांची घेतली भेट"

औरंगाबादमधील मनोज आव्हाडच्या मारेकऱ्यांना कठोर शिक्षा करा : सुरेशचंद्र राजहंस

"राष्ट्रीय मातंग महासंघाच्या शिष्टमंडळाने सुरेशचंद्र राजहंस यांच्या नेतृत्वाखाली काँग्रेस प्रदेशाध्यक्ष नाना पटोले यांची घेतली भेट" 


मुंबई, (शांताराम गुडेकर) :

            औरंगाबाद येथील मातंग समाजातील निरपराध तरुण मनोज शेषराव आव्हाड याची हत्या करणाऱ्यांना राज्य सरकारने अटक करून कठोरात कठोर शिक्षा करावी. या प्रकरणात मयताच्या कुटूंबाला जलदगतीने न्याय मिळावा यासाठी विशेष सरकारी वकिलाची नेमणूक करून हा खटला जलदगती कोर्टात चालवावा. तसेच मयत मनोज आव्हाडच्या कुटूंबाला राज्य सरकारने वीस लाख रुपयांची मदत करावी अशी मागणी राष्ट्रीय मातंग महासंघाचे महाराष्ट्र अध्यक्ष व काँग्रेस प्रवक्ते सुरेशचंद्र राजहंस यांनी केली आहे. 
              मनोज आव्हाड प्रकरणी राष्ट्रीय मातंग महासंघाच्या शिष्टमंडळाने सुरेशचंद्र राजहंस यांच्या नेतृत्वाखाली काँग्रेस प्रदेशाध्यक्ष नाना पटोले यांची भेट घेतली. या शिष्टमंडळात सुरेश सूर्यवंशी, भगवान कुमठेकर, तानाजी सूर्यवंशी, अनिल कांबळे, व्यंकट कुमठेकर, न्यानोबा कावडे, अनिल माने, संतोष कलकत्ते, मोहन रणदिवे, उत्तम शिंदे, व्यंकट सूर्यवंशी आदी उपस्थित होते. यावेळी मनोज आव्हाडवर झालेल्या अत्याचाराची माहिती नाना पटोले यांनी दिली. नाना पटोले यांनी या प्रकरणी चिंता व्यक्त करून तात्काळ मुख्यमंत्री उद्धव ठाकरे यांच्याशी बोलून मनोज आव्हाडला न्याय देण्यासाठी पाठपुरावा करण्याचे आश्वासन दिले. मनोज आव्हाडच्या मारेकऱ्यांना कठोर शिक्षा होत नाही व त्याच्या कुटूंबाला न्याय मिळत नाही तोपर्यंत राष्ट्रीय मातंग महासंघ व मातंग समाजासाठी लढणाऱ्या संघटनाच्या वतीने राज्यभर सुरू असलेले आंदोलन चालूच ठेवणार असल्याचे राजहंस यांनी सांगितले.. या शिष्टमंडळात सुरेश सूर्यवंशी, भगवान कुमठेकर, तानाजी सूर्यवंशी, अनिल कांबळे, व्यंकट कुमठेकर, न्यानोबा कावडे, अनिल माने, संतोष कलकत्ते, मोहन रणदिवे, उत्तम शिंदे, व्यंकट सूर्यवंशी आदी उपस्थित होते. यावेळी मनोज आव्हाडवर झालेल्या अत्याचाराची माहिती नाना पटोले यांनी दिली. नाना पटोले यांनी या प्रकरणी चिंता व्यक्त करून तात्काळ मुख्यमंत्री उद्धव ठाकरे यांच्याशी बोलून मनोज आव्हाडला न्याय देण्यासाठी पाठपुरावा करण्याचे आश्वासन दिले. मनोज आव्हाडच्या मारेकऱ्यांना कठोर शिक्षा होत नाही व त्याच्या कुटूंबाला न्याय मिळत नाही तोपर्यंत राष्ट्रीय मातंग महासंघ व मातंग समाजासाठी लढणाऱ्या संघटनाच्या वतीने राज्यभर सुरू असलेले आंदोलन चालूच ठेवणार असल्याचे राजहंस यांनी सांगितले.

डॉ.वैभव देवगिरकर मुंबई यांची ज्ञानदा वसतिगृह सातेफळला दोन एसी कूलर सस्नेह भेट !

डॉ.वैभव देवगिरकर मुंबई यांची ज्ञानदा वसतिगृह सातेफळला दोन एसी कूलर सस्नेह भेट !


 मुंबई (शांताराम गुडेकर) :

              देव - देश प्रतिष्ठानचे प्रमुख व हिंगणघाट येथील मूळ रहिवासी डॉ.वैभव देवगिरकर यांच्या सौजन्याने सातेफळ येथील शेतकरी - शेतमजुरांच्या मुलांना गुणवत्ता पूर्ण शिक्षण देणारी रहिवाशी ज्ञानदा विद्यालय, वसतिगृहातील मुला - मुलीसाठी सामाजिक दायित्व म्हणून दोन एसी कूलर सस्नेह भेट दिले. तसेच हिंगनघाट शहर मधील शहरी आश्रय बेघर निवारा येथील वृद्ध सदस्य करिता देखील एक एसी कूलर सस्नेह भेट दिले. याप्रसंगी ज्ञानदा विद्यालयाचे प्राचार्य लकी खीलोसिया हिंगणघाट येथील सामाजिक कार्यकर्ते राजु रुपारेल, नितीन क्षीरसागर, दिनेश वर्मा, गोपाल मांडवकर, दर्शन बाळापुरे, दीपक जोशी, महेश तड़स उपस्थित होते.

Friday 29 April 2022

सिंदखेडराजा येथील ऐतिहासिक वारशाचे संवर्धन करावे - पालकमंत्री डॉ. राजेंद्र शिंगणे सिंदखेडराजा विकास आराखडा बैठक

सिंदखेडराजा येथील ऐतिहासिक वारशाचे संवर्धन करावे - पालकमंत्री डॉ. राजेंद्र शिंगणे

सिंदखेडराजा विकास आराखडा बैठक


बुलडाणा, बातमीदार, दि. २९ : सिंदखेडराजाचे ऐतिहासिक महत्व लक्षात घेता सर्वंकष विकास आराखड्याची अंमलबजावणी करणे गरजेचे आहे. याठिकाणी विविध ऐतिहासिक वास्तू आहेत. या वास्तूंचे संवर्धन करावे लागणार आहे. तसेच पर्यटनाच्या दृष्टीने सोयी – सुविधांची निर्मिती करावी लागणार आहे. तरी सिंदखेड राजा विकास आराखडा बनविताना येथील सर्व ऐतिहासिक वारशाचे संवर्धनाच्यादृष्टीने कामांचा समावेश करावा, अशा सूचना पालकमंत्री डॉ. राजेंद्र शिंगणे यांनी आज दिल्या.

  जिल्हाधिकारी कार्यालयाच्या सभगृहात सिंदखेडराजा विकास आराखडा बैठकीचे आयोजन करण्यात आले. त्यावेळी आढावा घेताना पालकमंत्री डॉ. शिंगणे बोलत होते. यावेळी सिं.राजा नगराध्यक्ष सतिष तायडे, जिल्हा पोलीस अधिक्षक अरविंद चावरीया, निवासी उपजिल्हाधिकारी अनिल माचेवाड, जिल्हा नियोजन अधिकारी सुनय लाड, पुरातत्व विभागाच्या सहायक संचालक श्रीमती वहाने आदींसह केंद्रीय पुरातत्व विभाग, तसेच संबंधित विभागांचे अधिकारी उपस्थित होते.

    पुतळा बारव पर्यंत रस्ता बनिवण्याच्या सूचना देत पालकमंत्री म्हणाले,  रस्ता बनविण्यासाठी भूसंपादन करावे लागणार आहे. तसेच सिंदखेडराजा येथे 100 बेडचे रूग्णालय करण्यासाठी जागा शोधावी. जागा मिळाल्यास तातडीने प्रस्ताव सादर करावा. केंद्रीय व राज्य पुरातत्व विभागाच्या वास्तूंची कामे करण्यासाठी एकच आर्कीटेक्ट असावा. पुरातत्व विभागाचा प्रस्ताव व यंत्रणांच्या कामांचा प्रस्ताव स्वतंत्र तयार करण्यात यावा. तसेच संग्रहालयामध्ये त्याकाळातील पोषाख, शस्त्रास्त्र यांच्यासाठी दालन करावे. माहितीच्या दालनात परिसरातील ऐतिहासिक स्थळांची माहिती असावी. संग्रहालये आंतरराष्ट्रीय स्तरावरचे असावे. कामाच्या दर्जाबाबत कुठलीही तडजोड नसावी. याप्रसंगी राज्य पुरातत्व विभाग, केंद्रीय पुरातत्व विभाग, क्रीडा विभाग, एमटीडीसी, नगरपालिका यांचे सादरीकरण करण्यात आले.

10/ई प्रभागातील तळ +7 मजल्याच्या अनधिकृत इमारतीच्या बांधकामावर निष्कासनाची धडक कारवाई !

10/ई प्रभागातील तळ +7 मजल्याच्या अनधिकृत इमारतीच्या बांधकामावर निष्कासनाची धडक कारवाई !  


