नमन लोककला संस्थेने रचला इतिहास ! कोकणातील जेष्ठ लोककलावंत "लोककला गौरव पुरस्कार २०२२" ने सन्मानित !

नमन लोककला संस्थेने रचला इतिहास ! कोकणातील जेष्ठ लोककलावंत "लोककला गौरव पुरस्कार २०२२" ने सन्मानित !

*( निवोशी/गुहागर - उदय दणदणे)*

कोकण हे लोककलेचं माहेर घर आणि याच कोकणात आज विविध लोककला जोपासण्याचे कार्य अनेक मंडळ व लोककलावंत करत आहेत. त्यातीलच एक सर्वाधिक लोकप्रिय असलेली नमन या लोककलेचं संवर्धन जतन व्हावं त्याचबरोबर लोककलावंतानाही त्यांचे संविधानिक हक्क मिळावेत या साठी नमन लोककला संस्था (कार्यक्षेत्र -भारत ) मध्यवर्ती मुबंई ही संस्था लोककलावंत यांच्या प्रति न्याय हक्कासाठी कार्यरत असून सदर संस्थेच्या वतीने व साईश्रद्धा कलापथक मुंबई (कानसे ग्रुप ) यांच्या संयुक्त विद्यमाने नुकताच  जागर नमन लोककलेचा सन्मान लोककलावंताचा हा भव्य दिव्य सोहळा दि.२७ जून २०२२ सोमवार रोजी मास्टर दीनानाथ मंगेशकर नाट्यगृह विलेपार्ले मुंबई येथे प्रमुख मान्यवरांच्या उपस्थितीत पार पडला. ५० वर्षे अधिक नमन लोकककलेच्या प्रवाहात आपलं योगदान देणाऱ्या कोकणातील ज्येष्ठ लोककलावंतांना *लोककला गौरव पुरस्कार २०२२* व नमन लोकलेतील मागील पिढीचा वारसा पुढे घेऊन चाललेल्या कलावंतांना *विशेष गौरव पुरस्कार२०२२* देऊन गौरविण्यात आले. 

लोककला गौरव पुरस्कार २०२२ ने गौरविण्यात आलेले लोककलावंत - बबन म.कांबळे (गुहागर), जगन्नाथ ग.शिंदे (गुहागर), दिनेश शं.बुदर (चिपळूण), रमेश दे.गुडेकर (चिपळूण), झराजी गं. वीर (रत्नागिरी), सदाशिव स.पाले (रत्नागिरी), अंकुश रा. गुरव (लांजा), धनाजी सु.तांबे (राजापूर), सुरेश कृ.मांडवकर (राजापूर), नारायण बा.खेडेकर (आबा)- (संगमेश्वर), कृष्णा गं. जोगले (संगमेश्वर), तर विशेष पुरस्कार २०२२ ने गौरविण्यात आलेले  लोककलावंत- शिवराम रांजाणे -गुहागर, जनार्दन आंबेकर -गुहागर, सुधीर टाणकर - गुहागर , भिकाजी चोगले- चिपळूण, एकनाथ गुडेकर -चिपळूण, दत्ताराम भेरे -संगमेश्वर, दिनेश बांडागळे-संगमेश्वर,  प्रदीप ( पिंट्या ) भालेकर -संगमेश्वर, सूर्यकांत धनावडे - रत्नागिरी, गणपत वीर - रत्नागिरी, सुहास साखरकर - लांजा, प्रदीप मिरजोळकर - राजापूर, संतोष बाईंग - राजापूर, या सर्व नमन लोककलेचे पाईक असणाऱ्या  लोककलावंतांना शाल, पुष्पगुच्छ, मानचिन्ह, सन्मानपत्र, देऊन गौरविण्यात आले. त्याच बरोबर नुकतच निधन झालेलं कानसे ग्रुपचा कलाकार स्वर्गीय.अनील  घवाळी यांच्या कुटुंबीयांच कृतीज्ञापूर्वक या सोहळ्याप्रति विशेष सन्मान करण्यात आला. निर्माते, लेखक /दिग्दर्शक : संदीप कानसे, शाहीर - रामचंद्र घाणेकर, सुरेश चिबडे, कवी- विकास लंबोरे, शाहीर -प्रकाश पांजणे, लोकशाहीर- मधुकर पंदेरे असे कलाक्षेत्रात उल्लेखनीय कामगिरी असणाऱ्या अनेक कलाकारांचे यथोचित सत्कार करण्यात आला. 

सदर सोहळा नमन लोककला संस्थेचे विद्यमान अध्यक्ष सन्मा. रविंद्र मटकर यांच्या अध्यक्षतेखाली व गुहागर तालुक्याचे मा. आमदार सन्मा विनयजी नातू  साहेब, वंचीत बहुजन आघाडी रत्नागिरी जिल्हा अध्यक्ष. विकास (अण्णा) जाधव, महासचिव नितीन जाधव, मा.रविंद्र बावकर , मा.प्रमोद गांधी,यांच्या उपस्थितीत पार पडला. सदर सोहळ्याला कला-सामाजिक क्षेत्रातील अनेक मान्यवर मंडळी, शाहिरी वर्ग, कलाकार मंडळी आणि कोकण कलेवर प्रेम करणारे असंख्य रसिक प्रेक्षक उपस्थित राहून या ऐतिहासिक सुवर्ण सोहळ्याचे साक्षीदार बनले. व्यासपीठावर उपस्थित मान्यवरांनी आपले मनोगत व्यक्त करत असताना भविष्यात नमन लोककला संस्थेच्या न्यायीक लढयात आणि लोककलावंताच्या पाठीशी आम्ही खंबीरपणे उभे राहू असे आश्वसित केले. संस्थेचे अध्यक्ष रवींद्र मटकर यांनी आपले मनोगत व्यक्त करत आलेल्या मान्यवरांचे आणि उपस्थित रसिकांचे आभार मानले. सदर कार्यक्रमाचे सूत्रसंचालन न. लो. संस्थेचे महासचिव.शाहिद खेरटकर यांनी केले. तर कार्यक्रम यशस्वी होण्यासाठी संस्थेची सचिव -सुधाकर मास्कर , सतिश (दादा) जोशी, तुषार पंदेरे, उपाध्यक्ष रमाकांत जावळे, सदस्य-संदिप कानसे, उदय दणदणे, संगीता पांचाळ- बलेकर, शिवण्याताई मांडवकर, सुभाष बांबरकर, प्रवीण कुलये, अमित काताळे, तालुकानिहाय शाखा कार्यकर्ते आणि साईश्रद्धा कलापथक मुंबई (कानसे ग्रुप) यांचे मोलाचे सहकार्य लाभले.