नवप्रवेशित विद्यार्थ्यांचा स्वागत समारंभ मोठ्या उत्साहात साजरा !

नवप्रवेशित विद्यार्थ्यांचा स्वागत समारंभ मोठ्या उत्साहात साजरा !

जव्हार, जितेंद्र मोरघा :

लोकनेते रामशेठ ठाकूर कला, विज्ञान व वाणिज्य महाविद्यालय मोखाडा उच्च माध्यमिक व्यवसाय अभ्यासक्रम विभाग आयोजित, इयत्ता अकरावी नवप्रवेशित विद्यार्थ्यांचा स्वागत समारंभ मोठ्या उत्साहात साजरा झाला. प्रथमतः रयत शिक्षण संस्थेचे संस्थापक डॉ. कर्मवीर भाऊराव पाटील यांच्या प्रतिमेला अभिवादन करून कार्यक्रमाला प्रारंभ झाला. इयत्ता बारावीच्या विद्यार्थिनींनी स्वागत गीत म्हणून मान्यवरांचे शब्दसुमनांनी स्वागत केले. या कार्यक्रमाचे प्रास्ताविक कुंभार सर यांनी केले. इयत्ता ११ वी विद्यार्थ्यांचा सत्कार प्रमुख पाहुणे मा. डॉ. एस. एच. जाधव  आणि कार्यक्रमाचे अध्यक्ष डॉ. एल. डी. भोर यांच्या हस्ते झाले. तसेच यावेळी विद्यार्थ्यांनी मनोगत व्यक्त केले. कार्यक्रमासाठी लाभलेले  प्रमुख पाहुणे महाविद्यालयातील इतिहास विभाग प्रमुख डॉ. एस. एच. जाधव हे विद्यार्थ्यांना उद्देशून म्हणाले, की जसा शेतकरी शेतीमध्ये बियाणे टाकतो आणि जेव्हा रोपे तयार होतात. ती रोपे बघताना जसा आनंद होतो ना ! त्याचप्रमाणे तुमचे निर्मळ आणि प्रेमळ चेहरे बघून मला आनंद झाला आहे. अभ्यास करण्याचे हेच वय आहे. या वयात तुम्ही अभ्यास केला तर  नक्कीच तुम्ही ठरवलेले ध्येय साध्य करू शकता. जसे म्हणतात ना 'लाथ मारीन तिथे पाणी काढीन' या उक्तीप्रमाणे तुम्ही ठरवलेले ध्येय साकार करून तुम्ही चांगल्या पदावर  रुजू व्हाल ! असे आव्हान विद्यार्थ्यांना  यावेळी केले. कार्यक्रमाचे अध्यक्ष महाविद्यालयाचे प्राचार्य डॉ. एल. डी. भोर यांनी देखील विद्यार्थ्यांना आपल्या महाविद्यालयात असलेले 'डिजिटल साक्षरता केंद्र' या केंद्रामार्फत अनेक कोर्स चालवले जातात .ते  तुम्ही दोन वर्षात पूर्ण करावेत. असे म्हणून त्यांनी विद्यार्थ्यांना आपल्या महाविद्यालयात प्रवेश केल्याबद्दल 'हार्दिक अभिनंदन' केले. यावेळी महाविद्यालयातील उपप्राचार्य प्रा. एस. जी. मेंगाळ, खोसे सर, महाले सर, इंग्रजी विभाग प्रमुख प्रा. पराडके सर, मराठी विभाग प्रमुख प्रा.घाटाळ सर उपस्थित होते. या कार्यक्रमाचे सूत्रसंचालन इयत्ता बारावीच्या विद्यार्थिनी कु. सोनिया आरडे, गायत्री शेंडे व विमल भांगरे यांनी केले.  आभारप्रदर्शन चोथे सर यांनी केले.