कल्याण, नारायण सुरोशी : मौजे नांदिवली पंचानंद येथील युनियन बॅंक ( मानपाडा रोड ) ते रवि किरण सोसायटी पर्यंत ३०.०० मी डी.पी. रस्त्यामध्ये बाधीत होणा-या,जागामालक सचिन बाबुराव साबळे, बांधकामधारक अविनाश जागुष्टे यांच्या तळ + ७ मजली   आर.सी.सी. इमारतीचे बांधकाम महाराष्ट्र महानगरपालिका अधिनियमातील कलमानुसार "अनधिकृत घोषित" करण्यांत आले होते. त्यामुळे संबंधितांस इमारतीचे अनधिकृत बांधकाम १५ दिवसांत पाडून टाकण्यांस फर्माविण्यांत आले होते. तथापी बांधकामधारक अविनाश जागुष्टे यांनी इमारत बांधुन पुर्ण केली होती. हे निदर्शनास आल्यावरून महापालिका आयुक्त डॉ. विजय सूर्यवंशी यांनी दिलेल्या निर्देशानुसार अधिनियमातील कलम ३९७ (क) नुसार मानपाडा पोलीस स्टेशनमध्ये एफआयआर दाखल करण्यांत आला होता.


तद्नंतर इमारतीच्या अनधिकृत बांधकामावर दि. २१, २२ व २३ मार्च,२०२२ रोजी स्थानिक पोलीस व मनपा पोलीस बंदोबस्तात प्रती दिन ७ ब्रेकर / कॉम्प्रेसरचा वापर करून निष्कासनाची कारवाई करण्यात आली. तथापी इमारत पूर्णपणे जमिनदोस्त करणे आवश्यक असल्याकारणाने दि. ३१.०३.२०२२ पासुन हायजो क्रशरचा वापर करून इमारत जमिनदोस्त करणेची कारवाई सुरू करण्यात आली. सदर इमारतीच्या तळ + ७ मजली दोन विंगमधील एकुण ८४ सदनिका व १० दुकान गाळयांचे बांधुन पूर्ण झालेले अनधिकृत बांधकाम  भुईसपाट करण्याची कारवाई पुर्ण करण्यात आली आहे. सदर निष्कासन कारवाई दि. ३१.०३.२०२२ ते २८.०४.२०२२ या कालावधीत सार्वजनिक सुटयांचे दिवस वगळता २२ दिवसांत पुर्ण करण्यात आली आहे. इमारतीचा शेवटचा भाग तोडत असतांना बाजुच्या इमारतीमधील रहिवाशांना  आर्थिक/जिवीत हानी होऊ नये याची खबरदारी म्हणुन काही कुटूंबांचा रहिवास खाली करून घेण्यात आला होता.  

सदर इमारत निष्कासनाची कारवाई 10/ई प्रभागाचे सहा. आयुक्त  भारत पवार, उप अभियंता भगतसिंग राजपूत आणि अन्य अधिकारी व कर्मचारी तसेच महापालिकेचे फेरीवाला पथक कर्मचारी यांच्या मदतीने करण्यात आली.


महाराष्ट्र दिन व कामगार दिनानिमित्त ओवीयन प्रॉडक्शन, अंबरनाथ यांचे मोफत आरोग्य शिबिर !

महाराष्ट्र दिन व कामगार दिनानिमित्त ओवीयन प्रॉडक्शन, अंबरनाथ यांचे मोफत आरोग्य शिबिर !


अंबरनाथ, बातमीदार : १ मे महाराष्ट्र दिन व कामगार दिनानिमित्त ओवीयन प्रोडक्शन अंबरनाथ या नाट्यसंस्थेतर्फे ठाणे जिल्ह्यातील अंबरनाथ शहरवासीयांसाठी एक दिवसीय मोफत आरोग्य तपासणी शिबीर आणि रक्तदान शिबीर दिनांक १ मे २०२२ रोजी सकाळी १० ते दुपारी ३ या वेळेत शिवाजी आबाजी कोळकर विद्यालय शिवसेना शाखा अंबरनाथ पूर्व इथे आयोजित केला जाणार आहे. या हेल्थ कॅम्पचे उद्घाटन लेखक, वृत्तनिवेदक श्री आनंद लेले तसेच इतर काही मान्यवर मंडळी यांच्या हस्ते होणार आहे तसेच प्लास्मा ब्लड बँक, डोंबिवली तर्फे डॉ. स्वप्नाली गायकर आणि डॉ. स्वप्नील अत्तरदे उपस्थित राहणार आहेत. तरी जास्तीत जास्त लोकांनी उपस्थित राहून रक्तदान शिबिरात सहभागी व्हावे आणि सर्व रुटीन चेकअप करून घ्यावीत. जेणेकरून त्यांना आपले प्रकृती स्वास्थ्य जाणून घेण्यास मदत होईल. असे आवाहन अमोघ पिसाळ यांनी केले आहे.

संपर्क - +91 91679 84220

अंगणवाडी कर्मचारी यांच्या उन्हाळी सुट्टीमध्ये कपात !! "महिला बालकल्याण खात्याचा आयुक्त रुबल अग्रवाल यांचा जाहीर निषेध"

अंगणवाडी कर्मचारी यांच्या उन्हाळी सुट्टीमध्ये कपात !! 

"महिला बालकल्याण खात्याचा आयुक्त रुबल अग्रवाल यांचा जाहीर निषेध"


चोपडा, बातमीदार.. कोरोना काळापूर्वी दरवर्षी अंगणवाडी सेविकांना मे महिन्यात पंधरा दिवस सुट्ट्या देण्याच्या प्रघात होता. तो मोडीत काढण्याचा पराक्रम एकात्मिक बाल विकास प्रकल्प श्रीमती रुबल अग्रवाल यांनी केला याबद्दल निषेध करणारे पत्रक महाराष्ट्र राज्य अंगणवाडी बालवाडी कर्मचारी युनियन आयटक जळगाव जिल्हा शाखेने काढले आहे. 


याबाबत सविस्तर असे की, गेली पंचवीस वर्षे अंगणवाडी कर्मचाऱ्यांना उन्हाळी सुट्टी १५ दिवसाची देण्यात येत होती, ती गेले दोन वर्ष कोरोना वर्षात अंगणवाडी कर्मचाऱ्यांना सुट्ट्या देण्यात आल्या नाहीत. 

त्यातच कोरोणा काळात जीव धोक्यात घालून अंगणवाडी सेविका मदतनीस यांनी एकात्मिक बाल विकास प्रकल्प अंतर्गत सर्व कामावर सांभाळून कोरोना काम देखील केले. 

यावर्षी कुठे त्यापासून मुक्ती मिळत आहे आणि अशावेळी एकात्मिक बालविकास प्रकल्प खात्याच्या आयुक्त श्रीमती रुबल अग्रवाल यांनी पंचवीस वर्षाची पंधरा दिवस उन्हाळी सुट्टी देण्याची परंपरा मोडून काढली जणू काही *गर्मी मे भी लगे थंडी का एहसास* व फक्त सात दिवस सुट्ट्या जाहीर केले आहेत यावर्षी विदर्भात, खानदेशात ४६ डिग्री तापमान आहे पण त्यात मुलांना बोलवा असे सांगणे संयुक्तिक वाटत नाही. एअर कंडीशन खाली उन्हाळा घळवनाऱ्या आयुक्तांना है काय समजणार? ९५ टक्के अंगणवाडी केंद्रात पंखेची सोय नाही. उन्हाळ्यात वर्ग चालवणे म्हणजे बालकांना  उन्हाळातील आजार देण्याचे निमंत्रणच होय असे सांगून अंगणवाडी बालवाडी कर्मचारी युनियनच्या पत्रकात म्हटले आहे की आम्ही, त्यांना जानेवारीपासून केंद्र सुरू करण्याची मागणी केली होती परंतु कागदोपत्री घोडे नाचणाऱ्या आयुक्त यांनी आमच्या मागणी लक्षच दिले नाही.. 

तरी अंगणवाडी कर्मचाऱ्यांना कर्मचाऱ्यांचे सुट्टीत आठ दिवसाची कपात करणाऱ्या महिला बाल विकास आयुक्त रुबल अग्रवाल यांच्या जाहीर निषेध करणारे पत्रक जळगाव जिल्हा अंगणवाडी बालवाडी कर्मचारी युनियन तर्फे कॉम्रेड अमृत महाजन,  प्रेम लता पाटील, सुमित्रा बोरसे, मीनाक्षी काटोले, अनिता बोरसे, वत्सला पाटील, चित्रा वारे, सुनंदा पाटील, सुलक्षणा पाटील, सुलेखा पाटील, सुरेखा पाटील, अश्विनी देशमुख, लक्ष्मी तायडे,  नूरणीसा फरिन, उषा पाटील आदींनी काढले आहे

म्हारळ ग्रामपंचायतीचे ग्रामविकास अधिकारी गेल्या अनेक दिवसांपासून हरविल्याची तक्रार, कामाची बोंबाबोंब ?

म्हारळ ग्रामपंचायतीचे ग्रामविकास अधिकारी गेल्या अनेक दिवसांपासून हरविल्याची तक्रार, कामाची बोंबाबोंब ?


