मुरबाड येथील हुतात्मा स्मारक स्तंभाच्या नवीन पाटीचे स्वातंत्र्य सैनिकांच्या कुटुंबियांच्या हस्ते अनावरण !!
मुरबाड, (मंगल डोंगरे) : शहीद दिना निमित्त आज मंगळवार दिनांक 23 मार्च रोजी मुरबाड येथील हुतात्मा स्मारक स्तंभाच्या नवीन पाटीचे स्वातंत्र्य सैनिकांच्या कुटुंबियांच्या हस्ते अनावरण करण्यात आले .मुरबाड येथील शिवाजी चौकात तत्कालीन मुरबाड ग्रामपंचायतीने स्वातंत्र्य संग्रामातील मुरबाड येथील स्वातंत्र्य सैनिकांच्या नावाचा स्तंभ तयार केला होता.
या स्तंभावरील फलकामध्ये काही नावात चूक झाल्याने ही नावे बदलण्याची मागणी स्वातंत्र्य सैनिकानी माजी आमदार गोटीराम पवार यांचे कडे केली होती. त्यांनी ठाणे जिल्हाधिकारी व मुरबाड नगर पंचायतीचे मुख्याधिकारी पारितोष कंकाळ यांना पत्रव्यवहार केला होता. त्याची दखल घेत मुरबाड नगर पंचायतीचे मुख्याधिकारी पारितोष कंकाळ यांनी नवीन पाटी तयार केली. आणि आज शहीद दिना चा मुहूर्त साधून या पाटीचे अनावरण करण्यात आले. यावेळी स्वातंत्र्य सैनिकांचे कुटुंबीय विजय शहा, संतोष पिसाट, हेरंब देहेरकर माजी नगराध्यक्षा शीतल तोंडलीकर दै. सकाळचे प्रतिनिधी जेष्ठ पत्रकार मुरळीधर आण्णा दळवी आदि मान्यवर उपस्थित होते.
No comments:
Post a Comment