बदली झाली म्हणून डिप्रेशनमध्ये गेलेल्या आरपीएफ कडून गोळीबार !!
*वरीष्ठ अधिकां-यासह तीनजण ठार, रेल्वे मध्ये खळबळ*
कल्याण, (संजय कांबळे) : जयपूर ते मुंबई पॅसेंजर ट्रेनमध्ये गोळीबाराची धक्कादायक घटना घडली आह पालघर रेल्वे स्थानकाजवळ पहाटे पाच वाजण्याच्या सुमारास ही गोळीबाराची घटना घडली आहे. पॅसेंजरच्या बी-5 बोगीमध्ये हा गोळीबार झाला आहे. गोळीबारात 4 जणांचा मृत्यू झाला असून, मृतांमध्ये एका पोलिसाचाही समावेश आहे. आरपीएफच्या चेतन सिंह या कॉन्स्टेबलनेच हा गोळीबार केल्याची माहिती कळते. आपली बदली गुजरात हुन मुंबई ला झाली म्हणून डिप्रेशनमध्ये गेलेल्या कारणामुळे हा गोळीबार झाल्याची माहिती मिळत आहे. या घटनेमुळे प्रवाशांमध्ये एकच खळबळ उडाली आहे. ही पॅसेंजर सध्या मुंबई सेंट्रल स्थानकात पोहचली आहे. पोलीस पथक, रेल्वे पोलीस पथक मुंबई सेंट्रल रेल्वे स्थानकात ट्रेनमध्ये पाहणी करण्यात येत आहे.
एस्कॉर्ट ड्युटीवर असलेल्या आरपीएफच्या कॉन्स्टेबलने केलेल्या या गोळीबारात आरपीएफचे एएसआय टीका राम यांच्यासह तीन प्रवाशांचा मृत्यू झाला आहे. ज्या डब्यात ही घटना घडली, तो डबा पोलिसांकडून सिल करण्यात आला आहे. पोलीस सर्व तपास करत आहेत. गोळीबार का केला, याबाबत तपासाअंतीच स्पष्ट होईल. मृतांची ओळख पटवण्याचेही काम सुरु आहे. मीरा रोड स्थानकात ट्रेन थांबवून मृतदेह उतरवण्यात आले आणि शताब्दी रुग्णालयात शवविच्छेदनासाठी मृतदेह पाठवण्यात आले आहेत.
चेतन सिंह यांची बदली झाली होती, यामुळे तो मानसिक तणावाखाली होता, अशी माहिती मिळत आहे,त्यांने एएस आय टीका राम यासह इतरही तिघावर गोळीबार करणार होता अशा पण त्यांने प्रवाशाचा जीव का घेतला ते तपासणी तून समोर येणार आहे.
जयपूरहून मुंबईकडे येणाऱ्या पॅसेंजरमध्ये अचानक घडलेल्या या घटनेने एकच खळबळ उडाली आहे. मुंबई सेंट्रल स्थानकात प्रवाशांना उतरवत तपास सुरु करण्यात आला आहे. या घटनेमुळे प्रवाशांच्या सुरक्षेचा प्रश्न ऐरणीवर आला आहे.
No comments:
Post a Comment