कल्याण, (संजय कांबळे) : कल्याण तालुक्यातील सर्वात मोठ्या आणि श्रीमंत असलेल्या म्हारळ ग्रामपंचायत चे ग्रामविकास अधिकारी बाळकृष्ण वाघचोडे हे या ना त्या कारणांमुळे ग्रामपंचायतीला गैरहजर राहतात, त्यामुळे नागरिकांची मोठ्या प्रमाणात गैरसोय होत आहे. हे लक्षात घेऊन गावातील भाजपाचे ओबीसी चे अध्यक्ष मंगेश केणे यांनी ग्रामविकास अधिकारी हरविल्याची तक्रार कल्याण पंचायत समितीच्या गटविकास अधिका-याकडे केली आहे. यामुळे परिसरात खळबळ उडाली आहे.


उल्हासनगर शहाराला लागून आणि कल्याण नगर महामार्गावर तालुक्यातील सर्वात मोठे म्हारळगाव वसले आहे, झपाट्याने झालेल्या शहरीकरणामुळे आज या गावाची लोकसंख्या लाखाच्या घरात पोहचली आहे. त्यामुळे येथील समस्या देखील तशाच वाढलेल्या आहेत, पाणी, कचरा, सांडपाणी, रस्ते, अनाधिकृत बांधकामे असे प्रश्न दिवसेंदिवस वाढत आहे. याशिवाय घरपट्टी लावणे, बदलणे,टँक्स भरणे,काही परवानगी  मिळविणे, बचतगटाच्या अडचणी अशा विविध कामासाठी दररोज हजारो ग्रामस्थ कार्यालयात ये जा करतात, अशा वेळी ग्रामपंचायत कार्यालयात लोकप्रतिनिधी व ग्रामविकास अधिकारी उपस्थित असणे आवश्यक असते, पण म्हारळगाव याला अपवाद ठरत आहे.

म्हारळग्रामपंचायतीवर महाविकास आघाडी ची सत्ता आहे, तर भाजप विरोधकांच्या भूमिकेत आहेत, एकूण १७ सदस्य असलेल्या या ग्रामपंचायती मध्ये फारच विचित्र स्थिती निर्माण झाली आहे, १२ विरुद्ध ५ यामध्ये भाजपाकडे १२ तर शिवसेना, राष्ट्रवादी, मनसे यांच्या कडे ५ त्यामुळे कोणताही निर्णय घेताना बोंबाबोंब झाली म्हणून समजा!

याचाच फायदा ग्रामविकास अधिकारी बाळकृष्ण वाघचोडे यांनी घेतला, असा आरोप सरपंचांनी करून बहुसंख्य सदस्यांचा विरोध हे कारण पुढे करत अनेक विकास कामांना तिलांजली दिली, बिले काढण्यास असमर्थता दर्शविली,यातून सरपंच ,उपसरपंच यांचे व ग्रामविकास अधिकारी यांच्यात खटके उडले, अनेक सभाना गैरहजर राहिल्याने सरपंच श्रीमती प्रगती प्रकाश कोंगिरे यांनी डझनभर तक्रारी जिल्हा परिषदेच्या मुख्य कार्यकारी अधिकारी डॉ भाऊसाहेब दांडगे यांच्या कडे केल्या आहेत. इतकेच नव्हे तर म्हारळ ग्रामपंचायतीने खर्च करून उभारण्यात आलेल्या भारतरत्न डॉ बाबासाहेब आंबेडकर प्रवेशद्वार, उद्घाटन प्रंसगी  १४ एप्रिल दिवशी देखील हे महाशय गैरहजर राहिले होते. याविषयी म्हारळ शहर शिवसेना प्रमुख डॉ सोमनाथ पाटील यांनी नाराजी देखील व्यक्त केली होती.

त्यामुळे यांच्या राजकारणाचा फटका सर्व समान्य नागरीकांनसह ग्रामपंचायत मधील कामगार व कर्मचारी यांना देखील बसत आहे, कर्मचाऱ्यांचा पगार,घरपट्टी, पाणी पट्टी, वसूली, ही थांबली आहे, त्यांनी देखील गटविकास अधिकारी अशोक भवारी यांच्या कडे केली आहे.त्यामुळे लोकप्रतिनिधी व आधिकारी सक्षम नसेल तर काय होते, याचे ताजे व जिंवत उदाहरण म्हणजे "म्हारळ ग्रामपंचायत"होय!

पावसाळा तोंडावर आला आहे, पावसाळ्यापुर्वीची कामे अद्याप झालेली नाही, पावसाळ्यात सर्वाधिक पाणी म्हारळगावात भरत आहे, अशा वेळी प्रशासकीय अधिकारी वारवांर' दाडी'मारत असेल तर लोकांच्या  संभाव्य नुकसानीची जबाबदारी कोणाची?  या सर्व गोष्टींचा विचार करून आपण गटविकास अधिकारी अशोक भवारी यांच्या कडे म्हारळ ग्रामपंचायतीचे ग्रामविकास अधिकारी बाळकृष्ण वाघचोडे हे हरविल्याची तक्रार केली आहे. असे गावातील भाजपाचे ओबीसी मोर्चा अध्यक्ष मंगेश केणे यांनी केली आहे. तर ग्रामविकास अधिकारी वाघचोडे यांच्या विरोधातील  तक्रारी इतक्या वाढल्या आहेत की, जिल्हा परिषदेच्या बैठकीत गटविकास अधिकारी अशोक भवारी यांनी एक तर माझी बदली करा, अन्यथा बाळकृष्ण वाघचोडे यांची तरी करा, अशी उद्विग्नता मुख्य कार्यकारी अधिकारी डॉ भाऊसाहेब दांडगे यांच्या कडे व्यक्त केली असल्याचे खात्री लायक वृत्त आहे. याबाबत कल्याण पंचायत समितीचे गटविकास अधिकारी अशोक भवारी तसेच म्हारळ ग्रामपंचायतीचे ग्रामविकास अधिकारी बाळकृष्ण वाघचोडे यांच्याशी संपर्क साधला असता तो होऊ शकला नाही.

प्रतिक्रिया :

गावात पाणीटंचाई, कचरा उचलण,बेकायदेशीर बांधकामे,पावसाळ्यापुर्वीची कामे अशा समस्या असताना ग्रामविकास अधिकारी गायब आहेत, म्हणून ते हरविल्याची तक्रार केली आहे.-मंगेश केणे, (अध्यक्ष, ओबीसी युवा मोर्चा, उल्हासनगर,) 

Thursday 28 April 2022

भिवंडी पिंपळास येथील धनश्री म्हात्रे या विद्यार्थिनीस वकृत्व स्पर्धेत रौप्यपदक !!

भिवंडी पिंपळास येथील धनश्री म्हात्रे या विद्यार्थिनीस वकृत्व स्पर्धेत रौप्यपदक !!


भिवंडी, संदीप शेंडगे : तालुक्यातील मौजे पिंपळास येथील शिवम हॉस्पिटलचे डॉ. नवनीत विठ्ठल म्हात्रे व डॉ. सोनाली नवनीत म्हात्रे यांची कन्या कुमारी धनश्री म्हात्रे या विद्यार्थिनीस संपूर्ण भारतातून घेण्यात आलेल्या मेडिकल वक्तृत्व स्पर्धेत रौप्यपदक मिळाल्याने भिवंडी कराची मान उंचावली आहे. ही वक्तृत्व स्पर्धा भारती विद्यापीठ आणि मेडिकल कॉलेज व हॉस्पिटल महाराष्ट्र येथे भरविण्यात आली होती. या वक्तृत्व स्पर्धेत भारतातील नामांकित कॉलेजमधील शेकडो विद्यार्थी व विद्यार्थिनीनी सहभाग घेतला होता. कुमारी धनश्री ही एम.बी.बी.एस शिक्षण घेत आहे, तिला संपूर्ण भारताच्या मेडिकल विद्यार्थी स्पर्धेत राष्ट्रीय असेंब्लीमध्ये ओप्पथोलोजी (डोळ्याविषयी ) आजार व उपचार हा विषय देण्यात आला होता.  
   शरीरात व्हिटॅमिनची कमतरता असेल तर त्याचा डोळ्यावर होणारा परिणाम या विषयावर तिने ऑनलाइन स्पर्धेमध्ये वक्तृत्वाच्या जोरावर इतंभूत शास्त्रोक्त संदर्भासहित माहिती सादर केली. या वक्तृत्व स्पर्धेत आपल्या आई वडिलांच्या मार्गदर्शनाने तसेच शिक्षकांच्या सहकार्याने विविध डोळ्यात संबंधी आजार व उपचार याविषयी सखोल माहिती घेतली व ऑनलाईन वक्तृत्व स्पर्धेत उत्कृष्ट पद्धतीने सादर केली. या स्पर्धेत धनश्रीला रौप्य पदक मिळाल्याने महाराष्ट्राचे नाव लौकिक झाले आहे, तिच्यावर सर्वच स्तरातून अभिनंदनाचा वर्षाव होत आहे. अशा प्रकारे धनश्रीने महाराष्ट्राचे व भिवंडी शहराचे नाव लौकिक केले आहे असे पिंपळास येथील ग्रामस्थांचे म्हणणे आहे.

दोन दशकं नाट्यरसिकांच्या मनावर राज्य करणारी गुणी अभिनेत्री सौ. निवेदिता ताई मणचेकर !

दोन दशकं नाट्यरसिकांच्या मनावर राज्य करणारी गुणी अभिनेत्री सौ. निवेदिता ताई मणचेकर !


मुंबई, (शांताराम गुडेकर / दीपक मांडवकर) :

      गेली दोन दशकं व्यावसायिक नाटकांच्या माध्यमातून नाट्यरसिक आणि रंगभूमीची सेवा करत रसिक प्रेक्षकांच्या मनामध्ये आपल एक आदराच स्थान निर्माण करणारी गुणी अभिनेत्री म्हणून निवेदिता ताई यांच्याकडे पाहिलं जातं. एक नाट्य अभिनेत्री म्हणून कोणताही अभिमान न मिरवता ग्रामीण भागातील छोट्या छोट्या मंडळांच्या नाटकापासून ते वस्त्रहरण सारख्या व्यावसायिक नाटकांमधून काम करत असताना सुद्धा साधं आणि सरळ जीवन जगत आजही निवेदिता ताई रंगभूमीची सेवा करत आहेत. रंगभूमीची सेवा करता करता आजही त्या नाट्यक्षेत्रामधून आपली सामाजिक बांधिलकी जपत वेळ मिळेल तसा सामाजिक संस्थांना मदतीचा हात देत असतात. आज गुणी अभिनेत्री म्हणून अनेक पुरस्कारांनी निवेदिता ताई यांना सन्मानित करण्यात आले आहे. लवकरच स्वराज्य प्रतिष्ठान लांजा या सामाजिक संस्थेच्या वतीने नाट्य अभिनेत्री निवेदिता ताई मणचेकर यांचा नाट्यदर्पण पुरस्कार देवून सन्मान करण्यात येणार आहे. नाट्यसृष्टी मध्ये रंगभूमीची सेवा करण्यासाठी मोलाचा वाटा असणाऱ्या निवेदिता ताई यांना भावी वाटचालीस अनेकांकडून मनःपूर्वक शुभेच्छा देण्यात आल्या आहेत.

धुळे पोलिसांनी मोठी कारवाई करत एसयूव्ही जीप मधून ४ आरोपी कडून केल्या ९० तलवारी जप्त !!

धुळे पोलिसांनी  मोठी कारवाई करत एसयूव्ही जीप मधून ४ आरोपी कडून  केल्या ९० तलवारी जप्त !!


भिवंडी, दिं,२८, अरुण पाटील (कोपर) :

            धुळ सोनगीर पोलिसांनी तलवारींचा मोठा साठा जप्त  केला आहे. पोलिसांनी पेट्रोलिंग दरम्यान एका वाहनाची तपासणी केली. या वाहनात त्यांना ९० तलवारी आढळून आल्या. वाहनाला पोलिसांनी थांबण्याचा प्रयत्न केला होता. मात्र, वाहन वेगाने पळवल्याने पोलिसांचा संशय बळावला व त्यांनी वाहनाचा पाठलाग करून त्यास गाठले.
             सोनगीर पोलीस पेट्रोलिंग करीत असताना शिरपूरकडून धुळेच्या दिशेने भरधाव वेगाने जाणाऱ्या स्कॉर्पिओ क्र. एमएच.०९ एम.००१५ ला थांबवण्याचा प्रयत्न केला. परंतु गाडी चालकाने गाडी न थांबवता ती सुसाट पळवली. म्हणून पोलिसांचा संशय बळावला व त्यांनी पाठलाग करून गाडी थांबवून विचारणा केली. गाडीत असलेल्या चार जणांची झाडाझडती घेतली असता गाडीत ९० तलवारी आढळून आल्या.
           सोनगीर पोलिसांनी तात्काळ चारही आरोपींना तलवारींसोबत ताब्यात घेऊन गुन्हा दाखल केला आहे.ताब्यात घेतलेल्या आरोपींमध्ये मोहम्मद शरीफ मोहम्मद शफिक, शेख इलियास शेख लतीफ, सय्यद नईम सय्यद रहीम, कपिल विष्णू दाभाडे सर्व राहणार जालना येथील असून त्यांच्याकडून स्कॉर्पिओ गाडी, ९० तलवारीसह ७ लाख १३ हजार ६०० रुपये किमतीचा मुद्देमाल हस्तगत करण्यात आला आहे. भारतीय हत्यार कायदा कलम ४/२५ व मोटार वाहन कायदा कलम १८४, २३९/ १७७ प्रमाणे सोनगीर पोलीस ठाण्यात गुन्हा दाखल करण्यात आला आहे.
            आरोपी हे तलवारी चित्तोडगड येथून जालना येथे घेऊन जात असल्याचे प्राथमिक चौकशीत समोर आले आहे. त्यांचा हेतू काय होता, याचा तपास सध्या धुळे पोलीस करीत आहेत. यावेळी जिल्हा पोलीस अधीक्षक प्रवीण कुमार पाटील, अप्पर पोलीस अधीक्षक प्रशांत बच्छाव, विभागीय पोलीस उपाधीक्षक प्रदीप मैराळे, सोनगीर पोलीस ठाण्याचे पोलीस निरीक्षक चंद्रकांत पाटील, उपस्थित होते.

युपीत भोंगे हटवल्याबद्दल 'राज ठाकरेनीं केले योगीं'चे कौतुक, महाराष्ट्रात 'योगी' कुणीच नाही, आहेत ते फक्त सत्तेचे 'भोगी'-- राज ठाकरे.

युपीत भोंगे हटवल्याबद्दल 'राज ठाकरेनीं केले योगीं'चे कौतुक,
महाराष्ट्रात 'योगी' कुणीच नाही, आहेत ते फक्त सत्तेचे 'भोगी'-- राज ठाकरे. 


भिवंडी, दिं,२८, अरुण पाटील (कोपर) :

          मशिदीवरील भोंग्यांवरून महाराष्ट्रात महाविकास आघाडी सरकार विरूध्द मनसे आणि भाजप असा राजकीय वाद रंगला आहे. राज ठाकरेंच्या घोषणेचं लोण देशभर पसरलं आहे. उत्तर प्रदेश सरकारने 30 एप्रिलपर्यंत बेकायदा लाऊडस्पीकर हटवण्याचे निर्देश दिले आहेत.


           सरकारच्या आदेशावरून प्रशासनाने राज्यातील अनेक जिल्ह्यांतील धार्मिक स्थळांवरील लाऊडस्पीकर हटवले. योगी सरकारच्या या कारवाईचे मनसे अध्यक्ष राज ठाकरे यांनी कौतूक केले आहे. याशिवाय राज ठाकरे यांनी महाविकास आघाडी सरकारवर निशाणा साधला आहे.


          राज ठाकरे यांनी आपल्या सोशल मीडिया अकाऊंटवरुन एक पत्रक प्रसिद्ध केले आहे. ''उत्तर प्रदेशातील धार्मिक स्थळांवरील, विशेषत: मशिदिंवरील भोंगे उतरवल्याबद्दल योगी सरकारचे मन:पूर्वक अभिनंदन आणि आभार. आमच्या महाराष्ट्रात 'योगी' कुणीच नाही, आहेत ते फक्त सत्तेचे 'भोगी' आहेत. महाराष्ट्र सरकारला सदबुद्धी मिळो हीच आई जगदंबेचरणी प्रार्थना'', असे त्यांनी पत्रकात म्हटलं आहे .
            राज ठाकरे यांनी महाराष्ट्रातील मशिदींवरील भोंगे हटवण्यासाठी 3 मेपर्यंतचा अल्टीमेटम दिला आहे. "मशिदीवरच्या भोंग्याचा आवाज बेसूर असतो. त्याचा कानांना त्रास होतो त्यामुळे भोंगे उतरवले पाहिजे. आम्ही आमची भूमिका मागे घेणार नाही. त्यामुळे मशिदीवरचे भोंगे उतरवले नाही तर हनुमान चालीसा लावणारचं. 3 मे पर्यंत मशिदीवरचे भोंगे उतरवा. आम्हाला कुठलाही तेढ निर्माण करायचा नाही.", असं मनसे अध्यक्ष राज ठाकरे म्हणाले होते.
           महाराष्ट्रात सध्या भोंगा विरुद्ध हनुमान चालीसा असे चित्र दिसून येत आहे. मनसेने जिथे भोंगा वाजेल तिथे हनुमान चालीसा असा आक्रमक पवित्रा घेतला आहे. त्यामुळे राज्यात तणावाचे वातावरण आहे.

राहुल रमेश गव्हाणे यांची उस्मानाबाद जिल्हा अध्यक्ष पदी निवड !!

राहुल रमेश गव्हाणे यांची उस्मानाबाद जिल्हा अध्यक्ष पदी निवड !!


उस्मानाबाद, प्रतिनिधी : भुम तालुक्यातील पिंपळगाव (बे) येथील सामाजिक कार्यकर्ते राहुल रमेश गव्हाणे यांची भारतीय भटके विमुक्त आदिवासी ओबीसी संघर्ष महासंघाच्या उस्मानाबाद जिल्हा अध्यक्ष पदी राहुल रमेश गव्हाणे यांची निवड संस्थापक तथा "राष्ट्रीय अध्यक्ष अशोक जाधव धनगांवकर" यांनी केली. सदर निवड हि 'महाराष्ट्र प्रदेश संघटक डॉ सुरेश शिंदे' यांच्या शिफारशीनुसार करण्यात आली असून या निवडीचे स्वागत महाराष्ट्र प्रदेश जनसंपर्क प्रमुख गोरख गव्हाणे, सौ.जिनत सय्यद सरपंच, रोहन जाधव नगरसेवक, बंडू पोळ, ॲड., सौ. कविता गव्हाणे पोलिस पाटिल, सौ.वैशाली गव्हाणे पुणे सिटी पोलिस, रविकांत कोळेकर B S F, सचिन चौगुले, दिलीप माळी, सागर ढगे, सचिन घोडके, किरण गव्हाणे, दत्ता पवार, केशव कोळेकर, अक्षय शिंदे, महावीर गाडेकर, अजय गव्हाणे, सुरेश गव्हाणे, विजय परदेशी, सीताराम मराळे, दीपक अवघडे, आदि समाज बांधवांनी केले आहे.

' दि बुद्धिस्ट युथ ' लोढा हेवन -पलावा यांच्या मार्फत महापुरुषांची संयुक्त जयंती !

' दि बुद्धिस्ट युथ ' लोढा हेवन -पलावा यांच्या मार्फत महापुरुषांची  संयुक्त जयंती !


डोंबिवली, हेमंत रोकडे : सर्व तरुण लोढा हेवन -पलावा, डोंबिवली पूर्व विभागात बुद्धिस्ट तरुण तरुणी विचार एक झाले आणि त्या तरुण मुलांनी एकत्र येऊन 'दि बुद्धिस्ट युथ' संघटना स्थापन केली. सामाजिक बांधिलकी जपण्याकरिता सर्व तरुण तरुणी एकत्र येऊन प्रत्येक समाजासाठी, विभागासाठी काहीतरी करायचे आहे हा दृष्टीकोन ठेऊन काम करायचे असे संघटनेचे उद्दिष्ट आहे. 


त्याचाच एक भाग म्हणून दिनांक 23/04/2022 रोजी महापुरुषांची संयुक्त जयंती साजरी करताना विभागात  निबंध स्पर्धा घेतल्या तसेच लोढा हेवन मधील रुबी हॉस्पीटल डॉ. प्रणय टेंभुर्णे यांच्या सहकार्याने रक्तदान शिबिराचे आयोजन करण्यात आले होते. शिबिरात विभागातील अनेक तरुणांनी रक्तदान केले आणि महापुरुषांना अभिवादन केले. भारतरत्न डॉ. बाबासाहेब आंबेडकर, छत्रपती शिवाजी महाराज आणि महात्मा ज्योतिबा फुले यांची जयंती साजरी करताना महापुरुषांना अभिवादन करण्यात आले. यावेळी प्रत्येक मुलांनी खूप मेहनत घेतली. 


सामाजिक भान ठेऊन स्वच्छता, सुसूत्रता तसेच थोर व्यक्तींचा सन्मान, उपस्थितांचे विशेष आभार मानण्यात आले. जयंतीच्या संध्याकाळी सिद्धार्थ महाविद्यालयाचे प्राचार्य विजय मोहिते यांचे प्रबोधन ठेवण्यात आले होते. तसेच 'मानवंदना भीमाला' हा भीम गीतांचा कार्यक्रम ठेवण्यात आला होता. कार्यक्रमाच्या शेवटी समाजसेवक शामराव यादव यांनी मलकप्रित सिंग सैनी या अपघातामध्ये अपंग झालेल्या व्यक्तीस इलेक्ट्रिक थ्री विलर स्कूटर दिली. दि बुद्धिस्ट युथ या संघटनेमधील प्रत्येक व्यक्ती सम विचारी व सुशिक्षित आहे सर्वांनी कार्यक्रम खूप सुंदर नियोजन करून पार पाडला. हे पहिले वर्ष असून त्यांची तळमळ समाज्यासाठी, विभागासाठी आणि सर्वांनी एकत्र येऊन अन्यायाविरुद्ध उभे राहण्याची जिद्द असून दि बुद्धिस्ट युथ पुढे ही असेच विभागात समाजहिताची  कामे करत राहणार असे तरुणांनी सांगितले.

असंघटीत क्षेत्रातील कामगारांसाठी शिवसेना शाखा क्र.१५ आणि १७ तर्फे ई-श्रम कार्ड शिबीरचे आयोजन !!

असंघटीत क्षेत्रातील कामगारांसाठी शिवसेना शाखा क्र.१५ आणि १७ तर्फे ई-श्रम कार्ड शिबीरचे आयोजन !!


मुंबई, (शांताराम गुडेकर/समीर खाडिलकर) :

             सरकारच्या योजनांचा फायदा थेट असंघटीत क्षेत्रातील कामगारांना मिळण्यासाठी केंद्र सरकारकडून ई-श्रम कार्ड ही सुविधा उपलब्ध करून देण्यात आली आहे. देशात या क्षेत्रात काम करणाऱ्या  कामगारांची संख्या मोठी आहे. यात स्थलांतरीत होणाऱ्या  कामगारांचा मोठा समावेश आहे. अशा कामगारांना केंद्र सरकारकडून काही सुविधा देण्यात येत आहे. तसेच भविष्यात देखील काही सेवा देण्याचा सरकारचा विचार आहे. यासाठी अशा कामगारांचा डेटाबेस तयार करण्याचे काम केंद्र सरकार करत आहे.याचा फायदा सर्व सामान्यांना मिळावा या हेतूने असंघटीत क्षेत्रातील कामगारांसाठी शिवसेना शाखा क्र.१५ आणि १७ तसेच श्री साई दर्शन मित्र मंडळ, शिवबा मित्र मंडळ, महाराष्ट्र रिक्षा चालक सेना, जय हनुमान रिक्षा चालक सेना यांच्या संयुक्त विद्यमाने प्रमेय वेल्फेअर फॉउंडेशन तर्फे रविवार  दि. १ मे २०२२ रोजी सकाळी १० ते ५ या वेळेत शिवसेना शाखा क्र.१७, दयानंद भंडारी चाळ, एस. बी. आय बँक समोर, चिकूवाडी, बोरिवली (पश्चिम) येथे ई-श्रम कार्ड शिबीरचे आयोजन करण्यात आले आहे.

ई-श्रम पोर्टल महत्वाचे कागदपत्रे-

आधार क्रमांक, आधार क्रमांक लिंक मोबाईल नंबर, बचत बँक खाते क्रमांक IFSC कोड,
रेशन कार्ड, उत्पन्नाचा दाखला, पत्त्याचा पुरावा,
वयाचा पुरावा (१८ ते ५९ दरम्यान),पासपोर्ट आकाराचे छायाचित्र, पात्रता, मोबाईल नंबर आदी ची गरज आहे. 

सरकार दरवर्षी अर्थसंकल्पात गरींबासाठी योजनांची घोषणा करत असते. मागील वर्षीच्या अर्थसंकल्पात सरकारने ई-श्रम कार्डची घोषणा केली होती. हे कार्ड बनविण्याची प्रत्यक्षात सुरूवात २६ ऑगस्ट २०२१ मध्ये झाली. यासाठी सरकारकडून व्यापक मोहीम देखील सुरू करण्यात आली आहे. असंघटीत क्षेत्रातील कामगारांसाठी या योजनेची सुरूवात सरकारकडून करण्यात आली. या कार्डाच्या माध्यमातून कामगार सरकारी योजनांचा लाभ घेवू शकतात. या सध्या सुरू असणाऱ्या  आणि भविष्यातील योजनांचा यात समावेश असेल. पोर्टलवर नांदेणी केल्यानंतर बारा अंकाचा एक युनिक नंबर देण्यात येतो. नोंदणी केलेल्यांना दोन लाखाच्या अपघात विम्याची सोय सरकारकडून करण्यात येते. तरी असंघटित कामगारांनी  मोठया संख्येने या कार्यक्रम मध्ये सहभागी व्हावे असे आवाहन उपविभाग प्रमुख दामोदर म्हात्रे, शाखा प्रमुख श्री. सुनिल पाटील, शाखा प्रमुख श्री सचिन म्हात्रे शिवसेना शाखा १५ आणि  १७ च्या महिला -पुरुष, युवा पदाधिकारी, सदस्य आणि तमाम शिवसैनिक यांनी केले आहे.

Wednesday 27 April 2022

ठाण्यात भिंती झाल्या बोलक्या ! नागरिकांकडून कौतुक !!

ठाण्यात भिंती झाल्या बोलक्या ! नागरिकांकडून कौतुक !!


ठाणे, हेमंत रोकडे :
ठाणे महानगरपालिका घनकचरा व्यवस्थापन विभागा तर्फे स्वच्छ सर्वेक्षण २०२२ अंतर्गत आयोजित शासकीय, निमशासकीय व खाजगी संस्थांच्या बाहेरील दर्शनी भिंतीवर चित्रे व स्वच्छतेचे संदेश लिहून नागरीकांमध्ये जनजागृती करण्याचे काम. कला क्षेत्रातील प्रसिद्ध स्केचो अ‌ॅक्टीवीटी सेंटर या संस्थेमार्फत होत असून स्केचो अ‌ॅक्टीवीटी सेंटरच्या प्रमुख युवा  मूर्तिकार चित्रकार आरती शर्मा यांच्या मार्गदर्शनाखाली त्यांच्या २० कलाकार टीमने ठाणे शहरात सुशोभीकरण कलेच्या आगळ्यावेगळ्या कल्पना राबविल्या. या निमित्ताने ठाण्यातील चित्रकार सिद्धार्थ नांगरे, अजित कदम, सागर शिंदे, संभू दलाई, किशोर सावंत, सचिन जाडे, समीर पेंडुरकर, दिनेश कदम, नंदिता कासले, पूजा तुराटे, शबाना मिर्झा, किशोर सावंत, वेदांत सावंत, क्रिशन साळवे, लालचंद भिंड, बाबासाहेब गायकवाड, निखिल साळुंके, संजीत पवार, ओमकार वेजरे, नितीन मोतुपल्ले, ललित चव्हाण, मंगल रगडे या २० तरुण चित्रकारांच्या कलाकृतींचे सामूहिक कला दर्शन भिंतीवर रंगवलेले दिसत आहे. 


ठाणे शहर स्वच्छ व सौंदर्यवेधी व्हावे म्हणून ठाणे महानगरपालिका घनकचरा व्यवस्थापन विभागा तर्फे प्रत्येक प्रभागात सौंदर्यीकरणाच्या नाविन्यपूर्ण संकल्पना राबविल्या आहेत, इथे प्रत्येक भिंत बोलते आहे  आणि देते आहे स्वच्छ पर्यावरण संदेश. सांस्कृतिक  संस्कृतीपासून ते अत्याधुनिक प्रगतीपर्यंतचे विविध कलाप्रकारानी या भिंती बोलक्या झाल्या आहेत पारंपरिक भिंत व रंगलेल्या भिंतीमुळे ठाणे शहराचा भिंतीचे रूपच पालटले या अभियानास नागरिकांचा  वाढता प्रतिसाद मिळत आहे, जेष्ठ नागरीक कौतुक करून आम्हाला प्रोत्साहन देतात, ‘पब्लिक आर्ट’ निमित्तानं सामान्य माणूस चित्रांचा विचार कसा करतो याचा अभ्यास आम्हाला होऊ लागला आहे. ठाणेकर आमची चित्रे  पाहताना चित्रकार म्हणून आनंद होतो ठाणेकरांनी रसिक होणं याचं महत्त्व निर्विवाद वेगळं आहे. या निमित्ताने आम्हा कलाकारांना, चित्रकारांना ठाणे महानगर पालिकेने संधी दिली व्यासपीठ दिले असे युवा  मूर्तिकार चित्रकार आरती शर्मा यांनी म्हटले आहे.
आरती शर्मा यांच्या मार्गदर्शना खाली चित्रकारांनी प्रोटेट रंग वापरून निसर्ग चित्र, आदिवासी वारली, वास्तववादी व अमूर्त शैलीतील विविध चित्राकृतींचा अनोखा आविष्कार केला आहे या भिंतीवर आपल्या कलाकुसरीतून, समाजजीवनाचा अनमोल ठसा चित्रकारांनी उमटवला आहे. या भिंती सध्या ठाणेकर रसिकांचे लक्ष वेधून घेत आहेत.

लोकनेते स्व. एकनाथ गायकवाड यांच्या प्रथम स्मृतिदिनानिमित्त आज विशेष कार्यक्रम !!

लोकनेते स्व. एकनाथ गायकवाड यांच्या प्रथम स्मृतिदिनानिमित्त आज विशेष कार्यक्रम !!


मुंबई, (शांताराम गुडेकर) :

           काँग्रेसचे ज्येष्ठ नेते, माजी मंत्री स्व. एकनाथ गायकवाड यांच्या प्रथम स्मृतीदिनानिमित्त त्यांच्या कार्याला व आठवणींना उजाळा देण्यासाठी आज  गुरुवार 28 एप्रिल रोजी संध्याकाळी 6 वाजता विशेष कार्यक्रमाचे आयोजन लोकनेते एकनाथराव गायकवाड विचार मंचच्या वतीने करण्यात आले आहे. श्री. मानव सेवा संघ, सायन मेन रोड, सायन (पूर्व), मुंबई येथे हा कार्यक्रम होत असून काँग्रेस पक्षातील अनेक मान्यवर नेते या कार्यक्रमाला उपस्थित राहणार आहेत, अशी माहिती महाराष्ट्र प्रदेश काँग्रेस कमिटीचे प्रवक्ते व कार्यक्रमाचे निमंत्रक सुरेशचंद्र राजहंस यांनी दिली आहे.
            यासंदर्भात बोलताना राजहंस म्हणाले की, लोकनेते स्व. एकनाथराव गायकवाड यांचा राजकीय आणि सामाजिक प्रवास थक्क करणारा होता. एका मागास कुटूंबात जन्मलेल्या आणि कोणतीही राजकीय पार्श्वभूमि नसताना केवळ जिद्द, संघर्ष, दांडगा जनसंपर्क आणि झुंजार वृत्ती याच्या बळावर त्यांनी विविध पदांना गवसणी घालतानाच लोकांच्या मनात अढळ स्थान निर्माण केले. विधानसभा व लोकसभेचे सदस्य म्हणून त्यांनी जनतेच्या प्रश्नांसाठी आंदोलने केली. मुंबई काँग्रेसच्या अध्यक्षपदाची धुरा वाहत असताना कोरोना महामारीच्या काळात स्वत:च्या जीवाची पर्वा न करता गायकवाड यांनी मुंबईकरांची सेवा केली. कोरोना महामारीत मुंबईकरांची सेवा करत असतानाच त्यांना कोरोनाची लागण झाली व नंतर 28 एप्रिल 2021 रोजी त्यांनी अखेरचा श्वास घेतला. या कार्यक्रमाला राजकिय, सामाजिक व इतर क्षेत्रातील अनेक मान्यवर नेते उपस्थित राहणार आहेत असे राजहंस यांनी सांगितले.

राज्यपालांच्या उपस्थितीत होलोकॉस्ट दिन प्रार्थनासभा संपन्न; विविध देशांचे वाणिज्यदूत उपस्थित !!

राज्यपालांच्या उपस्थितीत होलोकॉस्ट दिन प्रार्थनासभा संपन्न; विविध देशांचे वाणिज्यदूत उपस्थित !!


मुंबई, आजाद श्रीवास्तव : दुसऱ्या महायुद्धाच्या काळात नाझी जर्मनी कडून मारल्या गेलेल्या लाखो निरपराध ज्यू लोकांच्या स्मरणार्थ मुंबई येथे राज्यपाल भगतसिंह कोश्यारी यांच्या प्रमुख उपस्थितीत होलोकॉस्ट स्मृतिदिनानिमित्त एका प्रार्थना सभेचे आयोजन करण्यात आले. 


ज्यू धर्मियांच्या काळाघोडा मुंबई येथील केनिसेथ इलियाहू सिनेगॉग या ऐतिहासिक प्रार्थनास्थळाच्या ठिकाणी मंगळवारी (दि. २६) या प्रार्थनासभेचे आयोजन करण्यात आले होते. 


यावेळी राज्यपालांसह विविध देशांच्या वाणिज्यदूतांनी मृतांच्या स्मृतिप्रीत्यर्थ मेणबत्ती लावली व त्यांना आपली आदरांजली वाहिली.   


प्रार्थनासभेला ससून ट्रस्टचे अध्यक्ष सॉलोमन सॉफर, शारे रेशन सिनेगॉगचे अध्यक्ष जुडा सॅम्युअल, इस्रायलचे मुंबईतील वाणिज्यदूत कोबी शोशानी, फ्रांसचे वाणिज्यदूत जॉन मार्क सेर शॉर्ले, अमेरिकेचे मुंबईतील वाणिज्यदूत डेव्हिड जे रांझ, तसेच संयुक्त अरब अमिराती, रशियन फेडरेशन, अर्जेंटिना, इटली, ऑस्ट्रेलिया, कॅनडा, हंगेरी, आइसलँड, आयर्लंड, जपान, नेदरलँड्स, पोलंड, स्वीडन, स्पेन, जर्मनी, दक्षिण आफ्रिका व ब्रिटनचे वाणिज्यदूत वा त्यांचे प्रतिनिधी तसेच ज्यू नागरिक उपस्थित होते. 


छत्रपती शिवाजी महाराज आणि डॉ. बाबासाहेब काहींना कळलेच नाहीत - ज्ञानेश महाराव

छत्रपती शिवाजी महाराज आणि डॉ. बाबासाहेब काहींना कळलेच नाहीत - ज्ञानेश महाराव


मुंबई, (शांताराम गुडेकर) :

           छत्रपती शिवाजी महाराज यांचा इतिहास चुकीच्या पद्धतीने आजही काही ढोंगी लोक सांगत आहेत, काहींनी यावरून महाराष्ट्र भूषण सुद्धा घेतले पण खरे छत्रपती शिवाजी महाराज पोवाड्यातून सादर केले ते महात्मा जोतिबा फुले यांनी असे परखड मत जेष्ठ पत्रकार आणि चित्रलेखाचे संपादक ज्ञानेश महाराव यांनी सदिच्छा सामाजिक विकास संस्थेने आयोजित केलेल्या डॉ. बाबासाहेब आंबेडकर यांच्या १३१ व्या जयंतीनिमित्त पुरस्कार सोहळ्यात मांडले. सदर कार्यक्रम डॉ. बाबासाहेब आंबेडकर हॉल, माटुंगा लेबर कॅम्प, येथे आयोजित करण्यात आला होता यावेळी प्रमुख वक्ते म्हणून ते बोलत होते. यावेळी त्यांच्यासोबत कवी गझलकार गजानन तुपे, माजी सहा. पोलीस आयुक्त धनंजय वंजारी, स्थानिक नगरसेविका सौ. हर्षला मोरे, समाजसेवक आशिष मोरे आदी मान्यवर उपस्थित होते. 

यावेळी त्यांनी राज्यातील अनेक प्रश्नावर भाष्य केले, ज्यांना साधी गणपतीची आरती पाठ नाही, असे लोक हनुमान चालीसा पठण करण्यास सांगत आहेत, जातीय तेढ निर्माण करून राज्यातील वातावरण बदलण्यासाठी चाललेली ही धडपड बघवत नाही, नोटबंदी पासून देशाला लागलेले ग्रहण आणि नंतर कोरोनाच्या पादुर्भावामुळे जनतेची झालेली निराशा, नुकसानभरपाई यापुढे आता वाढत चाललेल्या तेलाच्या किंमती, प्रचंड महागाई या अनेक विषयांवर अगदी कवितेतून गाण्यातून त्यांनी आपली मते मांडताना भविष्यात देश लोकशाही मुक्त करण्याचा कुटील डाव, संविधान नष्ट करण्याची चाल, याबाबत सविस्तर मते मांडली. यावेळी कवी गझलकार गजानन तुपे यानी चालू घडामोडी आणि स्त्री जातीला दिली जाणारी आजही हीन वागणूक यावर कविता सादर केल्या, काही रचना, गझल सादर करून उपस्थित श्रोत्यांची मने जिंकली. माजी सहा. पोलीस आयुक्त यांनी नेहमीप्रमाणे देशात चाललेल्या घडामोडीवर  भाष्य केले. देशाच्या पंतप्रधान यांना इतर देशांप्रमाणे राष्ट्राध्यक्ष निवडणूक हवी आहे. त्यांना लोकशाही मार्गाने होत असलेल्या निवडणुका नको आहेत, संविधान बदलण्यासाठी अहोरात्र काम सुरू असल्याचे सांगितले. 

यावेळी सदिच्छा सामाजिक विकास संस्थेच्या वतीने  धम्माचे विचार लोकांना पठवून देणारे आयु नाना कांबळे यांना जीवन गौरव पुरस्कार देऊन गौरविण्यात आले. त्याचबरोबर विविध क्षेत्रात कार्यरत असलेल्या अनेक मान्यवरांचे पुरस्कार देऊन गौरव करण्यात आले. यावेळी संस्थेचे अध्यक्ष सुनील कांबळे यांनी संस्थेच्या कार्याची माहिती दिली तर सूत्रसंचालन शशिकांत गायकवाड यांनी केले तर संस्थेच्या सर्व पदाधिकारी यांनी प्रचंड मेहनत करून सदर कार्यक्रम यशस्वीरीत्या पार पडला.

५५ वी कनिष्ठ आणि वरिष्ठ कलात्मक जिम्नॅस्टिक्स राज्य स्पर्धेत डोंबिवलीतील भोईर जिमखान्याचे सुयश !!

५५ वी कनिष्ठ आणि वरिष्ठ कलात्मक जिम्नॅस्टिक्स राज्य स्पर्धेत डोंबिवलीतील भोईर जिमखान्याचे सुयश !!


डोंबिवली, हेमंत रोकडे : ५५ वी कनिष्ठ आणि वरिष्ठ कलात्मक जिम्नॅस्टिक्स (Artistic Gymnastic) राज्य स्पर्धा २०२१-२२ दिनांक २३ आणि २४ एप्रिल २०२२ रोजी ५५ वी कनिष्ठ आणि वरिष्ठ कलात्मक जिम्नॅस्टिक्स राज्य स्पर्धा २०२१-११, २३ आणि २४ एप्रिल २०२२ रोजी शिवछत्रपती क्रीडा संकुल, महाळुंगे-बालेवाडी, पुणे येथे पार पडली. 


या स्पर्धा महाराष्ट्र हौशी जिम्नॅस्टिक संस्था अंतर्गत आयोजित केल्या होत्या. स्पर्धेमध्ये महाराष्ट्रातील २० जिल्हातुन १४८ खेळडू तसेच ५० पंच आणि प्रशिक्षक यांनी सहभाग घेतला होता. स्पर्धेमध्ये अनेक राष्ट्रीय, आंतरराष्ट्रीय तसेच शिवछत्रपती पुरस्कारारर्थी यांनी उपस्थित होते. स्पर्धच्या संचालनाची संपूर्ण जबाबदारी आंतरराष्ट्रीय पंच प्रवीण ढगे यांनी पार पडले. 


हया स्पर्धेत भोईर जिमखाना खेळो इंडिया अकादमी खालील खेळाडूंनी प्रतिनिधित्व केले. आणि  १ सुवर्ण, ११ रौप्य, ५ कांस्य, एकूण १७ एवढी पदके मिळवली. सानिका अत्तर्डे व्हॉल्ट-रौप्य, बॅलन्स बीम - सुवर्ण, ऑलराउंडर – कांस्य आणि संघ-कांस्य, मनेश गाढवे ह्याने पोमेल हॉर्स - रौप्य, आडव्या पट्टी - रौप्य , ऑलराउंडर - सिल्व्हर आणि टीम - रौप्य, हिमांशू म्हात्रे स्टिल रिंग - कांस्य, ऑलराउंडर - रौप्य, टीम रौप्य पदके मिळवून विशेष कामगिरी बजावली. 


यात मानस घोडेकर ( सिल्व्हर ), कृष्णा घोडेकर ( सिल्व्हर ), मंगेश घोडेकर ( सिल्व्हर ), हिमांशू म्हात्रे (ब्रोन्स ), अथर्व टेमकर ( सिल्व्हर ), संस्कार मंचेकर ( सिल्व्हर), नेहा दांडेकर ( ब्रोन्स ), सानिका अत्तेकर ( गोल्ड, सिल्व्हर आणि ब्रोन्स )  आणि कोमल धाके (ब्रोन्स ) या डोंबिवली भोईर जिमखान्यातील खेळाडूंनी यश संपादित केले. ८ ते १० मे २०२२ दरम्यान अंबाला कॅंट, हरियाणा येथे आयोजित  सिनियर आर्टिस्टिक जिम्नॅस्टिक्स नॅशनल आर्टिस्टिक जिम्नॅस्टिक्स (MAG आणि WAG) मध्ये सहभागी होणार आहे. राष्ट्रीय चॅम्पियनशिपमध्ये भाग घेण्यासाठी  जिम्नॅस्ट हिमांशू म्हात्रे, मनेश गाढवे, अथर्व टेमकर, सानिका अत्तर्डे, व्यवस्थापक  नंदकिशोर तावडे, भक्ती तिवारी, पंच पवन भोईर, केतकी गोखले यांची सदस्यांची निवड करण्यात आली आहे सर्व विजेते खेळाडूंचे ठाणे जिल्हा जिम्नॅस्टिक अससोसिएशचे अध्यक्ष व भोईर जिमखान्याचे संस्थापक  मुकुंद भोईर व माजी आमदार रमेश पाटील आणि वरिष्ठ प्रशिक्षक रवींद्र शिर्के आणि नंदकिशोर तावडे यांनी सर्वांचे अभिनंदन केले. महाराष्ट्र राज्य हौशी जिम्नॅस्टिक संघटनेचे सचिव मकरंद जोशी व सचिव संजय शेटे यांच्या नेतृत्वाखाली स्पर्धा उत्साहाने पार पाडल्या.

मारुती जाधव आदर्श शिक्षक पुरस्काराने सन्मानित !!

मारुती जाधव आदर्श शिक्षक पुरस्काराने सन्मानित !!


मुंबई, (शांताराम गुडेकर) :

          घाटकोपर मधील ज्ञानसागर विद्या मंदिरचे शिक्षक मारुती शशिकांत जाधव यांना यंदाचा आदर्श शिक्षक पुरस्कार- २०२२ ने  सन्मानित करण्यात आले. चारकोप गोराई येथे आयोजित सन्मान सोहळ्यात अक्षर साहित्य कला मंचचे अध्यक्ष दिनेश गायकवाड, राज बोराटे यांच्या हस्ते त्यांना सन्मानचिन्ह व शाल देऊन गौरविण्यात आले.अक्षर साहित्य कलामंच , शिक्षक नेते श्री. एस. ए. शेंडगे मल्टिपर्पज निधी बँक लि मुंबई , चारकोप गोराई शिक्षक संघ तसेच अखिल भारतीय शिक्षक कल्याण संकल्प यांच्या संयुक्त विद्यमाने निवडक शिक्षकांना  आदर्श शिक्षक पुरस्कार देऊन सन्मानित करण्यात आले. शैक्षणिक , क्रीडा आणि सांस्कृतिक कार्यासाठी मारुती शशिकांत जाधव यांना आदर्श शिक्षक पुरस्काराने सन्मानित करण्यात आले असल्याचे अक्षर साहित्य व कला मंचचे अध्यक्ष दिनेश गायकवाड यांनी माहिती देताना सांगितले. या पुरस्कार सोहळ्यात २६ शिक्षकांना सन्मानित करण्यात आले. मारुती शशिकांत जाधव यांना यंदाचा आदर्श शिक्षक पुरस्काराने  सन्मानित करण्यात आल्याबद्दल त्यांना अनेकांनी अभिनंदन करत शुभेच्छा दिल्या आहेत.

Sailing Camp for NCC Cadets held at INWTC Goa !!

Sailing Camp for NCC Cadets held at INWTC Goa !!


Mumbai, Azad Shrivastav :

A Special Sailing Camp is being conducted by Indian Navy Watermanship Training Centre (INWTC), Goa from 18 to 27 April for NCC cadets from three directorates namely Rajasthan, Gujarat and Karnataka & Goa. A total of 20 cadets (10 each from Senior Division boys and Senior Wing girls) participated in camp. 



During the camp, the participants were introduced to the basics of sailing and windsurfing, through daily sessions on both theory and practcal aspects. The cadets were familiarised on rigging, points of sail, meteorolgy, rules and racing techniques. The participants undertook Sailing and Windsurfing in the Laser Bahia, Hobie -16, Cadet class and the Bic Nova class of sail boats and surf boards. The cadets were also taught the basics of kayaking in single and double seater kayaks.


निवोशीचे पाहिले रिक्षाचालक अंकुश ठोंबरे झळकले कलर्स मराठी वाहिनीवर "भाग्य दिले तू मला" मालिकेत मिळाली काम करण्याची संधी !!

निवोशीचे पाहिले रिक्षाचालक अंकुश ठोंबरे झळकले कलर्स मराठी वाहिनीवर "भाग्य दिले तू मला" मालिकेत मिळाली काम करण्याची संधी !!


[ निवोशी / गुहागर - उदय दणदणे ] :

कलर्स मराठी वरील भाग्य दिले तू मला या मालिकेच चित्रीकरण गुहागर तालुक्यातील पालशेत-निवोशी ग्रामपंचायत कार्यक्षेत्रात विविध परिसरात करण्यात आले आहे. सदर मालिकेत निवोशी गावचे पाहिले रिक्षा चालक अंकुश ठोंबरे यांना एका एपिसोड मध्ये रिक्षाचालक म्हणून काम करण्याची संधी मिळाली आहे.


पालशेत गावची ग्रामदैवत झोलाई देवी मंदिरात सदर मालिकेचे चित्रीकरण झाले असून या मालिकेत कोकण आणि कोकणातल्या पालखीच महत्व यावर प्रकाश टाकणारा वास्तव विषयावर मांडणी करत कोकणातील सण संस्कृती याचे दर्शन घडविले आहे. 


जे भूमिपुत्र काही कारणामुळे आपलं गाव आणि आपल्या ग्रामदेवतेला सोडून गेले ते कोणाच्या तरी मदतीने का होईना ! पण आपलं गाव आणि आपल्या देवाला कसे भेटतात, गावच आणि आपल्या देवाचं महत्व कशा पद्धतीच असत, हे या मालिकेतून  दाखवण्यात आले आहे.  

भाग्य दिले तू मला, या मालिकेतील एका एपिसोड मध्ये अभिनेत्री निवेदिता सराफ यांना डॉक्टरांकडे रिक्षातून घेऊन जाण्यासाठी मला रिक्षाचालक म्हणून सहभाग मिळाला हे माझ भाग्य समजतो. २० वर्षाच्या कालावधीतील हा माझ्यासाठी अनमोल असा क्षण होता. असे निवोशी गावचे रिक्षाचालक अंकुश ठोंबरे यांनी प्रतिक्रिया देत सर्व कलाकारांना शुभेच्छा दिल्या. दिवस असो रात्र प्रसंग कोणताही असुदे प्रत्येकाच्या मदतीला धावणार हा निवोशी सुपुत्र रिक्षाचालक अंकुश ठोंबरे  "कलर्स मराठी वाहिनीवर" "भाग्य दिले तू मला" मालिकेत झळकल्या बद्दल निवोशी- पालशेत ग्रामस्थ जनतेत आनंदाचे वातावरण आहे.

अभिनेत्री निवेदिता सराफ व अभिनेता विवेक सांगळे, अभिनेत्री तन्वी मुंडले, अशा सुप्रसिद्ध कलाकारांच्या दमदार अभिनयाने लक्षवेधी ठरलेली  मालिका "भाग्य दिले तू मला" कलर्स मराठी वाहिनीवर रात्री -०९ : ३० प्रसारित होणाऱ्या या मालिकेत पालशेत आणि गुहागर तालुक्यातील महत्वपूर्ण परिसराराचे निसर्गसौंदर्याचा नजराणा भाग्य दिले तू मला या मालिके प्रति नक्कीच  पाहायला मिळणार आहे.

औरंगाबाद मधील मनसे पदाधिकाऱ्यांकडून ५० भोंगे खरेदी, भोंगे " न " काढल्यास मशिदी समोरच्या मंदिरांवरच वाजवणार भोंगे.--मनसे

औरंगाबाद मधील मनसे पदाधिकाऱ्यांकडून ५० भोंगे खरेदी, भोंगे " न " काढल्यास मशिदी समोरच्या मंदिरांवरच वाजवणार भोंगे.--मनसे 


भिवंडी, दिं,२७, अरुण पाटील (कोपर) :
          मशिदींवरील भोंगे न काढल्यास त्यांच्या समोरील मंदिरावरच भोंगे लावून हनुमान चालिसा पठण करण्यासाठी महाराष्ट्र नवनिर्माण सेना पदाधिकाऱ्यांनी भोंग्यांची खरेदी सुरू केली आहे.


         पहिल्या टप्प्यात मशिदीं समोरच्या मंदिरांतच भोंगे वाजवण्याचे नियोजन आहे. यासाठी बॅटरीवर चालणाऱ्या अत्याधुनिक भोंग्यांची खरेदी सुरू असून औरंगाबादमध्ये ५० भोंगे दाखल झाले आहेत. राज्यभरातही स्थानिक पातळवर खरेदी सुरू आहे.
               मनसेच्या २ एप्रिल २०२२ च्या मुंबईतील गुढीपाडवा मेळाव्यात राज यांनी ज्या मशिदीबाहेर भोंगे लागतील, त्याच्या समोर दुप्पट आवाजात लाऊड स्पीकरवर हनुमान चालिसा लावण्याचे आवाहन केले होते.
                मनसेच्या एका वरिष्ठ पदाधिकाऱ्याने सांगितले की, राज ठाकरे यांच्या आदेशाचे पालन करण्यासाठी कार्यकर्ते सज्ज आहेत. सर्व शहरांत स्थानिक पातळीवर भोंग्यांची खरेदी सुरू केली आहे.
              पदाधिकारी स्वखर्चातून त्यांना शक्य तेवढे भोंगे खरेदी करत आहेत. शासनाने ३ तारखेपर्यंत ठोस भूमिका नाही घेतली तर पहिल्या टप्प्यात मशिदीं समोरच्या मंदिरांवरच भोंगे लावले जानार आहेत .
              शहरात मशिदीं जवळील मंदिरांची यादी तयार करण्याचे काम सुरू आहे.पुढच्या टप्प्यात मशिदी समोर मंदिर नसणाऱ्या ठिकाणी पदाधिकारी, कार्यकर्त्यांच्या घरावर भोंगे लावले जाणार आहेत .
          औरंगाबादेतील पदाधिकाऱ्यांनी १५०० ते १८०० रुपये दराने पुण्यातून ५०-५५ भोंग्यांची खरेदी केली आहे. आता भोंग्यांसाठी वीज, सीडी प्लेअर आदी लागत नाही. बॅटरीवरील भोंग्यांतच amplifayr अॅम्प्लिफायर आहे. ते पेनड्राइव्ह वा ब्ल्यूटूथनेही कनेक्ट होतात. वजनाने हलके असल्याने सहज उचलून गच्चीवर ठेवता येतात. स्पीकरवरही हनुमान चालिसा वाजवण्याचे नियोजन आहे.

-----------
                महाराष्ट्र नवनिर्माण सेनेचे प्रमुख राज ठाकरे यांच्या आदेशाचे पालन करण्यासाठी आम्ही सज्ज आहोत. आम्ही स्थानिक पातळीवर भोंग्यांची खरेदी सुरू केली आहे. तीन तारखेला मशिदींवरील भोंगे बंद नाही झाले तर कोणत्याही परिस्थितीत आमचे भाेंगे जोरातच वाजतील.'
                 (आशिष सुरडकर, शहराध्यक्ष, मनसे, औरंगाबाद )
                 भोंगे काढण्यासाठी राज ठाकरे यांनी तीन मे पर्यंतचा अल्टिमेटम दिला आहे. तोपर्यंत राज्याने कारवाई न केल्यास नेमके काय करायचे हे ते १ तारखेच्या सभेत सांगतीलच. आमच्याकडेही यासाठी प्लॅन बी, सी नव्हे तर "आर' म्हणजेच राज ठाकरे प्लॅन तयार आहे.    
  (साहेब सांगतील ते आम्ही करू.' बाळा नांदगावकर, मनसे नेते)

सार्वजनिक वाचनालय कल्याण आयोजित बालशिबिराचा शुभारंभ !!

सार्वजनिक वाचनालय कल्याण आयोजित बालशिबिराचा शुभारंभ !! कल्याण, प्रतिनिधी : मुलांच्या संस्कारक्षम वयातच वाचन संस्कारासोबत इतर संस...